ദാദ്ര, നാഗർ ഹവേലി, ദാമൻ, ദിയു എന്നിവയുടെ അഡ്മിനിസ്ട്രേറ്റർ ശ്രീ പ്രഫുൽഭായ് പട്ടേൽ, പാർലമെന്റിലെ എന്റെ സഹപ്രവർത്തകൻ ശ്രീമതി കലാബെൻ ഡേൽക്കർ, എല്ലാ വിശിഷ്ട വ്യക്തികളേ, സഹോദരീ സഹോദരന്മാരേ, നമസ്‌കാരം.

നിങ്ങൾക്കെല്ലാവർക്കും സുഖമാണോ? ഇന്ന് ഇവിടെ വളരെയധികം ആവേശമുണ്ട്. നിങ്ങളെല്ലാവരും ഒരുമിച്ച് എനിക്ക് ഈ അവസരം നൽകിയതിന് കേന്ദ്രഭരണ പ്രദേശത്തെ എല്ലാ പ്രവർത്തകരോടും ഞാൻ നന്ദിയുള്ളവനാണ്. നിരവധി പഴയ സുഹൃത്തുക്കളോട് നമസ്‌കാരം പറയാൻ എനിക്ക് അവസരം ലഭിച്ചു.

സുഹൃത്തുക്കളേ,

സിൽവാസ്സയുടെ ഈ പ്രകൃതി സൗന്ദര്യം, ഇവിടുത്തെയും ദാദ്ര & നാഗർ ഹവേലി, ദാമൻ & ദിയു  എന്നിവിടങ്ങളിലെ ജനങ്ങളുടെ സ്നേഹം, നിങ്ങളുമായുള്ള എന്റെ ബന്ധത്തിന് എത്ര പഴക്കമുണ്ടെന്ന് നിങ്ങൾക്കെല്ലാവർക്കും അറിയാം. പതിറ്റാണ്ടുകൾ പഴക്കമുള്ള ഈ സ്വന്തമെന്ന വികാരവും ഇവിടെ വരുന്നതിലൂടെ എനിക്ക് എത്രമാത്രം സന്തോഷവും ലഭിക്കുന്നുവെന്നും, നിങ്ങൾക്കും എനിക്കും മാത്രമേ അറിയൂ. ഇന്ന് ഞാൻ വളരെ പഴയ സുഹൃത്തുക്കളെ കണ്ടുമുട്ടി. വർഷങ്ങൾക്ക് മുമ്പ്, ഇവിടെ വരാൻ എനിക്ക് പലതവണ അവസരം ലഭിച്ചിരുന്നു. അക്കാലത്ത് സിൽവാസ്സയുടെയും മുഴുവൻ ദാദ്ര നാഗർ ഹവേലിയുടെയും, ദാമൻ-ദിയുവിന്റെയും അവസ്ഥ എന്തായിരുന്നു, എത്ര വ്യത്യസ്തമായിരുന്നു, കടൽത്തീരത്തെ ഒരു ചെറിയ സ്ഥലത്ത് എന്ത് നടക്കുമെന്ന് ആളുകൾ കരുതിയിരുന്നു? പക്ഷേ ഇവിടുത്തെ ജനങ്ങളിൽ, ഇവിടുത്തെ ജനങ്ങളുടെ കഴിവുകളിൽ, നിങ്ങളിൽ എനിക്ക് വിശ്വാസമുണ്ടായിരുന്നു. 2014 ൽ കേന്ദ്രത്തിൽ ഗവണ്മെൻ്റ് രൂപീകരിച്ചതിനുശേഷം, നമ്മുടെ ഗവണ്മെൻ്റ് ഈ വിശ്വാസത്തെ അധികാരമാക്കി മാറ്റി, അത് മുന്നോട്ട് കൊണ്ടുപോയി, ഇന്ന് നമ്മുടെ സിൽവാസ്സ, ഈ സംസ്ഥാനം ഒരു ആധുനിക സ്വത്വത്തോടെ ഉയർന്നുവരുന്നു. എല്ലാ സ്ഥലങ്ങളിൽ നിന്നുമുള്ള ആളുകൾ താമസിക്കുന്ന ഒരു നഗരമായി സിൽവാസ്സ മാറിയിരിക്കുന്നു. ദാദ്ര നാഗർ ഹവേലിയിൽ പുതിയ അവസരങ്ങൾ എത്ര വേഗത്തിൽ വികസിച്ചുവെന്ന് ഇവിടുത്തെ ഈ കോസ്‌മോപൊളിറ്റൻ സ്വഭാവം കാണിക്കുന്നു.

സുഹൃത്തുക്കളേ,

ഈ വികസന കാമ്പയിനിന്റെ ഭാഗമായി, 2500 കോടി രൂപയിലധികം വിലമതിക്കുന്ന നിരവധി പദ്ധതികളുടെ ശിലാസ്ഥാപനം ഇന്ന് നടന്നു. അടിസ്ഥാന സൗകര്യങ്ങൾ, കണക്റ്റിവിറ്റി, ആരോഗ്യ സംരക്ഷണം, വിദ്യാഭ്യാസം, ടൂറിസം, അതായത് എല്ലാ മേഖലകളുമായി ബന്ധപ്പെട്ട നിരവധി പദ്ധതികൾ ഈ മേഖലയുടെ വികസനത്തിന് കൂടുതൽ വേഗത നൽകും, ഇവിടെ പുതിയ അവസരങ്ങൾ സൃഷ്ടിക്കപ്പെടും. ഈ പദ്ധതികൾക്ക് നിങ്ങളെ എല്ലാവരെയും ഞാൻ അഭിനന്ദിക്കുന്നു. ഒരു ചെറിയ കാര്യം ഞാൻ നിങ്ങളോട് പറയാൻ ആഗ്രഹിക്കുന്നു, വിദേശ രാജ്യങ്ങളെ അപേക്ഷിച്ച് ഇവിടെ പുതിയതായി ഒന്നുമില്ലാത്തതിനാൽ നിങ്ങളിൽ പലരും സിംഗപ്പൂരിലേക്ക് പോകുമായിരിക്കാം, ഈ സിംഗപ്പൂർ ഒരുകാലത്ത് മത്സ്യത്തൊഴിലാളികളുടെ ഒരു ചെറിയ ഗ്രാമമായിരുന്നു, മത്സ്യബന്ധനമായിരുന്നു പ്രധാന തൊഴിൽ. വളരെ കുറഞ്ഞ സമയത്തിനുള്ളിൽ, അവിടത്തെ ജനങ്ങളുടെ ദൃഢനിശ്ചയമാണ് ഇന്ന് സിംഗപ്പൂരിനെ മാറ്റിയത്. അതുപോലെ, ഈ കേന്ദ്രഭരണ പ്രദേശത്തെ ഓരോ പൗരനും തീരുമാനിച്ചാൽ, ഞാൻ നിങ്ങളോടൊപ്പം നിൽക്കാൻ തയ്യാറാണ്, പക്ഷേ നിങ്ങളും കൂടെ പ്രവർത്തിക്കണം, അല്ലാത്തപക്ഷം അത് സംഭവിക്കില്ല.

സുഹൃത്തുക്കളേ,

ദാദ്ര & നാഗർ ഹവേലി, ദാമൻ & ദിയു എന്നിവ ഞങ്ങൾക്ക് വെറുമൊരു കേന്ദ്രഭരണ പ്രദേശമല്ല. ഈ കേന്ദ്രഭരണ പ്രദേശം ഞങ്ങളുടെ അഭിമാനമാണ്, അത് ഞങ്ങളുടെ പൈതൃകം കൂടിയാണ്. അതുകൊണ്ടാണ് ഞങ്ങൾ ഈ സംസ്ഥാനത്തെ ഒരു മാതൃകാ സംസ്ഥാനമാക്കി മാറ്റുന്നത്, ഈ പ്രദേശം അതിന്റെ പൂർണ്ണ,സമഗ്ര വികസനത്തിന് പേരുകേട്ടതാണ്. ഈ പ്രദേശം അതിന്റെ ഹൈടെക് അടിസ്ഥാന സൗകര്യങ്ങൾക്കും, ആധുനിക ആരോഗ്യ സേവനങ്ങൾക്കും, ലോകോത്തര വിദ്യാഭ്യാസ സ്ഥാപനങ്ങൾക്കും പേരുകേട്ടതായിരിക്കണമെന്ന് ഞാൻ ആഗ്രഹിക്കുന്നു! ഈ പ്രദേശം അതിന്റെ ടൂറിസത്തിനും നീല സമ്പദ്‌വ്യവസ്ഥയ്ക്കും പേരുകേട്ടതായിരിക്കണം! ഈ പ്രദേശം അതിന്റെ വ്യാവസായിക പുരോഗതിക്കും, യുവജനങ്ങളുടെ പുതിയ അവസരങ്ങൾക്കും, സ്ത്രീ പങ്കാളിത്തത്തിനും, സമഗ്ര വികസനത്തിനും പേരുകേട്ടതായിരിക്കണം!

സഹോദരീ സഹോദരന്മാരേ,

പ്രഫുൽഭായ് പട്ടേലിന്റെ കഠിനാധ്വാനവും കേന്ദ്ര ഗവണ്മെൻ്റിൻ്റെ പിന്തുണയും കാരണം, ഈ ലക്ഷ്യത്തിൽ നിന്ന് നമ്മൾ അകലെയല്ല. കഴിഞ്ഞ 10 വർഷത്തിനിടയിൽ, ഈ ദിശയിൽ നമ്മൾ ഒരുമിച്ച് വേഗത്തിൽ പ്രവർത്തിച്ചിട്ടുണ്ട്. വികസനത്തിന്റെ കാര്യത്തിൽ നമ്മുടെ സിൽവാസ്സയും ഈ കേന്ദ്രഭരണ പ്രദേശവും രാജ്യത്തിന്റെ ഭൂപടത്തിൽ ഒരു പ്രത്യേക വ്യക്തിത്വത്തോടെ ഉയർന്നുവരുന്നു. ദാദ്ര & നാഗർ ഹവേലി, ദാമൻ & ദിയു എന്നിവ നിരവധി പദ്ധതികളിൽ പൂർത്തികരണം നേടിയിട്ടുണ്ട്. ജീവിതത്തിന്റെ എല്ലാ മേഖലകളിലെയും എല്ലാ ആവശ്യങ്ങൾക്കും ഗവൺമെന്റിന്റെ പദ്ധതിയുടെ പ്രയോജനം ഓരോ ഗുണഭോക്താവിനും ലഭിക്കുന്നു. ഒരു രാജ്യം ഒരു റേഷൻ കാർഡ് ഓരോ വ്യക്തിക്കും ഭക്ഷണം ഉറപ്പുനൽകിയിട്ടുണ്ട്. ജൽ ജീവൻ മിഷൻ എല്ലാ കുടുംബങ്ങൾക്കും ശുദ്ധമായ കുടിവെള്ളം നൽകുന്നു. ഭാരത് നെറ്റ് ഡിജിറ്റൽ കണക്റ്റിവിറ്റി ശക്തിപ്പെടുത്തി. പിഎം ജൻ ധൻ എല്ലാ കുടുംബങ്ങളെയും ബാങ്കിംഗ് സേവനങ്ങളുമായി ബന്ധിപ്പിച്ചു. പിഎം ജീവൻ ജ്യോതി ബീമയുടെയും പിഎം സുരക്ഷാ ബീമ യോജനയുടെയും പ്രയോജനം ഓരോ ഗുണഭോക്താവിനും ലഭിക്കുന്നു. ഈ പദ്ധതികളുടെ വിജയം ഇവിടുത്തെ ആളുകളിൽ ആത്മവിശ്വാസം വളർത്തിയിട്ടുണ്ട്. ഗവൺമെന്റിന്റെ പദ്ധതികൾ മൂലം അവരുടെ ജീവിതത്തിൽ ഉണ്ടായ നല്ല മാറ്റങ്ങൾ സമഗ്രമായ സ്വാധീനം ചെലുത്തുന്നു. സ്മാർട്ട് സിറ്റി മിഷൻ, സമഗ്ര ശിക്ഷ, പ്രധാനമന്ത്രി മുദ്ര തുടങ്ങിയ പദ്ധതികളിൽ 100% പൂർത്തീകരണം കൈവരിക്കുക എന്നതാണ് ഇപ്പോൾ നമ്മുടെ ശ്രമം. പൊതുജനക്ഷേമ പദ്ധതികളുമായി ഗവണ്മെൻ്റ് തന്നെ ജനങ്ങളിലേക്ക് പോകുന്നത് ഇതാദ്യമായാണ്. സമൂഹത്തിലെ പിന്നോക്കം നിൽക്കുന്നവരും ആദിവാസി വിഭാഗങ്ങളും ഇതിൽ നിന്ന് ധാരാളം പ്രയോജനം നേടിയിട്ടുണ്ട്.

സുഹൃത്തുക്കളേ,

അടിസ്ഥാന സൗകര്യങ്ങൾ മുതൽ വിദ്യാഭ്യാസം, തൊഴിൽ, വ്യാവസായിക വികസനം വരെ, ഇന്ന് ഈ സംസ്ഥാനത്തിന്റെ ചിത്രം എങ്ങനെ മാറിയിരിക്കുന്നുവെന്ന് നമുക്ക് കാണാൻ കഴിയും. ഒരു കാലത്ത് ഇവിടുത്തെ യുവാക്കൾക്ക് ഉന്നത വിദ്യാഭ്യാസത്തിനായി പുറത്തുപോകേണ്ടി വന്നിരുന്നു. എന്നാൽ ഇപ്പോൾ ഈ മേഖലയിൽ ആറ് ദേശീയ തലത്തിലുള്ള സ്ഥാപനങ്ങളുണ്ട്. നമോ മെഡിക്കൽ കോളേജ്, ഗുജറാത്ത് ദേശീയ നിയമ സർവ്വകലാശാല, ഐഐഐടി ദിയു, നാഷണൽ ഇൻസ്റ്റിറ്റ്യൂട്ട് ഓഫ് ഫാഷൻ ടെക്നോളജി, ഇൻസ്റ്റിറ്റ്യൂട്ട് ഓഫ് ഹോട്ടൽ മാനേജ്മെന്റ് ആൻഡ് കാറ്ററിംഗ് ടെക്നോളജി, ദാമൻ എഞ്ചിനീയറിംഗ് കോളേജ്, ഈ സ്ഥാപനങ്ങൾ കാരണം, നമ്മുടെ സിൽവാസയും ഈ കേന്ദ്രഭരണ പ്രദേശവും വിദ്യാഭ്യാസത്തിന്റെ പുതിയ കേന്ദ്രമായി മാറിയിരിക്കുന്നു. ഇവിടുത്തെ യുവാക്കൾക്ക് ഈ സ്ഥാപനങ്ങളിൽ നിന്ന് കൂടുതൽ പ്രയോജനം ലഭിക്കുന്നതിനായി, അവർക്കായി സീറ്റുകൾ സംവരണം ചെയ്തിട്ടുണ്ട്. മുമ്പ്, ഹിന്ദി, ഇംഗ്ലീഷ്, ഗുജറാത്തി, മറാത്തി എന്നീ 4 വ്യത്യസ്ത മാധ്യമങ്ങളിൽ വിദ്യാഭ്യാസം നൽകുന്ന ഒരു സംസ്ഥാനമാണിതെന്ന് കാണുമ്പോൾ എനിക്ക് സന്തോഷമുണ്ട്. ഇപ്പോൾ ഇവിടുത്തെ പ്രൈമറി, ജൂനിയർ സ്കൂളുകളിൽ പോലും കുട്ടികൾ സ്മാർട്ട് ക്ലാസ് മുറികളിൽ പഠിക്കുന്നു എന്ന വസ്തുതയിലും ഞാൻ അഭിമാനിക്കുന്നു.

സുഹൃത്തുക്കളേ,

കഴിഞ്ഞ വർഷങ്ങളിൽ, ഈ മേഖലയിൽ ആധുനിക ആരോഗ്യ സേവനങ്ങൾ ഗണ്യമായി വികസിച്ചിട്ടുണ്ട്. 2023 ൽ, ഇവിടെ നമോ മെഡിക്കൽ കോളേജ് ഉദ്ഘാടനം ചെയ്യാൻ എനിക്ക് അവസരം ലഭിച്ചു. ഇപ്പോൾ 450 കിടക്കകൾ ശേഷിയുള്ള മറ്റൊരു ആശുപത്രി കൂടി ഇതിലേക്ക് ചേർത്തിട്ടുണ്ട്. അത് ഇവിടെ ഉദ്ഘാടനം ചെയ്യപ്പെട്ടു. ഇന്ന്, ആരോഗ്യവുമായി ബന്ധപ്പെട്ട മറ്റ് നിരവധി പദ്ധതികൾക്കും ഇവിടെ തറക്കല്ലിട്ടു. സിൽവാസ്സയിലെ ഈ ആരോഗ്യ സൗകര്യങ്ങൾ ഇവിടുത്തെ ആദിവാസി സമൂഹത്തിന് വളരെയധികം പ്രയോജനം ചെയ്യും.

സുഹൃത്തുക്കളേ,

ഇന്ന്, സിൽവാസ്സയിലെ ഈ ആരോഗ്യ സംബന്ധിയായ പദ്ധതികൾ മറ്റൊരു കാരണത്താൽ സവിശേഷമായിരിക്കുന്നു. ഇന്ന് ജൻ ഔഷധി ദിവസ് കൂടിയാണ്. ജൻ ഔഷധി എന്നാൽ ചെലവുകുറഞ്ഞ ചികിത്സയുടെ ഉറപ്പ്! ജൻ ഔഷധിയുടെ മന്ത്രം - കുറഞ്ഞ വില, ഫലപ്രദമായ മരുന്ന്, കുറഞ്ഞ വില, ഫലപ്രദമായ മരുന്ന്, നമ്മുടെ ഗവണ്മെൻ്റ് നല്ല ആശുപത്രികൾ നിർമ്മിക്കുന്നു, ആയുഷ്മാൻ യോജന പ്രകാരം സൗജന്യ ചികിത്സ നൽകുന്നു, ജൻ ഔഷധി കേന്ദ്രങ്ങൾ വഴി കുറഞ്ഞ വിലയ്ക്ക് മരുന്നുകൾ നൽകുന്നു. ആശുപത്രിയിൽ ചികിത്സയ്ക്ക് ശേഷവും വില കൂടിയ മരുന്നുകളുടെ  ഭാരം വളരെക്കാലം നിലനിൽക്കുന്നത് നാമെല്ലാവരും കണ്ടിട്ടുണ്ട്. ഈ ഭാരം കുറയ്ക്കുന്നതിന്, രാജ്യത്തുടനീളമുള്ള 15,000-ത്തിലധികം ജൻ ഔഷധി കേന്ദ്രങ്ങളിൽ 80 ശതമാനം വരെ കുറഞ്ഞ വിലയ്ക്ക് ആളുകൾക്ക് മരുന്നുകൾ ലഭ്യമാക്കുന്നു. 80 ശതമാനം വരെ കിഴിവ് എന്ന് പറയാം! ദാദ്ര, നാഗർ ഹവേലി, ദാമൻ, ദിയു എന്നിവിടങ്ങളിലെ ജനങ്ങൾക്ക് ഏകദേശം 40 ജൻ ഔഷധി കേന്ദ്രങ്ങളുടെ പ്രയോജനം ലഭിക്കുന്നു. വരും കാലങ്ങളിൽ, രാജ്യത്തുടനീളം 25,000 ജൻ ഔഷധി കേന്ദ്രങ്ങൾ തുറക്കുക എന്ന ലക്ഷ്യത്തോടെ ഞങ്ങൾ മുന്നോട്ട് പോകുന്നു. ഈ പദ്ധതി ആരംഭിച്ചതിനുശേഷം, ഏകദേശം 6.5 ആയിരം കോടി രൂപയുടെ മരുന്നുകൾ കുറഞ്ഞ വിലയ്ക്ക് ആവശ്യക്കാർക്ക് ഗവണ്മെൻ്റ് നൽകിയിട്ടുണ്ട്. ജൻ ഔഷധി കേന്ദ്രങ്ങൾ ആരംഭിച്ചതോടെ ദരിദ്രരും ഇടത്തരക്കാരും 30 ആയിരം കോടിയിലധികം രൂപ ലാഭിച്ചു. ജൻ ഔഷധി കേന്ദ്രങ്ങൾ കാരണം, നിരവധി ഗുരുതരമായ രോഗങ്ങളുടെ ചികിത്സ വിലകുറഞ്ഞതായി. സാധാരണക്കാരുടെ ആവശ്യങ്ങളോട് നമ്മുടെ ഗവണ്മെൻ്റ് എത്രത്തോളം സംവേദനക്ഷമതയുള്ളവരാണെന്നതിന്റെ തെളിവാണിത്.

സുഹൃത്തുക്കളേ,

ആരോഗ്യവുമായി ബന്ധപ്പെട്ട ഈ പ്രധാന വിഷയങ്ങൾക്കൊപ്പം, മറ്റൊരു പ്രധാന വിഷയം കൂടി ഞാൻ ഉന്നയിക്കാൻ ആഗ്രഹിക്കുന്നു. ഇന്നത്തെ ജീവിതശൈലിയും അനുബന്ധ രോഗങ്ങളും നമ്മുടെ ആരോഗ്യത്തിന് വലിയ ഭീഷണിയായി മാറിക്കൊണ്ടിരിക്കുകയാണെന്ന് നിങ്ങൾക്കെല്ലാവർക്കും അറിയാം. അത്തരമൊരു രോഗമാണ് അമിതവണ്ണം. അവർക്ക് ഒരു കസേരയിൽ ഇരുന്നുകൊണ്ട് ചുറ്റും നോക്കാൻ കഴിയില്ല. അല്ലെങ്കിൽ, ഞാൻ അങ്ങനെ പറഞ്ഞാൽ, എന്റെ അടുത്ത് ആരാണ് കൂടുതൽ ഭാരമുള്ളതെന്ന് കാണാൻ അവർ ചുറ്റും നോക്കും. ഇന്ന് മറ്റ് പല രോഗങ്ങൾക്കും കാരണം ഈ അമിതവണ്ണമാണ്. അമിതവണ്ണത്തെക്കുറിച്ച് അടുത്തിടെ ഒരു റിപ്പോർട്ട് വന്നു. 2050 ആകുമ്പോഴേക്കും 44 കോടിയിലധികം ഇന്ത്യക്കാർ അമിതവണ്ണം അനുഭവിക്കുമെന്ന് ഈ റിപ്പോർട്ട് പറയുന്നു. ഈ കണക്ക് വളരെ വലുതാണ്, ഈ കണക്ക് ഭയാനകമാണ്. അതായത്, ഓരോ മൂന്നിൽ ഒരാൾക്കും അമിതവണ്ണം മൂലം ഗുരുതരമായ രോഗങ്ങൾക്ക് ഇരയാകാം, ഈ അമിതവണ്ണം മാരകമായേക്കാം. അതായത്, ഓരോ കുടുംബത്തിലെയും ഒരാൾ അമിതവണ്ണത്തിൻ്റെ ഇരയാകും, എത്ര വലിയ പ്രതിസന്ധിയാണത്. അത്തരമൊരു സാഹചര്യം ഇപ്പോൾ മുതൽ തന്നെ ഒഴിവാക്കാൻ നമ്മൾ ശ്രമിക്കണം. അതിനാൽ, നിരവധി നടപടികൾ ഉണ്ടാകാം. ഞാൻ ഒരു ആഹ്വാനം നടത്തി, ഇന്ന് നിങ്ങളിൽ നിന്ന് എനിക്ക് ഒരു വാഗ്ദാനം വേണം. ഈ ആശുപത്രി നന്നായി നിർമ്മിച്ചിട്ടുണ്ട്, പക്ഷേ ആശുപത്രിയിൽ പോകുന്നതിന്റെ ബുദ്ധിമുട്ട് നിങ്ങൾ അനുഭവിക്കണമെന്ന് ഞാൻ ആഗ്രഹിക്കുന്നില്ല. ആശുപത്രി ശൂന്യമായി കിടന്നാലും നിങ്ങൾ ആരോഗ്യവാനായിരിക്കണം. നിങ്ങൾ ഒരു കാര്യം ചെയ്യണമെന്ന് ഞാൻ ആഗ്രഹിക്കുന്നു, നിങ്ങൾ അത് ചെയ്യുമോ? ദയവായി നിങ്ങളുടെ കൈകൾ ഉയർത്തി എന്നോട് പറയൂ, നിങ്ങൾ അത് ചെയ്യുമോ? നിങ്ങൾ അത് ചെയ്യുമെന്ന് എനിക്ക് ഒരു വാഗ്ദാനം നൽകുക, നിങ്ങളെല്ലാവരും നിങ്ങളുടെ കൈകൾ ഉയർത്തി പറയൂ, നിങ്ങൾ അത് 100 ശതമാനം ചെയ്യും. ഈ ശരീരത്തിന്റെ ഭാരം വർദ്ധിക്കുകയും നിങ്ങൾ തടിച്ചുകൊണ്ടിരിക്കുകയും ചെയ്യും, അതിനുപകരം നിങ്ങൾ മെലിയാൻ ശ്രമിക്കണം.

നമ്മളെല്ലാവരും പാചക എണ്ണയുടെ ഉപയോഗം 10% കുറയ്ക്കണം. എല്ലാ മാസവും 10% കുറവ് എണ്ണ ഉപഭോഗത്തിന് ശ്രമിക്കണം. അതായത്, നിങ്ങൾ എല്ലാ മാസവും വാങ്ങുന്നതിനേക്കാൾ 10% കുറവ് പാചക എണ്ണ വാങ്ങാൻ തീരുമാനിക്കുക. എണ്ണ ഉപഭോഗം 10% കുറയ്ക്കുമെന്ന് നിങ്ങൾ വാഗ്ദാനം ചെയ്യുന്നുവെന്ന് കരുതുക. എല്ലാവരും കൈകൾ ഉയർത്തണം, പ്രത്യേകിച്ച് സഹോദരിമാർ പറയണം, അപ്പോൾ നിങ്ങൾ വീട്ടിലിരുന്ന് കേൾക്കേണ്ടി വന്നാലും, നിങ്ങൾ തീർച്ചയായും എണ്ണ ഉപഭോഗം കുറയ്ക്കും. ഇത് അമിതവണ്ണം കുറയ്ക്കുന്നതിനുള്ള ഒരു വലിയ ചുവടുവയ്പ്പായിരിക്കും. ഇതിനുപുറമെ, വ്യായാമം നമ്മുടെ ജീവിതത്തിന്റെ ഭാഗമാക്കണം. നിങ്ങൾ ദിവസവും കുറച്ച് കിലോമീറ്റർ നടക്കുകയോ ഞായറാഴ്ച സൈക്കിൾ ചവിട്ടുകയോ ചെയ്താൽ അത് വളരെ ഗുണം ചെയ്യും. കണ്ടോ, ഞാൻ 10 ശതമാനം എണ്ണ കുറയ്ക്കാൻ പറഞ്ഞിട്ടുണ്ട്, മറ്റ് ജോലികൾ ഒന്നും ചെയ്യാൻ ഞാൻ പറഞ്ഞിട്ടില്ല, അല്ലാത്തപക്ഷം വൈകുന്നേരം സർ അത് 50 ശതമാനം കുറയ്ക്കാൻ പറഞ്ഞാൽ എന്നെ സിൽവാസ്സയിലേക്ക് വിളിക്കില്ലെന്ന് നിങ്ങൾ പറയും. ഇന്ന്, വികസിത ഇന്ത്യയുടെ ദൃഢനിശ്ചയം സാക്ഷാത്കരിക്കുന്നതിൽ രാജ്യം ഏർപ്പെട്ടിരിക്കുന്നു. ആരോഗ്യമുള്ള ഒരു രാജ്യത്തിന് മാത്രമേ അത്തരമൊരു ലക്ഷ്യം കൈവരിക്കാൻ കഴിയൂ എന്ന് നാം ഓർമ്മിക്കണം. അതുകൊണ്ട്, കേന്ദ്രഭരണ പ്രദേശമായ ദാദ്ര, നാഗർ ഹവേലി, ദാമൻ, ദിയു എന്നിവിടങ്ങളിലെ ജനങ്ങളോട് ഞാൻ പറയാൻ ആഗ്രഹിക്കുന്നു, നിങ്ങൾ പാചക എണ്ണയുടെ ഉപയോഗം കുറയ്ക്കുകയും സ്വയം ആരോഗ്യവാനായിരിക്കുകയും ചെയ്താൽ, വികസിത ഇന്ത്യയിലേക്കുള്ള യാത്രയിൽ അത് ഒരു വലിയ സംഭാവനയായിരിക്കും.

സുഹൃത്തുക്കളേ,

വികസന ദർശനമുള്ള ഒരു സംസ്ഥാനത്ത് അവസരങ്ങൾ വേഗത്തിൽ സൃഷ്ടിക്കപ്പെടുന്നു. അതുകൊണ്ടാണ് കഴിഞ്ഞ ദശകത്തിൽ ഈ പ്രദേശം ഒരു വ്യാവസായിക കേന്ദ്രമായി ഉയർന്നുവന്നത്. ഇത്തവണ ബജറ്റിൽ, ഞങ്ങൾ വളരെ വലിയ ഒരു ദൗത്യം ഏറ്റെടുത്തിട്ടുണ്ട്, ഇവിടെ ഏറ്റവും കൂടുതൽ പ്രയോജനം ലഭിക്കുന്ന നിർമാണ ദൗത്യം. കഴിഞ്ഞ 10 വർഷത്തിനിടെ, നൂറുകണക്കിന് പുതിയ വ്യവസായങ്ങൾ ഇവിടെ ആരംഭിച്ചു, നിരവധി വ്യവസായങ്ങൾ വികസിച്ചു. ആയിരക്കണക്കിന് കോടി രൂപ ഇതിൽ നിക്ഷേപിച്ചിട്ടുണ്ട്. ഈ വ്യവസായങ്ങൾ തദ്ദേശവാസികൾക്ക് വലിയ തോതിൽ തൊഴിലവസരങ്ങൾ നൽകുന്നു. നമ്മുടെ ആദിവാസി സമൂഹത്തിനും, ആദിവാസി സുഹൃത്തുക്കൾക്കും ഈ തൊഴിലവസരങ്ങളിൽ നിന്ന് പരമാവധി പ്രയോജനം ലഭിക്കുന്നുണ്ടെന്ന് ഞങ്ങൾ ഉറപ്പാക്കുന്നു. അതുപോലെ, എസ്‌സി, എസ്ടി, ഒബിസി സ്ത്രീകളെ ശാക്തീകരിക്കുന്നതിനായി, ഗിർ ആദർശ് അജീവിക യോജനയും ഇവിടെ നടപ്പിലാക്കിയിട്ടുണ്ട്. ഇവിടെ ഒരു ചെറിയ ഡയറി ഫാം സ്ഥാപിച്ചുകൊണ്ട് സ്വയം തൊഴിലിനുള്ള പുതിയ അവസരങ്ങളും സൃഷ്ടിച്ചിട്ടുണ്ട്.

സുഹൃത്തുക്കളേ,

വിനോദ സഞ്ചാരം ഒരു പ്രധാന തൊഴിൽ സ്രോതസ്സാണ്. ഇവിടുത്തെ ബീച്ചുകളും സമ്പന്നമായ പൈതൃകവും ഇന്ത്യയിൽ നിന്നും വിദേശത്തു നിന്നുമുള്ള ധാരാളം വിനോദസഞ്ചാരികളെ ആകർഷിക്കുന്നു. ദാമനിലെ രാം സേതു, നമോപഥ്, ടെന്റ് സിറ്റി എന്നിവയുടെ വികസനം ഈ പ്രദേശത്തിന്റെ ആകർഷണിയത വർദ്ധിപ്പിച്ചു. ദാമനിലെ രാത്രി വിപണിയും വിനോദസഞ്ചാരികൾക്ക് വളരെയധികം ഇഷ്ടമാണ്. ഇവിടെ ഒരു വലിയ പക്ഷിസങ്കേതം നിർമ്മിച്ചിട്ടുണ്ട്. ദുധാനിയിൽ ഒരു ഇക്കോ-റിസോർട്ട് നിർമ്മിക്കാൻ പദ്ധതിയുണ്ട്. ദിയുവിലെ കടൽത്തീരത്ത് തീരദേശ പൊതു നടപ്പാതയുടെയും ബീച്ചിൻ്റെയും വികസനവും നടക്കുന്നുണ്ട്. 2024 ൽ ദിയു ബീച്ച് ഗെയിംസ് സംഘടിപ്പിച്ചു, അതിനുശേഷം ജനങ്ങൾക്കിടയിൽ ബീച്ച് ഗെയിമുകളുടെ ആകർഷണിയത വർദ്ധിച്ചു. ബ്ലൂ ഫ്ലാഗ് ലഭിച്ചതിനുശേഷം, ദിയുവിലെ ഘോഗ്ല ബീച്ചും ഒരു ജനപ്രിയ വിനോദസഞ്ചാര കേന്ദ്രമായി മാറി. ഇപ്പോൾ ദിയു ജില്ലയിൽ 'കേബിൾ കാർ' വികസിപ്പിച്ചുകൊണ്ടിരിക്കുന്നു. ഇത് ഇന്ത്യയിലെ ആദ്യത്തെ ഏരിയൽ റോപ്പ്‌വേ ആയിരിക്കും, അതിലൂടെ നിങ്ങൾക്ക് അറബിക്കടലിന്റെ അത്ഭുതകരമായ കാഴ്ച കാണാൻ കഴിയും. അതായത്, നമ്മുടെ കേന്ദ്രഭരണ പ്രദേശമായ ദാദ്ര നാഗർ ഹവേലിയും ദാമൻ ദിയുവും ഇന്ത്യയിലെ ഏറ്റവും മികച്ച വിനോദസഞ്ചാര കേന്ദ്രങ്ങളിലൊന്നായി മാറിക്കൊണ്ടിരിക്കുന്നു.

സുഹൃത്തുക്കളേ,

ഇവിടെ നടത്തിയ കണക്റ്റിവിറ്റി പ്രവർത്തനങ്ങളും ഇതിൽ വലിയ പങ്കുവഹിച്ചിട്ടുണ്ട്. ഇന്ന്, ദാദ്രയ്ക്ക് സമീപം ഒരു ബുള്ളറ്റ് ട്രെയിൻ സ്റ്റേഷൻ നിർമ്മിക്കപ്പെടുന്നു. മുംബൈ-ഡൽഹി എക്സ്പ്രസ് വേ സിൽവാസ്സയിലൂടെ കടന്നുപോകുന്നു. കഴിഞ്ഞ കുറച്ച് വർഷങ്ങളായി, ഇവിടെ നിരവധി കിലോമീറ്ററുകൾ പുതിയ റോഡുകൾ നിർമ്മിക്കപ്പെട്ടു, 500 കിലോമീറ്ററിലധികം റോഡുകളുടെ നിർമ്മാണം നടന്നുകൊണ്ടിരിക്കുന്നു. ഇതിനായി ആയിരക്കണക്കിന് കോടി രൂപ ചെലവഴിക്കുന്നു. ഉഡാൻ പദ്ധതിയിൽ നിന്നും സംസ്ഥാനത്തിന് പ്രയോജനം ലഭിച്ചു. മികച്ച കണക്റ്റിവിറ്റിക്കായി ഇവിടുത്തെ വിമാനത്താവളം നവീകരിക്കുന്നു. അതായത് നിങ്ങളുടെ വികസനത്തിനായി ഞങ്ങളുടെ ഗവണ്മെൻ്റ് സാധ്യമായതെല്ലാം ചെയ്യാം. 

സുഹൃത്തുക്കളേ,

വികസനത്തോടൊപ്പം, ദാദ്ര, നാഗർ ഹവേലി, ദാമൻ, ദിയു എന്നിവയും നല്ല ഭരണവും ജീവിത സൗകര്യവും ഉള്ള സംസ്ഥാനങ്ങളായി മാറുന്നതിൽ എനിക്ക് സന്തോഷമുണ്ട്. പ്രശ്നങ്ങൾ പരിഹരിക്കാൻ ആളുകൾ ഗവണ്മെൻ്റ് ഓഫീസുകളിൽ കയറി ഇറങ്ങേണ്ടി വന്ന ഒരു കാലമുണ്ടായിരുന്നു. ഇന്ന്, ഗവൺമെന്റുമായി ബന്ധപ്പെട്ട മിക്ക ജോലികളും മൊബൈലിലെ ഒരു ക്ലിക്കിലൂടെയാണ് ചെയ്യുന്നത്. പതിറ്റാണ്ടുകളായി അവഗണിക്കപ്പെട്ടിരുന്ന ഗോത്ര മേഖലകളാണ് ഈ പുതിയ സമീപനത്തിൽ നിന്ന് ഏറ്റവും കൂടുതൽ പ്രയോജനം നേടുന്നത്. ഇന്ന്, ഗ്രാമങ്ങളിൽ പ്രത്യേക ക്യാമ്പുകൾ സംഘടിപ്പിക്കുന്നു. ജനങ്ങളുടെ പ്രശ്നങ്ങൾ അവിടെ കേൾക്കുകയും അവ പരിഹരിക്കാൻ ശ്രമിക്കുകയും ചെയ്യുന്നു. അത്തരം ശ്രമങ്ങൾക്ക് പ്രഫുൽഭായിയെയും അദ്ദേഹത്തിന്റെ സംഘത്തെയും ഞാൻ അഭിനന്ദിക്കുന്നു. കേന്ദ്രഭരണ പ്രദേശമായ ദാദ്ര, നാഗർ ഹവേലി, ദാമൻ, ദിയു എന്നിവയുടെ വികസനത്തിനായി ഞങ്ങൾ തുടർച്ചയായ ശ്രമങ്ങൾ തുടരുമെന്ന് ഞാൻ നിങ്ങൾക്ക് ഉറപ്പ് നൽകുന്നു. ഇന്നത്തെ വികസന പദ്ധതികൾക്ക് ഞാൻ നിങ്ങളെ വീണ്ടും അഭിനന്ദിക്കുന്നു, നിങ്ങൾ എനിക്ക് നൽകിയ അത്ഭുതകരമായ സ്വീകരണത്തിനും, നിങ്ങൾ എനിക്ക് നൽകിയ സ്നേഹത്തിനും വാത്സല്യത്തിനും, നിങ്ങൾ എനിക്ക് നൽകിയ സ്വാഗതത്തിനും ബഹുമാനത്തിനും കേന്ദ്രഭരണ പ്രദേശത്തെ എല്ലാ പൗരന്മാർക്കും എന്റെ ഹൃദയംഗമമായ നന്ദി അറിയിക്കുന്നു. വളരെ നന്ദി.

ഡിസ്ക്ലയ്മർ: പ്രധാനമന്ത്രിയുടെ പ്രസംഗത്തിന്റെ ചില ഭാഗങ്ങൾ ഗുജറാത്തി ഭാഷയിലായിരുന്നു, അത് ഇവിടെ പരിഭാഷപ്പെടുത്തിയിരിക്കുന്നു.

***

NK