مرکزی وزیر داخلہ اور امدادباہمی کے وزیر  جناب امت شاہ نے آج احمد آباد میں گجرات اسٹیٹ کوآپریٹو فیڈریشن کی جانب سے ‘‘ترقی یافتہ ہندوستان کی تعمیر میں کوآپریٹیو کا کردار’’ کے موضوع پر منعقدہ عظیم الشان کانفرنس سے خطاب کیا۔ اس موقع پر گجرات کے وزیر اعلیٰ بھوپیندر پٹیل سمیت کئی معززین موجود تھے۔

کانفرنس سے خطاب کرتے ہوئے مرکزی وزیر داخلہ جناب امت شاہ نے کہا کہ اقوام متحدہ نے 2025 کو کوآپریٹیو کے بین الاقوامی سال کے طور پر منانے کا فیصلہ کیا ہے۔ انہوں نے کہا کہ لفظ کوآپریشن آج پوری دنیا میں اتنا ہی متعلقہ ہے جتنا کہ یہ 1900 میں تھا۔ جناب  شاہ نے کہا کہ وزیر اعظم جناب  نریندر مودی کی قیادت میں ہندوستان میں 2021 سے امداد باہمی  پر مبنی تحریک کو بحال کرنے کی ایک بڑی کوشش شروع ہوئی ہے اور اسی وجہ سے ہندوستان میں کوآپریٹو سال شروع کرنے کا فیصلہ کیا گیا ہے۔

جناب امت شاہ نے کہا کہ وزیر اعظم مودی کی قیادت میں 2021 میں شروع کی گئی پہل کے تحت امداد باہمی  کے ذریعے خوشحالی کے دو اصول اور ترقی یافتہ ہندوستان میں امداد باہمی  کے کردار کو ملک کے سامنے رکھا گیا ہے۔ اسی اقدام کے تحت آج گجرات میں اس کوآپریٹو کانفرنس کا انعقاد کیا گیا ہے۔ انہوں نے کہا کہ کوآپریٹو سیکٹر اس وقت تک مضبوط نہیں ہو سکتا جب تک کہ کوآپریٹو سیکٹر میں کی گئی تبدیلیوں کے ثمرات پرائمری ایگریکلچرل کریڈٹ سوسائٹیز (پی اے سی ایس ) اور نچلی سطح پر کسانوں تک نہیں پہنچتے۔ جناب  شاہ نے کہا کہ اسی لیے یہ بہت ضروری ہے کہ ہم کوآپریٹو اداروں کو فروغ دیں۔ ہمیں ہر قسم کے کوآپریٹو اداروں میں بیداری، تربیت اور شفافیت لانے کی کوشش کرنی چاہیے۔

مرکزی وزیر برائے امداد باہمی  نے کہا کہ امدادباہمی  کے بین الاقوامی سال کے دوران حکومت ہند نے سائنس آف کو آپریشن اور  سائنس ان کو آپریشن پر زور دیا ہے۔ انہوں نے کہا کہ تحریک آزادی کے دوران ملک میں شروع ہونے والی کوآپریٹو تحریک آہستہ آہستہ ملک کے ایک بڑے حصے میں تقریباً ختم ہو چکی ہے۔ انہوں نے کہا کہ یہ ہم سب کی ذمہ داری ہے کہ اس تحریک کے تحت امدادباہمی  کو ہر ریاست اور ضلع تک پھیلانا چاہیے۔ نیز، ہر ریاست میں پرائمری کوآپریٹیو سوسائٹیوں کی حالت بہتر ہونی چاہیے، ضلعی سطح کے اداروں کو مضبوط کیا جانا چاہیے اور ان کے ذریعے ریاستی اور قومی سطح پر کوآپریٹو ڈھانچہ کو بھی مضبوط کیا جانا چاہیے۔ جناب شاہ نے کہا کہ ہم نے عالمی سہ سطحی کوآپریٹو فریم ورک میں چوتھے درجے کا اضافہ کیا ہے جس کا کئی سالوں سے تصور کیا جا رہا ہے۔ انہوں نے کہا کہ کوآپریٹو ڈھانچے کی ہر کوآپریٹو سرگرمی سے وابستہ قومی اداروں، ریاستی کوآپریٹو اداروں، ضلعی سطح کے اداروں اور ہر خطے کی پرائمری کوآپریٹو سوسائٹیوں کو مضبوط کرکے ملک بھر میں امدادباہمی  کو پھیلانا ضروری ہے۔ جناب شاہ نے کہا کہ اس کے لیے ہمیں کوآپریٹیو کے بین الاقوامی سال کا استعمال کرنا چاہیے۔

جناب امت شاہ نے کہا کہ یہ پوری مہم تین ستونوں پر مبنی ہے – کوآپریٹیو کو حکمرانی کے مرکزی دھارے کا حصہ بنانا، ٹیکنالوجی کے ذریعے کوآپریٹو تحریک میں شفافیت اور صداقت لانا اور زیادہ سے زیادہ شہریوں کو کوآپریٹو تحریک سے جوڑنے کے عمل کو تیز کرنا۔ انہوں نے کہا کہ کوآپریٹو سال کے دوران ان تین ستونوں کی بنیاد پر کام کرنے کی ضرورت ہے اور اس کے لئے حکومت ہند کی وزارت امداد باہمی  کی طرف سے اب تک مختلف نوعیت کے تقریباً 57 اقدامات کئے جا چکے ہیں۔

مرکزی وزیر داخلہ اور امداد باہمی  کے وزیر نے کہا کہ ہمیں گجرات سمیت پورے ملک میں پرائمری سطح پر کوآپریٹیو کے درمیان تعاون کے تصور کو لاگو کرنا چاہیے تاکہ تمام کوآپریٹو اداروں کا کام دیگر کوآپریٹیو کے ساتھ تال میل کے ساتھ چل سکے۔ انہوں نے اس بات پر زور دیا کہ تمام پرائمری کوآپریٹو سوسائٹیوں، ڈیریوں وغیرہ کو اپنے کوآپریٹیو بینکوں میں اکاؤنٹس رکھنے چاہئیں۔ انہوں نے کہا کہ ہمیں تمام کوآپریٹو اداروں کے درمیان تعاون کو فروغ دینا چاہیے اور اس کوشش کو تیز کرنا چاہیے۔

جناب امت شاہ نے کہا کہ مودی حکومت نے تریبھون سہکاری یونیورسٹی قائم کی ہے جو قومی سطح پر کام کرے گی۔ انہوں نے کہا کہ ملک کی ہر ریاست میں امداد باہمی  کے تمام شعبوں سے متعلق تعلیم کو کوآپریٹیو کے تصور کے گرد ڈھانچہ بنایا جا رہا ہے۔ انہوں نے اس بات پر زور دیا کہ جب تک ہم پی اے سی ایس (پرائمری ایگریکلچرل کریڈٹ سوسائٹیز) کو مضبوط نہیں کریں گے کوآپریٹو فریم ورک کو مضبوط نہیں کیا جا سکتا۔ اسی لیے مودی حکومت نے 2029 تک ملک کی ہر پنچایت میں پی اے سی ایس قائم کرنے کا فیصلہ کیا ہے۔ اس فیصلے کے تحت 2 لاکھ نئے پی اے سی ایس اور ڈیریوں کو رجسٹر کیا جائے گا۔ جناب شاہ نے یہ بھی ذکر کیا کہ حکومت جلد ہی لیکویڈیشن میں چلے گئے پی اے سی ایس  کے تصفیہ کے لیے اور نئے پی اے سی ایس  کے قیام کے لیے ایک پالیسی متعارف کرائے گی۔

کوآپریٹیو کے مرکزی وزیر نے کہا کہ وزیر اعظم مودی کی قیادت میں کوآپریٹو سیکٹر میں بہت سے نئے اقدامات کئے جانے والے ہیں۔ انہوں نے کہا کہ ہمیں تمام لوگوں میں آگاہی پھیلانے، شفافیت کی نئی جہتیں طے کرنے اور بھرتیوں کے انعقاد کے لیے بین الاقوامی کوآپریٹو سال 2025 کا استعمال کرتے ہوئے کوآپریٹو ڈھانچے کو مضبوط کرنے کی ضرورت ہے۔

************

ش ح۔ ع ا۔

 (U:875