প্রধানমন্ত্রীগী লোইশঙ
পেরাগ্বেগী রাস্ত্রপতীগা দেলিগেসন লেবেলগী ৱারী শানবদা প্রধান মন্ত্রীনা পীখিবা ৱাহৌদোক
Posted On:
02 JUN 2025 3:55PM by PIB Imphal
এক্সেলেন্সী,
অদোম অমদি অদোমগী মীথুংশিংবু ঐখোয়না ভারত্তা তরাম্না ওকচরি। পেরাগ্বে খাং অমেরিকাদা লৈবা মরুওইবা খোঙবু অমনি। ঐখোয়গী লৈফম খেন্নরমবা য়াই, অদুবু ঐখোয়না মান্নবা দিমোক্রেতিক ভেল্যু লৈ, অমদি মীয়ামগী য়াইফনবা হোৎনমিন্নরি।
এক্সেলেন্স ঈং,
অদোমগী খোঙচৎ তশেংনা পুৱারী ওইবা; পেরাগ্বেগী রাস্ত্রপতী অমনা ভারত্তা লাকপা অনিশুবা খোঙচৎনি।
এক্সেলেন্সী,
অদোম্না মকোক থোংবা মন্ত্রীশিং অমদি অকনবা দেলিগেসনশিংগা লোয়নবিরকপা নুংঙাই। অদোম্না দিল্লীদা খক্তা নত্তনা মুম্বাইদসু চত্তুনা লৈবাক অনিগী মরক্তা হেন্না কনবা মরী শাগৎনিংবগী অপাম্বা উৎলি। পুন্না হোৎনমিন্নদুনা ঐখোয়না পুন্না চাওখৎমিন্নবা অমদি নুংঙাইমিন্নবা ঙমগনি হায়না ঐনা থাজৈ।
এক্সেলেন্সী,
ঐখোয়না দিজিতেল তেক্নোলোজী, ক্রিতিকেল মিনরেল, ইনর্জী, লৌউ-শিংউ, হকশেল, দিফেন্স, রেলৱে, স্পেস, অমদি মপুং ওইবা শেন্মিৎলোনগী খোঙবু ওইবগী লমশিংদা তেংবাংনবগী অনৌবা খুদোংচাবশিং উবা ফংলি।
ঐখোয়না MERCOSUR গা প্রিফরেন্সিএল ত্রেদ এগ্রীমেন্ত অমা লৈ। ঐখোয়না মসিবু হেন্না পাকথোক চাউথোকহন্নবা থবক পায়খৎমিন্নবা য়াই।
এক্সেলেন্সী,
ভারত অমসুং পেরাগ্বেনা তেরোরিজমগী মায়োক্তা পুন্না লেপমিন্নরি। সাইবরক্রাইম, ওর্গনাইজ ক্রাইম, অমদি দ্রগ ত্রাফিক্কিংনচিংবা মান্নবা শিংনবশিংগী মায়োক্তা থেংনবদা তেংবাংমিন্নবগী ওইথোকপা চাউনা লৈ।
এক্সেলেন্সী,
ভারত অমসুং পেরাগ্বে গ্লোবেল সাউথকী থাদোক্নবা য়াদ্রবা শরুকশিংনি। ঐখোয়গী মঙলান, অপামবা অমদি শিংনবশিং মান্নৈ। অদুগা মরম অসিননি হায়রিবা শিংনবশিং অসি থেংনমিন্ননবগীদমক ঐখোয়না অমনা অমদগী তমশিনমিন্নবা য়াই হায়রিবা।
কোবিদ লাইচৎ মনুংদা ভারতনা ভেক্সিন ফংহন্দুনা পেরাগ্বেগী মতেং পাংবা ঙমখিবা ঐখোয় অপেনবা পোকই। হায়রিবা তেংবাংমিন্নবগী ৱাখল্লোন অসি ঐখোয়গী মতিং হেন্না হেন্না শেয়র তৌদুনা উন্না থবক তৌমিন্ননবা মীৎয়েঙ থম্লি।
এক্সেলেন্সী,
অদোমগী খোঙচৎ অসিনা ঐখোয়গী মরীগী থাজবা, লল্লোন ইতিক, অমদি চেৎনা তেংবাংমিন্নবগী য়ুম্বীশিং হেন্না চেৎশিনমিন্নহনগনি হায়না থাজৈ। মসিনা ইন্দিয়া-লেতিন অমেরিকাগী মরীদসু অনৌবা মায়ওন অমা হাপকনি।
মমাঙগী চহিদা, ঐহাক্না গুয়ানাদা কেরিকোম সম্মিত শরুক য়াখি। ঐখোয়না হীরম কয়াদা তেংবাংমিন্নবগী মরী ফগৎহন্নবা খন্নখি। হায়রিবা হীরমশিং অসিদা ঐখোয়না পেরাগ্বে অমদি লেতিন অমেরিকা লৈবাক কয়াগা পুন্না থবক তৌমিন্নবা ঙমগনি হায়না ঐনা খল্লি।
অমুক্কা হন্না, ভারত্তা অদোমবু তরাম্না ওকচরি।
দিসক্লেমর: মসি প্রধান মন্ত্রীগী ৱারোলগী চাউরাকপা ৱাহন্থোক্নি। অশেঙবা ৱারোলদি হিন্দীদা পীখিবনি।
<><><>
(Release ID: 2133324)
Read this release in:
Malayalam
,
English
,
Urdu
,
Hindi
,
Marathi
,
Bengali
,
Assamese
,
Punjabi
,
Gujarati
,
Odia
,
Tamil
,
Telugu
,
Kannada