প্রধান মন্ত্রী শ্রী নরেন্দ্র মোদীনা মে 1 অমসুং 2দা মহারাস্ত্রা, কেরালা অমসুং আন্ধ্র প্রদেশতা চৎকনি। মহাক্না মে 1দা মুম্বাইদা চৎকনি অমসুং অয়ুক্কী পুং 10.30 রোম তাবদা মহাক্না ৱর্ল্দ ওদিও ভিজ্যুএল এন্দ এন্তর্তেনমেন্ত সম্মিৎ (WAVES) হৌদোক্কনি।

মসিগী মতুংদা মহাক্না কেরালাদা চৎকনি অমসুং মে 2গী অয়ুক পুং 10.30 রোম তাবদা মহাক্না ভিঝিনজাম ইন্তর্নেস্নেল দীপৱাতর মলতিপর্পস সীপোর্ত জাতিদা কত্থোক্কনি। থৌরম অসিদা মহাক্না মীয়ামদা ৱা ঙাংগনি।

মখা তানা, মহাক্না আন্ধ্র প্রদেশতা চৎকনি অমসুং নুংথিলগী পুং 3:30 রোম তাবদা, মহাক্না অমরাবতীদা লুপা করোর 58,000 হেনবগী চাউখৎ-থৌরাংগী প্রোজেক্ত কয়া অমগী উরেপ উয়ুং তমগনি, শঙ্গাগনি অমসুং লৈবাক মীয়ামদা কত্থোক্কনি। মহাক্না মীয়ামগী থৌরম অদুদা ৱা ঙাংগনি।

মহারাস্ত্রাদা পি.এম.

প্রধান মন্ত্রীনা মুম্বাইগী জিও ৱর্ল্দ সেন্তরদা ভারতকী অহানবা ৱর্ল্দ ওদিও ভিজ্যুএল এন্দ এন্তর্তেনমেন্ত সম্মিৎ ওইরিবা WAVES 2025 হৌদোক্কনি। "ক্রীএতরশিং শম্নহনবা, লৈবাকশিং শম্নহনবা" হায়বা তেগ্লাইনগা লোয়ননা নুমিৎ মরিনিগী ওইবা সম্মিৎ অসিনা মালেমগী মফম কয়াদগী ক্রীএতরশিং, স্তার্ত-অপশিং, ইন্দস্ত্রীগী লুচিংবশিং অমসুং পোলিসী মেকরশিং পুনশিন্দুনা ভারতপু মীদিয়া, এন্তর্তেনমেন্ত অমসুং দিজিতেল ইন্নোভেসনগী মালেমগী হব অমা ওইহন্নবা শেম-শারি।

মঙাল লৈবা তুংলমচৎ অমা শেম্নবগীদমক ক্রীএতিভিতি, তেক্নোলোজী অমসুং তেলেন্ত শিজিন্নবগী প্রধান মন্ত্রীগী মঙলানগী মতুং ইন্না, WAVESনা ফিল্মশিং, OTT, গেমিং, কোমিক্স, দিজিতেল মীদিয়া, AI, AVGC-XR, ব্রোদকাস্তিং অমসুং অনৌবা তেক্নোলোজী পুনশিল্লগনি। মসিনা ভারতকী মীদিয়া অমসুং এন্তর্তেনমেন্তকী মঙলান অদু মপুং ফানা উৎকনি। 2029 ফাওবদা দোল্লর বিল্লিয়ন 50গী মার্কেৎ অমা ওইহন্নবা WAVESনা পান্দম থম্লি। মসিনা মালেমগী এন্তর্তেনমেন্ত ইকোনোমীদা ভারতকী মফম পাকথোক চাউথোকহল্লগনি।

2025গী WAVESতা ভারতনা গ্লোবেল মীদিয়া দাইলোগ (GMD) অসি অহানবা ওইনা লৈবাক 25গী মন্ত্রীশিংনা শরুক য়াদুনা পাংথোক্কনি। মসিনা গ্লোবেল মীদিয়া অমসুং এন্তর্তেনমেন্ত লেন্দস্কেপকা লৈবাক অসিনা মরী লৈনবগী মাইলস্তোন অমা ওইগনি। বায়র 6100 হেনবা, সেল্লর 5200 অমসুং প্রোজেক্ত 2100গা লোয়ননা সম্মিৎ অসিদা WAVES বাজার, মালেমগী ই-মার্কেৎপ্লেস য়াওগনি। মসিনা বায়রশিং অমসুং সেল্লরশিংবু লোকেল অমসুং গ্লোবেল ওইনা শম্নহন্নবা পান্দম থম্লি, মসিনা পাক চাউবা নেৎৱার্কিং অমসুং ললোন-ইতিক্কী খুদোংচাবশিং ফংহল্লি।

প্রধান মন্ত্রীনা ক্রীএতোস্ফিয়রদা চৎকনি অমসুং চহি অমগী মমাংদা হৌদোকখিবা ক্রীএতর ইন ইন্দিয়া চেলেঞ্জ 32দগী খনগৎলবা ক্রীএতরশিংগা ৱারী শানগনি, হায়রিবা অসিদা রেজিস্ত্রেসন লাখ অমা হেন্না তৌনরকখি। মহাক্না ভারত পেভিলিয়নদসু চৎকনি।

WAVES 2025দা লৈবাক 90 হেনবনা শরুক য়াগনি লোয়ননা মসিদা দেলিগেৎ 10,000 হেন্না, ক্রীএতর 1,000, কম্পনী 300 অমসুং স্তার্তঅপ 350 হেন্না শরুক য়াগনি। সম্মিৎ অসিদা ব্রোদকাস্তিং, ইনফোতেনমেন্ত, AVGC-XR, ফিল্ম অমসুং দিজিতেল মীদিয়া য়াওনা তোঙান তোঙানবা সেক্তরশিংদা প্লেনরী সেসন 42, ব্রেকআউত সেসন 39 অমসুং মাস্তর ক্লাস 32 পাংথোক্কনি।

কেরালাদা পি.এম.

প্রধান মন্ত্রীনা লুপা করোর 8,900রোমগী ভিঝিনজাম ইন্তর্নেস্নেল দীপৱাতর মলতিপর্পস সীপোর্তপু জাতিদা কত্থোক্কনি। মসি লৈবাক অসিগী অহানবা দেদিকেতেদ কন্তেনর ত্রান্সশিম্পমেন্ত পোর্তনি অমসুং মসিনা ভিক্সিত ভারতকী য়ুনিফাইদ ভিজনগী শরুক অমা ওইনা ভারতকী মেরিতাইম সেক্তরদা শেমগৎলক্লিবা ত্রান্সফোর্মেতিব এদভান্সমেন্তশিং অদু উৎলি।

ভিঝিনজাম পোর্ত অসি স্ত্রেতেজিক ওইবা মরুওইবা অমা লৈবনা, মালেমগী ললোন-ইতিক্তা ভারতকী থাক অসি মপাঙ্গল কনখৎহনবদা, লোজিস্তিক ইফিসিএন্সী হেনগৎহনবদা অমসুং কার্গো ত্রান্সশিপমেন্তকীদমক মপানগী পোর্তশিংদা মখা পোনবা হন্থহনবদা মতেং পাংগদবা মরুওইবা প্রাইওরিতি প্রোজেক্ত অমা ওইনা মশক খঙদোকখ্রে। মীতর 20 রোমগী মহৌশাগী ওইবা দীপ দ্রাফ্ত অমসুং মালেমগী খ্বাইদগী মীচিনবা সমুদ্রগী লম্বীশিংগী মনাক্তা লৈবা অসিনা মালেমগী ললোন-ইতিক্তা ভারতকী থাকপু হেন্না মপাঙ্গল কনখৎহল্লি।

আন্ধ্র প্রদেশতা পি.এম.

প্রধান মন্ত্রীনা অমরাবতীদা লুপা করোর 58,000 হেনবগী চাউখৎ-থৌরাংগী প্রোজেক্ত কয়া শঙ্গাগনি, উরেপ-উয়ুং তমগনি অমসুং জাতিদা কত্থোক্কনি।

লৈবাক শীনবা থুংনা মালেমগী থাক্কী ইনফ্রাস্ত্রকচর অমসুং কন্নেক্তিবিতী ফংহন্নবা মহাক্কী অচেৎপা ফিরেপকী মতুং ইন্না, প্রধান মন্ত্রীনা আন্ধ্র প্রদেশতা নেস্নেল হায়ৱে প্রোজেক্ত 7 শঙ্গাগনি। মসিগী প্রোজেক্তশিং অসিদা নেস্নেল হায়ৱেগী তোঙান তোঙানবা সেক্সনশিং পাকথোক চাউথোকহনবা, রোদ ওভর ব্রিজ অমসুং সবৱে শেমগৎপা য়াওরি। প্রোজেক্তশিং অসিনা লম্বীগী সেফতী হেন্না ফগৎহল্লগনি; থবক পীনবা খুদোংচাবা ফংহল্লগনি; তিরুপাতি, শ্রীকলাহাস্তি, মালাকোন্দা অমসুং উদয়গিরি ফোর্ত অসিনচিংবা ধর্ম্মগী অমসুং তুরিস্তিক্কী মফমশিংগা শম্নহল্লগনি।

প্রধান মন্ত্রীনা কন্নেক্তিবিতী হেনগৎহন্নবা অমসুং কেপাসিতী হেনগৎহন্নবা পান্দম থম্লিবা রেলৱে প্রোজেক্তশিং লৈবাক মীয়ামদা কত্থোক্কনি। প্রোজেক্তশিং অসিনা বুগগানপাল্লে সিমেন্ত নগর অমসুং পনিয়ম স্তেসনশিংগী মরক্তা রেল লম্বী শরুক অনি হেনগৎহনবা, রায়লাসীমা অমসুং অমরাবতীগী মরক্তা কন্নেক্তিবিতী হেনগৎহনবা অমসুং ন্যু ৱেস্ত ব্লোক হত কেবিন অমসুং বিজয়ৱাদা স্তেসনশিংগী মরক্তা অহুমশুবা রেল লম্বী শেমগৎপা য়াওগনি।

প্রধান মন্ত্রীনা নেস্নেল হায়ৱে প্রোজেক্ত 6 অমসুং রেলৱে প্রোজেক্ত অমা শঙ্গাগনি। প্রোজেক্তশিং অসিদা নেস্নেল হায়ৱেগী তোঙান তোঙানবা সেক্সনশিং পাকথোক চাউথোকহনবা; এলিভেৎ তৌরবা কোরিদোর, হাফ ক্লোবর লিফ অমসুং রোদ ওভর ব্রিজ শাবগী থবক য়াওরি। প্রোজেক্তশিং অসিনা কন্নেক্তিবিতী, ইন্তর-স্তেৎ ত্রেবেল ফগৎহল্লগনি, কঞ্জেসন হন্থহল্লগনি অমসুং অপুনবা লোজিস্তিক ইফিসিএন্সী ফগৎহল্লগনি। গুন্তাকল ৱেস্ত অমসুং মল্লপ্পা গেৎ স্তেসনশিংগী মরক্তা রেল ওভর রেল শেমগৎপগী পান্দমদি ফ্রেৎ ত্রেনশিং বাইপাস তৌনবা অমসুং গুন্তাকল জঙ্কসন্দা চিনবা হন্থহন্নবনি।

প্রধান মন্ত্রীনা লুপা করোর 11,240গী শেনফম ওইগদবা লেজিসলেতিব এসেমব্লী, হাই কোর্ত, সেক্রেতরিয়েৎ, অতোপ্পা এদমিনিস্ত্রেতিব বিল্দিংশিং অমসুং ইমুং 5,200 হেনবগী য়ুমশিং য়াওনা ইনফ্রাস্ত্রকচর প্রোজেক্ত কয়াগীদমক উরেপ উয়ুং তমগনি। মসিদা ত্রেঙ্ক ইনফ্রাস্ত্রকচর অমসুং লুপা করোর 17,400 হেনবগী ৱর্ল্দ ক্লাস ত্রান্সপোর্ত নেৎৱার্ক য়াওবা কিলোমীতর 320 অমসুং অন্দরগ্রাউন্দ য়ুতিলিতীশিং অমসুং এদভান্স ফ্লদ মেনেজমেন্ত সিস্তেমশিং য়াওরি। লেন্দ পুলিং স্কিম ইনফ্রাস্ত্রকচর প্রোজেক্তশিংনা লুপা করোর 20,400 হেনবগী সেন্ত্রেল মিদিয়নশিং, সাইকল ত্রেকশিং অমসুং ইন্তিগ্রেতেদ য়ুতিলিতীশিং য়াওবা কেপিতেল সিতি অমরাবতীদা কিলোমীতর 1,281গী লম্বীশিং কোনশিল্লগনি।

প্রধান মন্ত্রীনা আন্ধ্র প্রদেশকী নাগায়ালঙ্কাদা লুপা করোর 1,460রোমগী মিসাইল তেস্ত রেঞ্জগী উরেপ উয়ুংসু তমগনি। মসিদা লৈবাক অসিগী ঙাকশেলগী শেম-শারিবা হেনগৎহন্নবা লোঞ্চ সেন্তর, তেক্নিকেল ইন্সত্রুমেন্তেসন ফেসিলিতীশিং, ইন্দিজিনস রেদরশিং, তেলিমেত্রী অমসুং ইলেক্ত্রো-ওপ্তিকেল সিস্তেমশিং য়াওগনি।

প্রধান মন্ত্রীনা বিশাখাপত্নমগী মধুরাৱাদা পি.এম. একতা মোলগী উরেপ উয়ুং তমগনি। মসিনা নেস্নেল ইন্তিগ্রেসন পুক্নিং থৌগৎনবা, মেক ইন ইন্দিয়া ইনিসিএতিব শৌগৎনবা, ৱান দিস্ত্রিক্ত ৱান প্রদক্ত প্রমোৎ তৌনবা, থবক ফংহন্নবা খুদোংচাবশিং পুথোক্নবা, খুঙ্গংগী আর্তিসানশিং শক্তি লৈহন্নবা অমসুং লমদমসিগী পোত্থোকশিংগী মার্কেৎ প্রজেন্সকী চাং হেনগৎহন্নবা পান্দম থমদুনা শেমখিবনি।

***