ঙসি প্রধান মন্ত্রী শ্রী নরেন্দ্র মোদীনা লুচিংবা কেন্দ্রগী মন্ত্রীমন্দলনা ইন্দিয়া সেমিকন্দক্তর মিসনগী মখাদা অহেনবা সেমিকন্দক্তর য়ুনিত অমা লিংখৎপগী অয়াবা পীখ্রে।

মাঙজৌননা পায়খৎখিবা সেমিকন্দক্তর য়ুনিত মঙা শেমগৎ-শাগৎপগী থবক ফজনা চৎথরি। তরুকশুবা য়ুনিত অসিগা লোয়ননা, মরুওইবা সেমিকন্দক্তর ইন্দস্ত্রি চাউখৎনবা লৈবাক অসিগী খোঙচত্ত ভারত মাঙলোমদা চঙশিল্লি।

ঙসি অয়াবা পীখিবা য়ুনিত অসি ঐচ.সি.এল অমসুং ফোক্সকোনগী জোন্ত ভেঞ্চর অমনি। ঐচ.সি.এল অসি হার্দৱায়ার শেমগৎপা অমসুং শাবগী শাংলবা পুৱারি অমা লৈরি। ফোক্সকোন মালেমগী ইলেক্সত্রোনিক্সগী পোৎলমশিং পুথোকপা অচৌবা কম্পেনি অমনি। মখোয় পুন্দুনা যমুনা এক্সপ্রেসৱে ইন্দস্ত্রিএল দিবলপমেন্ত ওথোরিতিদা জেৱার এয়রপোর্ত ময়াদা প্লান্ত অমা লিংখৎকনি।

প্লান্ত অসিনা মোবাইল ফোনশিং, লেপতোপশিং, গারিশিং, পি.সিশিংগী দিসপ্লে দ্রাইভর চিপশিং অমসুং অতোপ্পা দিসপ্লেগী খুৎলায়শিং শাগনি।

থা অমদা ৱেফর ২০,০০০ পুথোক্নবা প্লান্ত অসি দিজাইন তৌবনি। দিজাইন আউতপুত কেপাসিতি অসি থা অমদা য়ুনিত মিল্লিয়ন ৩৬ নি।

হৌজিক লৈবাক শীনবা থুংনা সেমিকন্দক্তর ইন্দস্ত্রি লিংখৎলে। লৈবাক অসিগী রাজ্যশিং শীনবা থুংনা মালেম থাক্কী দিজাইন ফেসিলিতিশিং লিংখৎলে। রাজ্য সরকারশিংনা য়াম্না কন্না দিজাইন ফার্মশিং শেমগৎলে।

অনৌবা পোৎথোকশিং পুথোক্নবগীদমক মহৈলোয়শঙ ২৭০ দা মহৈরোয়শিং অমসুং ওন্ত্রেপ্রেন্যুয়রশিং অমসুং স্তার্দঅপ ৭০ না মালেম থাক্কী খ্বাইদগী নৌবা দিজাইন তেক্নোলোজিশিংদা থবক তৌরি। মহৈলোয়শঙশিং অসিগী মহৈরোয়শিংনা পুথোকপা পোৎথোক ২০ এস.সি.এল মোহালিনা শীজিন্নরে।

ঙসি অয়াবা পীরিবা অনৌবা সেমিকন্দক্তর য়ুনিত অসিদা লুপা করোর ৩,৭০০ থাদগনি।

সেমিকন্দক্তর ইন্দস্ত্রিদা লৈবাক অসিনা মাঙলোমদা চঙশিনবগা লোয়ননা, হিরম অসিদা পুন্না থবক তৌমিন্নরবা লৈবাকশিংনা ভারত্ত মখোয়গী ফেসিলিতিশিংশু লিংখৎলে। এপ্লাইদ মেতেরিএলস অমসুং লাম রিছার্স অসি খ্বাইদগী চাউবা ইকুইপমেন্ত মেনুফেকচরর অনিনি। হৌজিক মখোয় অনিমক ভারত্ত লৈরে। ঐখোয়গী সেমিকন্দক্তর ইন্দস্ত্রি চাউখৎনবগীদমক মের্ক, লিন্দে, এয়র লিকুইদ, আইনোক্স অমসুং অতোপ্পা গ্যাস অমসুং কেমিকেল সপ্লাইয়রশিং থৌরাং তৌদুনা লৈরে।

লেপতোপ, মোবাইল ফোন, সর্ভর, মেদিকেল দিভাইন্স, পৱার ইলেক্ত্রোনিক্স, ঙাক-শেনগী খুৎলায় অমসুং কঞ্জুমর ইলেক্ত্রোনিক্সশিং ভারত্ত শাবা হেনগৎলকপদগী সেমিকন্দক্তর দরকার ওইবা হেনগৎলক্লে, অনৌবা য়ুনিত অসিনা প্রধান মন্ত্রী শ্রী নরেন্দ্র মোদীজিগী অত্মানির্ভর ভারতকী মঙলান মঙফাওনবদা মতেং পাংগনি।

****