প্রধানমন্ত্রীগী লোইশঙ
পি.এম.না নই দিল্লীদা জুন 2দা পাংথোক্কদবা ইন্তর্নেস্নেল এয়র ত্রান্সপোর্ত এসোসিএসনগী 81শুবা এন্যুএল জেনরেল মীতিংদা শরুক য়াগনি
IATA AGM অসি চহি 42 মতুংদা ভারত্তা পাংথোক্লি
পি.এম.না গ্লোবেল এভিএসন CEOশিংদা ৱা ঙাংগনি
Posted On:
01 JUN 2025 8:01PM by PIB Imphal
মালেমগী থাক্কী এয়র ইনফ্রাস্ত্রকচর শেমগৎনবা অমসুং কন্নেক্তিবিতী হেনগৎহন্নবা মহাক্কী ফিরেপ অদুগী মতুং ইন্না প্রধান মন্ত্রী শ্রী নরেন্দ্র মোদীনা জুন 2দা নুমিদাংৱাইরম পুং 5 তাবদা নই দিল্লীগী ভারত মন্দাপমদা পাংথোক্কদৌরিবা ইন্তর্নেস্নেল এয়র ত্রান্সপোর্ত এসোসিএসন (IATA)গী 81শুবা এন্যুএল জেনরেল মীতিং (AGM)দা শরুক য়াগনি। থৌরম অদুদা মহাক্না মীয়ামদা ৱা ঙাংগনি।
IATAগী 81শুবা এন্যুএল জেনরেল মীতিং অমসুং ৱার্ল্দ এয়র ত্রান্সপোর্ত সম্মিৎ (WATS) অসি জুন 1দগী 3 ফাওবা পাংথোক্কনি। ভারত্তা অরোইবা AGM অসি চহি 42গী মমাংদা 1983দা পাংথোকখি। মসিনা মালেমগী এভিএসন ইন্দস্ত্রীগী মকোক থোংবা লুচিংবশিং, সরকারগী ওফিসিএলশিং অমসুং ইন্তর্নেস্নেল মীদিয়াগী মীহুৎশিং য়াওনা শরুক য়ারিবা 1,600 হেন্না পুনশিল্লি।
ৱার্ল্দ এয়র ত্রান্সপোর্ত সম্মিৎ অসিদা এয়রলাইন্স ইন্দস্ত্রীগী ইকনোমিক্স, এয়র কন্নেক্তিবিতী, ইনর্জী সেক্যুরিতী, সস্তেনেবল এয়র ফ্যুএল প্রদক্সন, ফাইনান্সিং দিকার্বোনাইজেসন, ইন্নোবেসনশিং য়াওনা এয়র ইন্দস্ত্রীনা থেংনরিবা মরুওইবা ইসুশিংদা মীৎয়েং থমগনি। মালেম শিনবা থুংবদগী এভিএসনগী লুচিংবশিং অমসুং মীদিয়াগী মীহুৎশিংনা এভিএসনগী লমদা ভারতকী মশক থোকপা অহোংবা অমসুং লৈবাক অসিগী সোসিও-ইকনোমিক দিবেলপমেন্তদা মসিগী কন্ত্রিব্যুসন অদুসু উবা ফংলগনি।
***
(Release ID: 2133259)
Read this release in:
English
,
Urdu
,
Marathi
,
Hindi
,
Bengali
,
Assamese
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam