রিপব্লিক ওফ ক্রোএসিয়াগী প্রধান মন্ত্রী, ঐচ.ই. মিস্তর এনদ্রেজ প্লেনকোভিচনা বর্তন তৌরকপদগী ভারতকী প্রধান মন্ত্রী, শ্রী নরেন্দ্র মোদীনা 2025গী জুন 18দা ক্রোএসিয়াদা ওফিসিএল ভিজিৎ অমা চৎখি। লৈবাক অনিগী মরক্তা অৱাংবা থাক্কী এক্সচেঞ্জশিং মপাঙ্গল কনখৎহন্নবা ভারতকী প্রধান মন্ত্রী অমনা ক্রোএসিয়াদা চৎপা ইহান হানবা খোঙচৎ ওইরি।

প্রধান মন্ত্রী প্লেনকোভিচ অমসুং প্রধান মন্ত্রী মোদীনা নাকল অনিগী মরী, ভারত-ই.য়ু.গী স্ত্রেতেজিক পার্তনরশিপ অমসুং মল্তিলেতরেল ফোরমশিংদা তেংবাং পীনবা হেনগৎহন্নবা লম কয়াদা খন্ন-নৈনখি। ভারত অমসুং ক্রোএসিয়াগী মরক্তা দেমোক্রেসী, আইনগী কাংলোন, প্লুরেলিজম অমসুং ইক্বেলিতীগী শেয়র ভেল্যুশিংদা য়ুম্ফম ওইদুনা নক্নবা অমসুং মরুপ-মপাং ওইবগী মরী লৈনরি হায়না মখোয় অনিমক্না য়ানখি।

প্রধান মন্ত্রী মোদীগী খোঙচৎ অসিনা লৈবাক অনিগী মরক্তা লৈরিবা মরীদা অনৌবা ইনোৎ পীরি মসিনা মরুওইনা তুরিজম, ললোন-ইতিক অমসুং তেক্নোলোজীগী লমদা লৈবাক অনিগী শেন্মিৎলোনগী মরী অদু হেন্না মপাঙ্গল কনখৎহল্লি। প্রধান মন্ত্রী অনিমক্না: (i) এগ্রিকলচরেল কোওপরেসনগী MoU; (ii) সাইন্স অমসুং তেক্নোলোজীদা কোওপরেসনগী প্রোগ্রাম; (iii) কলচরেল একচেঞ্জ প্রোগ্রাম (CEP); অমসুং (iv) জাগ্রেব য়ুনিভর্সিতীদা হিন্দি চেয়র অমা লিংখৎনবা MoU খুৎয়েক পীনবদা নুংঙাইবা ফোংদোকখি।

লুচিংবা অনিনা ইন্দিয়া-মিদ্দল ইস্ত-য়ুরোপ ইকোনোমিক কোরিদোর (IMEC) গী খোঙথাং য়াওনা কন্নেক্তিবিতী ফগৎহনবগী মরুওইবা অদু খঙখি। লৈবাক অনিমক্কী শাংলবা মেরিতাইম ত্রেদিসনশিং য়েংলগা পোর্তশিং অমসুং শিপ্পিংগী লমদা তেংবাং পীনবা হেনগৎনবা মখোয়না য়ানখি। নাকল অনিমক্না ক্রোএসিয়াবু সেন্ত্রেল য়ুরোপকী মেদিতেরেনিয়ন গেৎৱে ওইনা শিজিন্নবগী পোতেন্সিএল অদু মখা তানা থিজিনবদা য়ানখি।

মসিগী মতাংদা, মখোয়না UNCLOSদা ফোংদোক্লিবা মালেমগী সমুদ্রগী আইনবু মপুং ফানা ইকাই খুম্নবা অমসুং সমুদ্রগী ঙাকশেল অমসুং মালেমগী শান্তি অমসুং তংদু লৈতবদা কান্নবা পীনবা সোভরেন্তী, তেরিতোরিএল ইন্তিগ্রিতী অমসুং নেভিগেসনগী নীংতম্বাগী কাংলোনশিংবু অমুক হন্না ফোংদোকখি।

সাইন্স, তেক্নোলোজী অমসুং ইন্নোবেসনগী লমদা, লৈবাক অনিমক্কী সাইন্তিফিক ইন্সতিত্যুসনশিং অমসুং য়ুনিভর্সিতীশিং পুনশিন্নদুনা পুন্না রিসর্চ অমসুং দিবেলপমেন্ত তৌমিন্নবগী মরুওইবা অদু প্রধান মন্ত্রী অনিনা ফোংদোকখি। নাকল অনিমক্না অশাংবা মতমগী ওইবা রিসর্চ কোলাবোরেসনগীদমক নহা ওইরিবা রিসর্চ তৌবশিংগী এক্সচেঞ্জশিং তৌবদা মতেং পাংনবা মখোয়গী অপাম্বা ফোংদোকখি অমসুং খ্বাইদগী ফবা থৌওংশিং শেয়র তৌনবা অমসুং এপ্লাইদ তেক্নোলোজীশিং শেমগৎনবা সাইন্তিফিক কম্ম্যুনিতীগী মনুংদা নেৎৱার্কিং তৌনবা পুক্নিং থৌগৎখি।

প্রধান মন্ত্রী অনিমক্না দিফেন্স কোওপরেসনগী মতাংদা 2023গী মেমোরেন্দম ওফ অন্দর্স্তেন্দিং সাইন তৌনবগী মতাংদা খন্নখি অমসুং দিফেন্সকী মরী হেন্না চেৎশিলহন্নবা য়ানখি। কোলাবোরেসন অমসুং চাং নাইনা ইন্তরেক্সনগী খুত্থাংদা নেস্নেল দিফেন্স ইন্দস্ত্রীশিংগী মরক্তা কোওপরেসনগী খুদোংচাবা থিবদা অহেনবা মীৎয়েং থমগনি।

দিজিতেল তেক্নোলোজী অসি কোওপরেসনগী অতোপ্পা মরুওইবা লম অমনি হায়না খঙনখি। ক্রোএসিয়ন অমসুং ভারতকী সাইন্তিফিক ইকোসিস্তেমশিং অসি হেল্থকেয়র-তেক, এগ্রিকলচর-তেক, ক্লিন-তেক, আর্তিফিসিএল ইন্তেলিজেন্স, মেছিন লর্নিং অমসুং সাইবর সেক্যুরিতীগুম্বা সেক্তরশিংদা থবক তৌরিবা ইনক্যুবেসন সেন্তরশিং অমসুং স্তার্ত-অপশিংগী মরক্তা স্ত্রেতেজিক কোলাবোরেসনশিংদগী কান্নবা ফংগনি। প্রধান মন্ত্রী অনিমক্না ইন্দিয়া-ক্রোএসিয়া স্তার্ত-অপ ব্রিজ মপাঙ্গল কনখৎহন্নবা ৱাফমদা য়ানখি। মসিনা স্তার্ত-অপশিংগী মরক্তা ইনোবেসন অমসুং কোলাবোরেসন হেনগৎহল্লগনি।

মপাঙ্গল কনবা কলচরেল একচেঞ্জশিং অদু শকখঙলদুনা, নাকল অনিমক্না 2026-2030গী মতমগী মনুংদা কলচরেল সেক্তরদা হেন্না চেৎশিলহন্নবগী মরুওইবা অদু ফোংদোকখি। মখোয়না লৈবাক অনিগী মরক্তা লৈরিবা মীওইশিংগী মরক্তা লৈনরিবা মরী অসি মপাঙ্গল কনখৎহন্নবগীদমক কলচর অসি অচৌবা খুৎলাই অমনি হায়না মখোয়না খঙখি।

নাকল অনিগী ওইবা তেংবাং পীনবা তোঙান তোঙানবা সেক্তরশিংদা হেন্না পাকথোক চাউথোকহনবদা স্কিল দিবেলপমেন্ত অমসুং পর্সনেলগী মোবিলিতীগী মরুওইবা অদু মখোয়না খঙখি অমসুং লৈবাক অনিগী মরক্তা ৱার্কফোর্স মোবিলিতীগী মতাংদা য়ানা ৱারোল অমা অথুবা মতমদা লোইশিন্নবা য়ানখি।

প্রধান মন্ত্রী মোদীনা এপ্রিল 22, 2025দা জম্মু অমসুং কশ্মীরগী পহলগামদা তেরোরিস্ত এতেক্কী মতুংদা পীখিবা তেংবাং অমসুং সোলিদরিতী উৎখিবগীদমক প্রধান মন্ত্রী প্লেনকোভিচ অমসুং ক্রোএসিয়াদা থাগৎপা ফোংদোকখি। নাকল অনিমক্না তেরোরিজম অমসুং তেরোরিজমগী মওং অমসুং মতৌ পুম্নমক্তা হিংসাগী চৈথেং পীবা, ত্রান্সনেস্নেল অমসুং ক্রোস-বোর্দর তেরোরিজম য়াওনা নিন্দা তৌখি। মখোয়না তেরোরিজমগী মায়োক্তা মখোয়গী জিরো-তোলরেন্স এপ্রোচ অদু অমুক হন্না ফোংদোকখি অমসুং অসিগুম্বা থৌওংশিং অসি করিগুম্বা ফিভম অমহেক্তদা জস্তিফিকেসন তৌবগী থৌওং য়ানীংদবা ফোংদোকখি। মখোয়না অকনবা ৱাফম থমখি মদুদি এতেকশিং অসিগীদমক থৌদাং লৌরিবা মীওইশিং অদু পাউখুম পীরকপা মথৌ তাই অমসুং তেরোরিস্তশিংবু প্রোক্সি ওইনা শীজিন্নবা অদু য়ানিংদবা ফোংদোকখি। মখোয়না য়ুনাইতেদ নেসন্স গ্লোবেল কাউন্তর তেরোরিজম স্ত্রেতেজি, হীরম অসিদা মরুওইবা ইন্তর্নেস্নেল কনভেন্সনশিং অমসুং প্রোতোকোলশিং অমসুং য়ুনাইতেদ নেসন্স সেক্যুরিতী কাউন্সিলগী মরী লৈনবা রিজোলুসনশিং মপুং ফানা ইমপ্লিমেন্ত তৌবদা মতেং পাংনবগী মখোয়গী লেপ্পা লৈতবা ফিরেপ অদু ফোংদোকখি। মখোয়না UN, FATF অমসুং রিজনেল মেকানিজমশিংগী খুত্থাংদা তেরোরিজম ফাইনান্সিং নেৎৱার্কশিং থিংনবা, সেফ হেভেনশিং মুত্থৎনবা, তেরোরিজমগী ইনফ্রাস্ত্রকচরশিং মুত্থৎনবা অমসুং তেরোরিজমগী থৌদাং লৌবশিং অথুবা মতমদা ৱায়েলদা পুখৎনবা হায়খি। মখোয়না UN অমসুং EUনা মশক তাকপা তেরোরিস্ত অমসুং তেরোরিস্ত এন্তিতীশিং, মরী লৈনবা প্রোক্সি গ্রুপশিং, ফেসিলিতরশিং অমসুং স্পোন্সরশিং, 1267 UNSC সেঙ্কসন কম্মিতীগী মখাদা তেরোরিস্তশিং য়াওনা তেরোরিস্তশিংগী মায়োক্তা পুন্না থবক পায়খৎনবা তকশিনখি।

প্রধান মন্ত্রী অনিমক্না য়ুক্রেনদা লান য়াওনা রিজনেল অমসুং মালেমগী ওইবা হীরমশিংদা ৱাখল্লোনশিং ফোংদোক্নখি। মখোয়না ইন্তর্নেস্নল লো, UN চার্তরগী প্রিন্সিপলশিং অমসুং তেরিতোরিএল ইন্তিগ্রিতী অমসুং সোভরেন্তী ইকাই খুম্নবদা য়ুম্ফম ওইবা য়ুক্রেনদা অচুম্বা অমসুং মতম শাংনা চৎনবা য়াবা শান্তি অমা পুরকপদা মতেং পাংলি হায়না ফোংদোকখি। লুচিংবা অনিমক্না মিদ্দল ইস্ততা সেক্যুরিতীগী ফীভম শোকচিল্লকপগী মতাংদা অৱাবা ফোংদোকখি অমসুং ইজরেল অমসুং ইরানগী মরক্তা ‌উংখৎনবা হন্থহন্নবা হায়খি। লুচিংবা অনিনা ইন্দো-পেসিফিক লমদম অসি মালেমগী আইনগী মখা পোন্না অমসুং লৈবাক অমনা অমবু ইকায় খুম্নবা অমসুং ইথিল লৈরবা রিজনেল ইন্সতিত্যুসনশিংনা মতেং পাংদুনা ৱারোইশিন পুরকপা ঙম্নবা মখোয়গী অচেৎপা ফিরেপ অদু অমুক হন্না ফোংদোকখি।

নাকল অনিমক্না মল্তিলেতরেলিজম অমসুং রুলশিংদা য়ুম্ফম ওইবা ইন্তর্নেস্নেল ওর্দর অমগীদমক মখোয়গী অচেৎপা ফিরেপ অদু অমুক হন্না ফোংদোক্নখি। মখোয়না য়ুনাইতেদ নেসন্স সিস্তেম, মরুওইনা য়ুনাইতেদ নেসন্স সেক্যুরিতী কাউন্সিলবু হেন্না ইনক্লুসিব, ত্রান্সপরেন্ত, ইফেক্তিব, একাউন্তিব, ইফিসিএন্ত অমসুং হৌজিক্কী জিওপোলিতিকেল রিয়েলিতিশিংগা হেন্না মরী লৈনবা ওইহন্নবগীদমক্তা মসিগী পর্মিনেন্ত অমসুং নন-পর্মিনেন্ত কেতগোরি অনিমক্তা পাকথোক চাউথোকহনবগা লোয়ননা রিফোর্ম তৌবগী তঙাই ফদবা অদুদা অকনবা ৱাফম থমখি।

লুচিংবা অনিনা খ্বাইদগী চাউবা দেমোক্রেসী, ওপন মার্কেৎ ইকোনোমী অমসুং প্লুরেলিস্তিক সোসাইতীশিংগী মনুংদা অমা ওইরিবা ভারত অমসুং EUগী মরক্তা স্ত্রেতেজিক পার্তনরশিপকী অনৌবা ইথিল অদু তরাম্না ওকখি। মখোয়না চহি অসিগী মনুংদা ইন্দিয়া-EU FTAগী ম্যুচ্যুএল বেনিফিতেবলগী ৱারোইশিন পুরকপগী মরুওইবা অদু ফোংদোকখি, মসি EUগী কোলেজ ওফ কম্মিস্নরশিংনা 2035গী ফেব্রুৱারীদা ভারতকী পুৱারী ওইরবা খোঙচৎ মনুংদা য়ানখিবা অদুনি।

ভারতকী নাকলনা মখোয়দা ক্রোএসিয়াগী নাকলনা উৎখিবা মীয়োক মীচান ফবা মতৌগীদমক থাগৎপা ফোংদোকখি। প্রধান মন্ত্রী অনিমক্না খোঙচৎ অসিগী আউৎকমশিং অদুদা অপেনবা ফোংদোকখি অমসুং ভারত অমসুং ক্রোএসিয়াগী মরক্তা পার্তনরশিপ পাকথোক চাউথোকহন্নবা মখোয়গী অচেৎপা ফিরেপ অদু অমুক হন্না ফোংদোকখি।

****