امور داخلہ اور امدادباہمی کےمرکزی وزیر جناب امت شاہ نے کہا ہے کہ مودی حکومت کے تاریخی 11 سال عوامی خدمت کے عزم، لگن اور  خدمت کے جذبے سے سرشارسنہری دور رہے ہیں۔

جناب امت شاہ نے ‘ایکس’ پر تسلسل کےساتھکی گئی پوسٹس میں کہا کہ خدمت کے ان 11 سالوں کے دوران، ملک نے اقتصادی بحالی، سماجی انصاف، ثقافتی فخر اور قومی سلامتی کے ایک نئے دور کا مشاہدہ کیا ہے۔ مودی حکومت نے ثابت کر دیا ہے کہ جب قیادت صاف ستھری ہو، غیر متزلزل عزم اور عوامی خدمت پر توجہ مرکوز ہو، تب خدمت، سلامتی اور گڈ گورننس میں نئے سنگ میل حاصل ہوتے ہیں۔

مرکزی وزیر داخلہ اور تعاون کے وزیر نے کہا کہ جب مودی جی نے 2014 میں ملک کی باگ ڈور سنبھالی تو پالیسی فالج زدہ تھی۔ نہ کوئی واضح پالیسیاں تھیں اور نہ ہی قیادت اور حکومت میں بدعنوانی  اپنے عروج پر تھی۔ معیشت کمزور تھی اور حکمرانی کا نظام بے سمت تھا۔ عوامی خدمت کے ان 11 سالوں میں،‘کم سے کم حکومت، زیادہ سے زیادہ گورننس’ کے نقطہ نظر نے ملک کی ترقی کی رفتار اور پیمانے دونوں کو تبدیل کر دیا ہے۔ وزیر اعظم جناب نریندر مودی کسانوں، خواتین، پسماندہ طبقات، دلتوں اور پسماندہ طبقات کو حکمرانی کے مرکز میں لے کر آئیں ہیں۔ ‘‘سب کا ساتھ، سب کا وکاس، سب کا وشواس، اور سب کا پرایاس’’ (سب کا ساتھ، سب کی ترقی، سب کا اعتماد) پر مبنی کام کے کلچرکو فروغ دیا ہے ۔جبکہ اس سے پہلے کی حکومتیں خوشامدکی پالیسی پر عمل پیرا تھیں ۔

جناب امت شاہ نے کہا کہ عوامی خدمت کے ان 11 سالوں کے دوران قومی سلامتی کے میدان میں بھی اہم سنگ میل حاصل کیے گئے ہیں۔ ماؤ نوازی اپنی آخری سانسیں لے رہی ہے۔ جموں و کشمیر اور شمال مشرق میں امن قائم ہو چکا ہے اور ہندوستان اب دہشت گرد حملوں کا جواب ان کی ہی سرزمین پر دہشت گردوں کو مار کر دیتا ہے۔ یہ مودی حکومت کے تحت ہندوستان کی بدلتی ہوئی تصویر کو ظاہر کرتا ہے۔ مودی حکومت کی تیسری مدت میں نیا ہندوستان اصلاحات، کارکردگی اور تبدیلی کی طاقت کے ذریعے تیزی سے ترقی اور خود انحصاری کی طرف بڑھ رہا ہے۔ شہریوں کی زندگیوں میں مثبت تبدیلی لانے اور ہندوستان کو ہر میدان میں نمبر ون بنانے کا یہ سفر اسی طرح جاری رہے گا۔

۔۔۔۔۔۔۔۔۔۔۔۔۔۔۔۔۔

ش ح۔ م ح ۔ اش ق

Urdu No. 1597