அதிகாரமளித்தல், அனைவரையும் உள்ளடக்கல் மற்றும் கலாச்சார பெருமையுடன் அரசின் 11 ஆண்டு நிறைவைக் கொண்டாடும் வகையில், சிறுபான்மையினர் விவகாரங்கள் அமைச்சகம் 2025 ஜூன் 11 முதல் 15 வரை புதுதில்லி, ராஜ்காட்டில் உள்ள காந்தி தர்ஷனில் உள்ள பிர்சா முண்டா புல்வெளியில் சிறுபான்மையினர் கலாச்சார திருவிழாவுக்கு ஏற்பாடு செய்துள்ளது.

அனைவரும் இணைவோம், அனைவரும் உயர்வோம், அனைவரின் முயற்சி, அனைவரின் நம்பிக்கை  என்ற தொலைநோக்குப் பார்வையின் கீழ், அமைச்சகத்தின் முக்கிய திட்டங்கள் மற்றும் சாதனைகளை வெளிப்படுத்தும் வகையில், அனைவரையும் உள்ளடக்கிய வளர்ச்சியின் கொண்டாட்டமாக இந்த நிகழ்வு நடத்தப்படுகிறது. சிறுபான்மை சமூகங்களின், குறிப்பாக கைவினைஞர்கள் மற்றும் பாரம்பரிய கைவினைஞர்களின் பொருளாதார அதிகாரமளித்தலுக்கு அமைச்சகம் மேற்கொண்டு வரும் தொடர்ச்சியான முயற்சிகளையும் இது எடுத்துக்காட்டுகிறது.

இந்தக் கலாச்சார விழாவின் இந்தப் பதிப்பு, இந்தியாவின் வட மாநிலங்களைச் சேர்ந்த 50க்கும் மேற்பட்ட கைவினைஞர்களுக்கு ஒரு துடிப்பான தளத்தை வழங்கும், இதன் மூலம் அவர்கள் பாரம்பரிய கைவினைப்பொருட்களை காட்சிப்படுத்தவும் விற்கவும், சாத்தியமான வாங்குபவர்களுடன் ஈடுபடவும், சந்தை இணைப்புகளை உருவாக்கவும் முடியும்.

தில்லி, பஞ்சாப், ஹரியானா, உத்தராகண்ட், ராஜஸ்தான் மற்றும் உத்தரபிரதேசத்தைச் சேர்ந்த கைவினைஞர்கள் மற்றும் சமையல் நிபுணர்களின் பங்கேற்பு,  மர ஓவியம், நீல மட்பாண்டம், எம்பிராய்டரி, பனாரசி ப்ரோகேட், புல்காரி, தோல் கைவினைப்பொருட்கள், கம்பளம், நகைகள் மற்றும் மர வேலைப்பாடு போன்ற பாரம்பரிய கலை மற்றும் கைவினைப்பொருட்களின் கண்காட்சி மற்றும் விற்பனை,  நாட்டின் பல்வேறு பகுதிகளைச் சேர்ந்த நாட்டுப்புற கலைஞர்களின் நேரடி நிகழ்ச்சிகளைக் கொண்ட கலாச்சார நிகழ்ச்சிகள் போன்றவை நடைபெறும்.

சிறுபான்மை சமூகங்களின் வளமான கலாச்சார பாரம்பரியம் மற்றும் தொழில்முனைவோர் உணர்வை ஊக்குவிக்கும் அதே வேளையில், அமைச்சகத்தின் உள்ளடக்கிய வளர்ச்சி முயற்சிகள் குறித்து அதிக அளவில் விழிப்புணர்வை வளர்ப்பதே விழாவின் நோக்கமாகும். பாரம்பரிய கைவினைஞர்களை மேம்படுத்துதல், பூர்வீக கலை வடிவங்களைப் பாதுகாத்தல் மற்றும் நிலையான வாழ்வாதாரங்களுடன் அவர்களை இணைப்பதற்கான பரந்த முயற்சியின் ஒரு பகுதியாக இது உள்ளது.

பன்முகத்தன்மை, மீள்தன்மை மற்றும் முன்னேற்றத்தின் இந்த கொண்டாட்டத்தில் பங்கேற்க சிறுபான்மையினர் விவகார அமைச்சகம் அனைவரையும் அழைக்கிறது.

***

(Release ID: 2135292)
AD/TS/PKV/RR/KR