কেন্দ্রগী লৌউ-শিংউ অমসুং লৌমীশিংগী য়াইফ-থৌরাং অমসুং খুঙ্গং চাউখৎ-থৌরাংগী মন্ত্রী, শ্রী শিবরাজ সিংহ চৌহান্না ঙসি নই দিল্লীগী নেস্নেল মীদিয়া সেন্তরদা পাংথোকপা প্রেস কনফরেন্স অমদা 2025গী মে 29দগী জুন 12 ফাওবা লৈবাক শীনবা থুংনা হৌদোক্কদৌরিবা 'ভিক্সিৎ কৃশি সঙ্কল্প অভিয়ান'গী মতাংদা পাউদমখি। প্রধান মন্ত্রী শ্রী নরেন্দ্র মোদীগী লুচিং মখাদা, চাউখৎলবা ভারত অমগী মঙলান অসি থবক ওইনা পাংথোক্লি হায়না মহাক্না অকনবা ৱাফম থমখি। মসিগী পান্দম অসি ফংনবগীদমক, চাউখৎলবা লৌউ-শিংউ, মোদর্ন ফার্মিং প্রেক্তিস অমসুং চাউখৎলবা লৌমীশিংগী য়ুম্ফম অমা শেমগৎপা অসি তঙাইফদে। ভারতকী শেন্মিৎলোনগী য়াংলেন শরূ ওইরিবা লৌউ-শিংউবনা মীশিংগী শরুক তঙ্খাইগী ময়াগী হিংনবগী লম্বী পীবতা নত্তনা নেস্নেল ফুদ সেক্যুরিতীগী য়ুম্ফমসু ওইরি।

লৌউ-শিংউ অমসুং লৌমীশিংগী য়াইফ-থৌরাং মন্ত্রালয়গী মরুওইবা পান্দমদি মচি ওইবা চিঞ্জাক ফংহন্নবা, লৌমীশিংগী ইনকম ফগৎহন্নবা অমসুং তুংগী মীরোলশিংগীদমক মহৌশাগী রিসোর্সশিং ঙাক-শেন্দুনা থমবগা লোয়ননা লৈবাক অসিগী মীওই বিল্লিয়ন 1.45 গীদমক ফুদ সেক্যুরিতী লৈহনবনি হায়না মন্ত্রীনা ফোংদোকখি। হায়রিবা পান্দমশিং অসি ফংনবগীদমক, মন্ত্রালয় অসিনা পোইন্ত তরুক্না শাবা স্ত্রেতেজী অমা শেম্লে: পোত্থোক পুথোকপা হেনগৎহনবা, পোত্থোক পুথোকপগী মমল হন্থহনবা, পোত্থোক্কী অচুম্বা মমল ফংহনবা, মহৌশাগী খুদোংথিবশিংদগী থোকপা অমাং-অতাশিং কম্পেনসেৎ তৌবা, ভেল্যু এদিসন অমসুং ফুদ প্রোসেসিংগী মতেংনা ক্রোপ দাইভর্সিফিকেসন থৌগৎপা অমসুং নেচরেল অমসুং ওর্গানিক ফার্মিং পুক্নিং থৌগৎপা।

শ্রী চৌহাননা হায়খি মদুদি ভারতনা চহি অসিদা রেকোর্দ ওইবা লৌউ-শিংউগী পোত্থোক পুথোকখ্রে: খারিফকী চেং পুথোকপা অসি মেত্রিক তন লাখ 1206.79, গেহু মেত্রিক তন লাখ 1154.30, খারিফকী চুজাক মেত্রিক তন লাখ 248.11, লৈবাক হৱাই মেত্রিক তন লাখ 104.26 অমসুং নুং হৱাই মেত্রিক তন লাখ 151.32  ওইখি। মতম পুম্নমক্তা খ্বাইদগী ৱাংবা মশীংশিং অসিনা নেস্নেল ফুদ রিজর্বশিং মপুং ফহন্নবা পুথোকপদা মশক থোক্না হেনগৎলকপা অদু তাক্লি। ভারতপু “মালেমগী ফুদ বাস্কেৎ” ওইহন্নবা পান্দম থমদুনা, কেম্পেন অসিনা তুংকোইনা চৎনবা য়াবা অমসুং অহেনবা পোত্থোক পুথোকপা হেনগৎহন্দুনা মালেমগী ওইবা ফুদ কোওপরেসন মপাঙ্গল কনখৎহন্নবা হোৎনরি।

'ভিক্সিৎ কৃশি সঙ্কলপ অভিয়ান'না ICARগী রিসর্চ ইন্সতিত্যুৎ 113, এগ্রিকলচর য়ুনিভর্সিতীশিং, রাজ্য সরকারগী দিপার্তমেন্তশিং, ইন্নোবেতিব ফার্মরশিং অমসুং ফার্মর-প্রদ্যুসর ওর্গনাইজেসনশিং (FPOশিং) য়াওনা তোঙান তোঙানবা এগ্রিকলচরগী বোদীশিংবু পুনশিন্নগনি। কোলাবোরেতিব এপ্রোচ অসিনা সাইন্তিফিক রিসর্চপু রিয়েল-তাইম ফার্মিংগী মথৌ তাবশিংগা চান্নহন্নবা পান্দম থম্লি। মন্ত্রীনা ফোংদোকখি মদুদি অপুনবা চিঞ্জাক্কী মহৈ-মরোং পুথোকপা অসি 2023–24দা তন লাখ 3157.74 দগী 2024–25দা তন লাখ 3309.18দা হেনগৎলে। মসিগী মথক্তা, হৱাইগী পোত্থোক্তি লাখ তন 221.71দগী লাখ তন 230.22দা হেনগৎখি। অদুগা থাও শুংনবা মরুগী পোত্থোক্তি লাখ তন 384দগী লাখ তন 416দা হেনগৎখি।

কেম্পেন অসি চহি খুদিংগী খারিফ অমসুং রবি মহৈ-মরোং অনিমক্কী মরু হুনবগী পন্থাগী মমাংদা হৌদোক্কনি। রাজ্যশিংগী লৌউ-শিংউগী মন্ত্রীশিংনা শরুক য়াখিবা হৌখিবা খারিফ কনফরেন্সকী মনুংদা, লৌউ-শিংউগী লমদা রিসর্চ পায়খৎনবা থৌরাং অসি হৌদোক্নবা ৱারেপ লৌখি। হৌজিক্কী ওইনা, এগ্রিকলচরেল সাইন্তিস্ত 16,000 রোম্না রিসর্চতা শরুক য়ারি, অমসুং কেম্পেন অসিনা মখোয়গী থবকশিং অসি লৌমীশিংদা হকথেংননা ফংহনবা অমসুং কান্নবা ফংহন্নবা পান্দম থম্লি।

ইনিসিএতিব অসিগী শরুক অমা ওইনা, এক্সপর্ত তীম 2,170না য়ামদ্রবদা সাইন্তিস্ত মরি অমমম্না মে 29দগী জুন 12ফাওবগী মনুংদা জিলা 723গী খুঙ্গং 65,000 হেন্না চৎকনি। তীমশিং অসিদা এগ্রিকলচরেল য়ুনিভর্সিতীশিং, রিসর্চ ইন্সতিত্যুসনশিং, সরকারগী দিপার্তমেন্তশিং, ইন্নোবেতিব ফার্মরশিং অমসুং FPOশিং য়াওগনি। মখোয়না নুমিৎ খুদিংগী অয়ুক, নুংথিল, অমসুং নুমিদাংৱাইরমদা লৌমীশিংগা হকথেংননা ৱারী শানগনি। তীমশিংনা লোকেল এগ্রো-ক্লাইমেতিক কন্দিসনশিং, লৈহাউগী ন্যুত্রিএন্ত প্রোফাইলশিং, ঈশিং ফংহনবা অমসুং নোংগী চাং য়েংশিনগনি। সোইল হেল্থ কার্দশিং শীজিন্নদুনা, মখোয়না চুনবা মহৈ-মরোংশিং, পোত্থোক লৈবা  মরুগী ময়াৎশিং, মতিক চাবা সোৱিং তেক্নিকশিং, অমসুং ফর্তিলাইজর খল কাইদনা শীজিন্নবা, মমল হন্থহন্নবা অমসুং সোইল হেলথ ফগৎহন্নবা সাইন্তিফিক ফার্মিংদা মরুওইনা পুক্নিং চিংশিনগনি।

মরুওইনা, কেম্পেন অসি নাকল অনিগী ওইবা ইন্তরেক্সন অমা ওইনা দিজাইন তৌরি। লৌমীশিংনা মখোয়গী শীংনবশিং, ৱাহংশিং হংগনি, অমসুং তুংগী রিসর্চকী লমদা ইনফর্মেসন পীরগনি। খোঙথাং অসিনা সাইন্স অমসুং লৌউ-শিংউগী খোঙজেল অসি অমত্তা ওইনা চৎমিন্নবা ঙম্নবা, কৃশি বিজ্ঞান কেন্দ্র (KVK) 731 অমসুং ICARগী সাইন্তিস্তশিংগী অপুনবা পাঙ্গল অদু শীজিন্নগনি। লৌমী করোর 1.3 হেনবনা হকথেংননা শরুক য়াগনি হায়না পানরিবা, অনৌবা অমসুং ইনক্লুসিব কেম্পেন অসিনা ভারত্তা লৌউ-শিংউগী অহোংবা পুরকপা অমসুং এৱeরনেসতা অনৌবা বেঞ্চমার্ক অমা শেমগৎলগনি।

*****