ಗೃಹ ವ್ಯವಹಾರಗಳ ಸಚಿವಾಲಯ
ಯಾವುದೇ ಅಪರಾಧಿಯನ್ನು ಅಭೂತಪೂರ್ವ ವೇಗದಲ್ಲಿ ಬಂಧಿಸಲು ಗೃಹ ಸಚಿವಾಲಯದ ಭಾರತೀಯ ಸೈಬರ್‌ ಅಪರಾಧ ಸಮನ್ವಯ ಕೇಂದ್ರ (ಐ4ಸಿ) ಹೊಸ ಇ-ಝೀರೋ ಎಫ್‌ಐಆರ್‌ ಉಪಕ್ರಮವನ್ನು ಪರಿಚಯಿಸಿದೆ ಎಂದು ಕೇಂದ್ರ ಗೃಹ ಸಚಿವರಾದ ಶ್ರೀ ಅಮಿತ್‌ ಶಾ ಹೇಳಿದ್ದಾರೆ
ಪ್ರಧಾನಮಂತ್ರಿ ಶ್ರೀ ನರೇಂದ್ರ ಮೋದಿ ಅವರ ‘ಸೈಬರ್‌ ಸುರಕ್ಷಿತ ಭಾರತ’ದ ದೃಷ್ಟಿಕೋನವನ್ನು ಸಾಧಿಸಲು ಇದು ಮಹತ್ವದ ಹೆಜ್ಜೆಯಾಗಿದೆ
ದೆಹಲಿಗಾಗಿ ಪ್ರಾಯೋಗಿಕ ಯೋಜನೆಯಾಗಿ ಪ್ರಾರಂಭಿಸಲಾದ ಹೊಸ ವ್ಯವಸ್ಥೆಯು ಎನ್‌ಸಿಆರ್‌ಪಿ ಅಥವಾ 1930ರಲ್ಲಿ ದಾಖಲಾದ ಸೈಬರ್‌ ಹಣಕಾಸು ಅಪರಾಧಗಳನ್ನು ಸ್ವಯಂಚಾಲಿತವಾಗಿ ಎಫ್‌ಐರ್‌ಗಳಾಗಿ ಪರಿವರ್ತಿಸುತ್ತದೆ, ಆರಂಭದಲ್ಲಿ 10 ಲಕ್ಷ ರೂ.ಗಳ ಮಿತಿಗಿಂತ ಹೆಚ್ಚಾಗಿದೆ
ಸೈಬರ್‌ ಅಪರಾಧಗಳನ್ನು ಭೇದಿಸುವ ತನಿಖೆಯನ್ನು ತ್ವರಿತವಾಗಿ ನಡೆಸುವ ಹೊಸ ವ್ಯವಸ್ಥೆಯನ್ನು ಶೀಘ್ರದಲ್ಲೇ ಇಡೀ ದೇಶಕ್ಕೆ ವಿಸ್ತರಿಸಲಾಗುವುದು
ಸೈಬರ್‌ ಸುರಕ್ಷಿತ ಭಾರತವನ್ನು ನಿರ್ಮಿಸಲು ನರೇಂದ್ರ ಮೋದಿ ಸರ್ಕಾರ ಸೈಬರ್‌ ಸೆಕ್ಯುರಿಟಿ ಗ್ರಿಡ್‌ಅನ್ನು ಹೆಚ್ಚಿಸುತ್ತಿದೆ
ಕಳೆದುಹೋದ ಹಣವನ್ನು ಮರುಪಡೆಯಲು ಸೈಬರ್‌ ಆರ್ಥಿಕ ಅಪರಾಧಗಳ ಸಂತ್ರಸ್ತರು ಎದುರಿಸುತ್ತಿರುವ ತೊಂದರೆಗಳನ್ನು ಗಮನದಲ್ಲಿಟ್ಟುಕೊಂಡು ಕೇಂದ್ರ ಗೃಹ ಸಚಿವರು ಈ ಉಪಕ್ರಮವನ್ನು ಜಾರಿಗೆ ತರಲು ಸೂಚನೆಗಳನ್ನು ನೀಡಿದರು
ಈ ಉಪಕ್ರಮವು ಎನ್‌ಸಿಆರ್‌ಪಿ / 1930 ದೂರುಗಳನ್ನು ಎಫ್‌ಐಆರ್‌ಗಳಾಗಿ ಪರಿವರ್ತಿಸುವುದನ್ನು ಸುಧಾರಿಸುತ್ತದೆ, ಇದು ದೂರುದಾರರು ಕಳೆದುಕೊಂಡ ಹಣವನ್ನು ಸುಲಭವಾಗಿ ಪುನಃಸ್ಥಾಪಿಸಲು ಅನುವು ಮಾಡಿಕೊಡುತ್ತದೆ ಮತ್ತು ಸೈಬರ್‌ ಅಪರಾಧಗಳ ವಿರುದ್ಧ ದಂಡನಾತ್ಮಕ ಕ್ರಮಕ್ಕೆ ಅನುಕೂಲವಾಗುತ್ತದೆ
Posted On:
19 MAY 2025 7:21PM by PIB Bengaluru
ಕೇಂದ್ರ ಗೃಹ ಮತ್ತು ಸಹಕಾರ ಸಚಿವರಾದ ಶ್ರೀ ಅಮಿತ್‌ ಶಾ ಅವರು, ಗೃಹ ಸಚಿವಾಲಯದ ಭಾರತೀಯ ಸೈಬರ್‌ ಕ್ರೈಂ ಸಮನ್ವಯ ಕೇಂದ್ರ (ಐ4ಸಿ) ಅಭೂತಪೂರ್ವ ವೇಗದಲ್ಲಿ ಯಾವುದೇ ಅಪರಾಧಿಯನ್ನು ಬಂಧಿಸಲು ಹೊಸ ಇ-ಝೀರೋ ಎಫ್‌ಐಆರ್‌ ಉಪಕ್ರಮವನ್ನು ಪರಿಚಯಿಸಿದೆ ಎಂದು ಹೇಳಿದರು. ದೆಹಲಿಗಾಗಿ ಪ್ರಾಯೋಗಿಕ ಯೋಜನೆಯಾಗಿ ಪ್ರಾರಂಭಿಸಲಾದ ಹೊಸ ವ್ಯವಸ್ಥೆಯು ಎನ್‌ಸಿಆರ್‌ಪಿ ಅಥವಾ 1930 ರಲ್ಲಿದಾಖಲಾದ ಸೈಬರ್‌ ಹಣಕಾಸು ಅಪರಾಧಗಳನ್ನು ಸ್ವಯಂಚಾಲಿತವಾಗಿ ಎಫ್‌ಐಆರ್‌ಗಳಾಗಿ ಪರಿವರ್ತಿಸುತ್ತದೆ, ಆರಂಭದಲ್ಲಿ10 ಲಕ್ಷ ರೂ.ಗಳ ಮಿತಿಯನ್ನು ಮೀರಿದೆ ಎಂದು ಶ್ರೀ ಅಮಿತ್‌ ಶಾ ತಮ್ಮ ಪೋಸ್ಟ್‌ನಲ್ಲಿ ತಿಳಿಸಿದ್ದಾರೆ. ಸೈಬರ್‌ ಅಪರಾಧಗಳನ್ನು ತ್ವರಿತವಾಗಿ ಭೇದಿಸುವ ತನಿಖೆಯನ್ನು ನಡೆಸುವ ಹೊಸ ವ್ಯವಸ್ಥೆಯನ್ನು ಶೀಘ್ರದಲ್ಲೇ ಇಡೀ ರಾಷ್ಟ್ರಕ್ಕೆ ವಿಸ್ತರಿಸಲಾಗುವುದು. ಸೈಬರ್‌ ಸುರಕ್ಷಿತ ಭಾರತವನ್ನು ನಿರ್ಮಿಸಲು ನರೇಂದ್ರ ಮೋದಿ ಸರ್ಕಾರ ಸೈಬರ್‌ ಸೆಕ್ಯುರಿಟಿ ಗ್ರಿಡ್‌ ಅನ್ನು ಹೆಚ್ಚಿಸುತ್ತಿದೆ.
ಪ್ರಧಾನಮಂತ್ರಿ ಶ್ರೀ ನರೇಂದ್ರ ಮೋದಿ ಅವರ ‘ಸೈಬರ್‌ ಸುರಕ್ಷಿತ ಭಾರತ’ದ ದೃಷ್ಟಿಕೋನವನ್ನು ಸಾಧಿಸಲು ಇದು ಮಹತ್ವದ ಹೆಜ್ಜೆಯಾಗಿದೆ. ಕೇಂದ್ರ ಗೃಹ ಮತ್ತು ಸಹಕಾರ ಸಚಿವರಾದ ಶ್ರೀ ಅಮಿತ್‌ ಶಾ ಅವರು ಇತ್ತೀಚೆಗೆ ನಡೆದ ಭಾರತೀಯ ಸೈಬರ್‌ ಅಪರಾಧ ಸಮನ್ವಯ ಕೇಂದ್ರದ (ಐ4ಸಿ) ಪರಿಶೀಲನಾ ಸಭೆಯಲ್ಲಿ ಸೈಬರ್‌ ಆರ್ಥಿಕ ಅಪರಾಧಗಳ ಸಂತ್ರಸ್ತರು ಕಳೆದುಹೋದ ಹಣವನ್ನು ಮರುಪಡೆಯುವಲ್ಲಿ ಎದುರಿಸುತ್ತಿರುವ ತೊಂದರೆಗಳನ್ನು ಗಮನದಲ್ಲಿಟ್ಟುಕೊಂಡು ಈ ಉಪಕ್ರಮವನ್ನು ಜಾರಿಗೆ ತರಲು ಸೂಚನೆಗಳನ್ನು ನೀಡಿದ್ದರು.
ರಾಷ್ಟ್ರೀಯ ಸೈಬರ್‌ ಕ್ರೈಂ ರಿಪೋರ್ಟಿಂಗ್‌ ಪೋರ್ಟಲ್‌ (ಎನ್‌ಸಿಆರ್‌ಪಿ) ಮತ್ತು ರಾಷ್ಟ್ರೀಯ ಸೈಬರ್‌ ಕ್ರೈಂ ಸಹಾಯವಾಣಿ 1930 ಸೈಬರ್‌ ಹಣಕಾಸು ಅಪರಾಧಗಳಿಗೆ ಸಂಬಂಧಿಸಿದ ದೂರುಗಳ ಬಗ್ಗೆ ಸುಲಭವಾಗಿ ವರದಿ ಮಾಡಲು ಮತ್ತು ತ್ವರಿತ ಕ್ರಮ ಕೈಗೊಳ್ಳಲು ಅನುವು ಮಾಡಿಕೊಟ್ಟಿದೆ. ಹೊಸದಾಗಿ ಪರಿಚಯಿಸಲಾದ ಪ್ರಕ್ರಿಯೆಯು ಐ4ಸಿಯ ಎನ್‌ಸಿಆರ್‌ಪಿ ವ್ಯವಸ್ಥೆ, ದೆಹಲಿ ಪೊಲೀಸರ ಇ-ಎಫ್‌ಐಆರ್‌ ವ್ಯವಸ್ಥೆ ಮತ್ತು ರಾಷ್ಟ್ರೀಯ ಅಪರಾಧ ದಾಖಲೆ ಬ್ಯೂರೋ (ಎನ್‌ಸಿಆರ್‌ಬಿ) ಅಪರಾಧ ಮತ್ತು ಕ್ರಿಮಿನಲ್‌ ಟ್ರ್ಯಾಕಿಂಗ್‌ ನೆಟ್ವರ್ಕ್‌ ಮತ್ತು ಸಿಸ್ಟಮ್ಸ್ (ಸಿಸಿಟಿಎನ್‌ಎಸ್‌) ಅನ್ನು ಸಂಯೋಜಿಸುತ್ತದೆ.
ಈಗ ಎನ್‌ಸಿಆರ್‌ಪಿ ಮತ್ತು 1930ರ ಮಿತಿಗಿಂತ ಹೆಚ್ಚಿನ ಆರ್ಥಿಕ ನಷ್ಟಕ್ಕೆ ಸಂಬಂಧಿಸಿದ ದೂರುಗಳು ಸ್ವಯಂಚಾಲಿತವಾಗಿ ದೆಹಲಿಯ ಇ-ಅಪರಾಧ ಪೊಲೀಸ್‌ ಠಾಣೆಯಲ್ಲಿ ಶೂನ್ಯ ಎಫ್‌ಐಆರ್‌ ದಾಖಲಿಸಲು ಕಾರಣವಾಗುತ್ತವೆ. ಇದನ್ನು ತಕ್ಷಣವೇ ಪ್ರಾದೇಶಿಕ ಸೈಬರ್‌ ಕ್ರೈಂ ಪೊಲೀಸ್‌ ಠಾಣೆಗಳಿಗೆ ರವಾನಿಸಲಾಗುತ್ತದೆ. ದೂರುದಾರರು 3 ದಿನಗಳಲ್ಲಿ ಸೈಬರ್‌ ಕ್ರೈಂ ಪೊಲೀಸ್‌ ಠಾಣೆಗೆ ಭೇಟಿ ನೀಡಬಹುದು ಮತ್ತು ಶೂನ್ಯ ಎಫ್‌ಐಆರ್‌ಅನ್ನು ಸಾಮಾನ್ಯ ಎಫ್‌ಐಆರ್‌ ಆಗಿ ಪರಿವರ್ತಿಸಬಹುದು.
ಭಾರತೀಯ ನಾಗರಿಕ ಸುರಕ್ಷಾ ಸಂಹಿತಾ (ಬಿಎನ್‌ಎಸ್‌ಎಸ್‌) ನ ಸೆಕ್ಷ ನ್‌ 173 (1) ಮತ್ತು 1 (2) ರ ಹೊಸ ನಿಬಂಧನೆಗಳಿಗೆ ಅನುಗುಣವಾಗಿ ಪ್ರಕರಣಗಳನ್ನು ನೋಂದಾಯಿಸುವ ಪ್ರಕ್ರಿಯೆಯನ್ನು ಜಾರಿಗೆ ತರಲು ದೆಹಲಿ ಪೊಲೀಸರು ಮತ್ತು ಭಾರತೀಯ ಸೈಬರ್‌ ಅಪರಾಧ ಸಮನ್ವಯ ಕೇಂದ್ರ (ಎಂಎಚ್‌ಎ) ಒಟ್ಟಾಗಿ ಕೆಲಸ ಮಾಡಿದೆ. ಪ್ರಾದೇಶಿಕ ನ್ಯಾಯವ್ಯಾಪ್ತಿಯನ್ನು (ಇ-ಝೀರೋ ಎಫ್‌ಐಆರ್‌) ಲೆಕ್ಕಿಸದೆ ವಿದ್ಯುನ್ಮಾನವಾಗಿ ಎಫ್‌ಐಆರ್‌ ನೀಡುವ ಈ ಪ್ರಕ್ರಿಯೆಯು ಆರಂಭದಲ್ಲಿ ದೆಹಲಿಯಲ್ಲಿ ಪ್ರಾಯೋಗಿಕವಾಗಿ ಪ್ರಾರಂಭವಾಗಲಿದೆ. ತರುವಾಯ ಇದನ್ನು ಇತರ ರಾಜ್ಯಗಳು ಮತ್ತು ಕೇಂದ್ರಾಡಳಿತ ಪ್ರದೇಶಗಳಿಗೆ ವಿಸ್ತರಿಸಲಾಗುವುದು. ಎನ್‌ಸಿ ಆರ್‌ಪಿಯಲ್ಲಿ ವರದಿಯಾದ ನಿರ್ದಿಷ್ಟ ಸ್ವರೂಪದ ಸೈಬರ್‌ ಕ್ರೈಮ್‌ ದೂರುಗಳಲ್ಲಿಇ-ಎಫ್‌ಐಆರ್‌ಗಳನ್ನು ನೋಂದಾಯಿಸಲು ಮತ್ತು ಅವುಗಳನ್ನು ನ್ಯಾಯವ್ಯಾಪ್ತಿಯ ಪೊಲೀಸ್‌ ಠಾಣೆಗಳಿಗೆ ವರ್ಗಾಯಿಸಲು ದೆಹಲಿಯ ಇ-ಅಪರಾಧ ಪೊಲೀಸ್‌ ಠಾಣೆಗೆ ಅಧಿಸೂಚನೆ ಹೊರಡಿಸಲಾಗಿದೆ.
ಈ ಉಪಕ್ರಮವು ಎನ್‌ಸಿಆರ್‌ಪಿ / 1930 ದೂರುಗಳನ್ನು ಎಫ್‌ಐಆರ್‌ಗಳಾಗಿ ಪರಿವರ್ತಿಸುವುದನ್ನು ಸುಧಾರಿಸುತ್ತದೆ, ಇದು ಸಂತ್ರಸ್ತರು ಕಳೆದುಕೊಂಡ ಹಣವನ್ನು ಸುಲಭವಾಗಿ ಪುನಃಸ್ಥಾಪಿಸಲು ಅನುವು ಮಾಡಿಕೊಡುತ್ತದೆ ಮತ್ತು ಸೈಬರ್‌ ಅಪರಾಧಗಳ ವಿರುದ್ಧ ದಂಡನಾತ್ಮಕ ಕ್ರಮವನ್ನು ಸುಗಮಗೊಳಿಸುತ್ತದೆ. ಇದು ಇತ್ತೀಚೆಗೆ ಪರಿಚಯಿಸಲಾದ ಹೊಸ ಕ್ರಿಮಿನಲ್‌ ಕಾನೂನುಗಳ ನಿಬಂಧನೆಗಳನ್ನು ಬಳಸಿಕೊಳ್ಳುತ್ತದೆ.
*****
(Release ID: 2129770)