ਕੇਂਦਰੀ ਗ੍ਰਹਿ ਅਤੇ ਸਹਿਕਾਰਤਾ ਮੰਤਰੀ ਸ਼੍ਰੀ ਅਮਿਤ ਸ਼ਾਹ ਨੇ ਕਿਹਾ ਹੈ ਕਿ ਮੋਦੀ ਸਰਕਾਰ ਦੇ ਇਤਿਹਾਸਕ 11 ਵਰ੍ਹੇ ਜਨਸੇਵਾ ਦੇ ਸੰਕਲਪ, ਸਾਧਨਾ ਅਤੇ ਸਮਰਪਣ ਦਾ ਸੁਨਹਿਰੀ ਦੌਰ ਰਿਹਾ ਹੈ।

ਸ਼੍ਰੀ ਅਮਿਤ ਸ਼ਾਹ ਨੇ 'X' 'ਤੇ ਆਪਣੀਆਂ ਲੜੀਵਾਰ ਪੋਸਟਾਂ ਵਿੱਚ ਕਿਹਾ ਕਿ 11 ਵਰ੍ਹੇ ਜਨਸੇਵਾ ਦੇ, ਵਿੱਚ ਦੇਸ਼ ਨੇ ਆਰਥਿਕ ਪੁਨਰ ਸੁਰਜੀਤੀ, ਸਮਾਜਿਕ ਨਿਆਂ, ਸੱਭਿਆਚਾਰਕ ਮਾਣ ਅਤੇ ਰਾਸ਼ਟਰੀ ਸੁਰੱਖਿਆ ਦਾ ਇੱਕ ਨਵਾਂ ਯੁੱਗ ਦੇਖਿਆ ਹੈ। ਮੋਦੀ ਸਰਕਾਰ ਨੇ ਇੱਹ ਸਿੱਧ ਕਰ ਦਿੱਤਾ ਕਿ ਜਦੋਂ ਲੀਡਰਸ਼ਿਪ ਸਪੱਸ਼ਟ, ਸੰਕਲਪ ਦ੍ਰਿੜ ਅਤੇ ਇਰਾਦੇ ਜਨਸੇਵਾ ਦੇ ਹੁੰਦੇ ਹਨ, ਤਾਂ ਸੇਵਾ, ਸੁਰੱਖਿਆ ਅਤੇ ਸੁਸ਼ਾਸਨ ਦੇ ਨਵੇਂ ਰਿਕਾਰਡ ਬਣਦੇ ਹਨ।

ਕੇਂਦਰੀ ਗ੍ਰਹਿ ਅਤੇ ਸਹਿਕਾਰਤਾ ਮੰਤਰੀ ਨੇ ਕਿਹਾ ਕਿ 2014 ਵਿੱਚ ਜਦੋਂ ਮੋਦੀ ਜੀ ਨੇ ਦੇਸ਼ ਦੀ ਵਾਗਡੋਰ ਸੰਭਾਲੀ, ਤਾਂ ਦੇਸ਼ ਵਿੱਚ ਪੌਲਿਸੀ ਪੈਰਾਲਿਸਿਸ ਸੀ। ਨਾ ਨੀਤੀਆਂ ਸਨ, ਨਾ ਲੀਡਰਸ਼ਿਪ ਸੀ ਅਤੇ ਸਰਕਾਰ ਵਿੱਚ ਘੁਟਾਲੇ ਸਿਖਰ 'ਤੇ ਸਨ। ਅਰਥਵਿਵਸਥਾ ਢਹਿ-ਢੇਰੀ ਅਤੇ ਸ਼ਾਸਨ ਵਿਵਸਥਾ ਦਿਸ਼ਾਹੀਣ ਸੀ। ਜਨਸੇਵਾ ਦੇ 11 ਵ੍ਹਰੇ ਵਿੱਚ, 'ਮਿਨਿਮਮ ਗਵਰਨਮੈਂਟ, ਮੈਕਸਿਮਮ ਗਵਰਨੈਂਸ' ਨਾਲ ਦੇਸ਼ ਦੇ ਵਿਕਾਸ ਦੀ ਸਪੀਡ ਅਤੇ ਸਕੇਲ ਦੋਵਾਂ ਨੂੰ ਬਦਲਿਆ ਗਿਆ ਹੈ। ਪ੍ਰਧਾਨ ਮੰਤਰੀ ਸ਼੍ਰੀ ਨਰੇਂਦਰ ਮੋਦੀ ਜੀ ਕਿਸਾਨਾਂ, ਮਹਿਲਾਵਾਂ, ਪਛੜੇ, ਦਲਿਤਾਂ ਅਤੇ ਵੰਚਿਤਾਂ ਨੂੰ ਸ਼ਾਸਨ ਦੇ ਕੇਂਦਰ ਵਿੱਚ ਲਿਆਂਦਾ ਅਤੇ ਤੁਸ਼ਟੀਕਰਨ ਦੀ ਥਾਂ 'ਤੇ 'ਸਬਕਾ ਸਾਥ, ਸਬਕਾ ਵਿਕਾਸ, ਸਬਕਾ ਵਿਸ਼ਵਾਸ ਅਤੇ ਸਬਕਾ ਪ੍ਰਯਾਸ' ਦਾ ਕਾਰਜ ਸੱਭਿਆਚਾਰ ਬਣਾਇਆ।

ਸ਼੍ਰੀ ਅਮਿਤ ਸ਼ਾਹ ਨੇ ਕਿਹਾ ਕਿ 11 ਵਰ੍ਹੇ ਜਨਸੇਵਾ ਦੇ ਵਿੱਚ ਰਾਸ਼ਟਰੀ ਸੁਰੱਖਿਆ ਦੀ ਦਿਸ਼ਾ ਵਿੱਚ ਵੀ ਇੱਕ ਮੀਲ ਦਾ ਪੱਥਰ ਸਿੱਧ ਹੋਇਆ ਹੈ। ਨਕਸਲਵਾਦ ਆਪਣੇ ਆਖਰੀ ਸਾਹ ਗਿਣ ਰਿਹਾ ਹੈ, ਜੰਮੂ-ਕਸ਼ਮੀਰ ਅਤੇ ਉੱਤਰ-ਪੂਰਬ ਵਿੱਚ ਸ਼ਾਂਤੀ ਦੀ ਸਥਾਪਨਾ ਹੋਈ ਹੈ, ਭਾਰਤ ਹੁਣ ਆਤੰਕਵਾਦੀ ਹਮਲਿਆਂ ਦਾ ਜਵਾਬ ਆਤੰਕਵਾਦੀਆਂ ਦੇ ਘਰ ‘ਚ ਵੜ੍ਹ ਕੇ ਦਿੰਦਾ ਹੈ। ਇਹ ਮੋਦੀ ਸਰਕਾਰ ਵਿੱਚ ਭਾਰਤ ਦੀ ਬਦਲਦੀ ਤਸਵੀਰ ਨੂੰ ਦਰਸਾਉਂਦਾ ਹੈ। ਮੋਦੀ 3.0 ਵਿੱਚ, ਨਵਾਂ ਭਾਰਤ ਰਿਫੌਰਮ, ਪਰਫੌਰਮ ਅਤੇ ਟ੍ਰਾਂਸਫੌਰਮ ਦੀ ਸ਼ਕਤੀ ਨਾਲ ਵਿਕਸਿਤ ਅਤੇ ਆਤਮ-ਨਿਰਭਰਤਾ ਵੱਲ ਤੇਜ਼ੀ ਨਾਲ ਵਧ ਰਿਹਾ ਹੈ। ਦੇਸ਼ ਵਾਸੀਆਂ ਦੇ ਜੀਵਨ ਵਿੱਚ ਸਕਾਰਾਤਮਕ ਬਦਲਾਅ ਲਿਆ ਕੇ ਹਰ ਖੇਤਰ ਵਿੱਚ ਨੰਬਰ 1 ਭਾਰਤ ਬਣਾਉਣ ਦੀ ਇਹ ਯਾਤਰਾ ਇਸੇ ਤਰ੍ਹਾਂ ਜਾਰੀ ਰਹੇਗੀ।

*****

ਆਰਕੇ/ਵੀਵੀ/ਪੀਆਰ/ਪੀਐੱਸ