লৈবাক অসিনা পঞ্চায়ৎশিংদা রুরেল লোকেল সেল্ফ-গভর্নমেন্তগী ইন্সতিত্যুসনশিং ওইনা কন্সতিত্যুসনেল স্তেতস পীখিবগী 73শুবা কন্সতিত্যুস্নেল এমেন্দমেন্ত এক্ত, 1992গী চহি 32 মপুং ফারকপদা 2025গী এপ্রিল 24দা নেস্নেল পঞ্চায়তি রাজ দে (NPRD) পাংথোক্কনি। মরুওইবা থৌরম অসি বিহারগী মধুবানি দিস্ত্রিক্তকী ঝনঝরপুর ব্লোক্কী লোহনা উত্তর গ্রাম পঞ্চায়ৎতা প্রধান মন্ত্রী শ্রী নরেন্দ্র মোদীনা শরুক য়াদুনা পাংথোক্কনি। প্রধান মন্ত্রীনা লৈবাক শীনবা থুংনা পাঞ্চায়তী রাজ ইন্সতিত্যুসনশিং (PRI) অমসুং গ্রাম সভাশিংদা ৱা ঙাংগনি অমসুং থৌরম অসিদা স্পেসিএল কেতেগোরী নেস্নেল পঞ্চায়ৎ এৱার্দস 2025সু পীগনি। চহি অসিদা, নেস্নেল পঞ্চায়তি রাজ দিবস অসি "হোল ওফ গভর্নমেন্ত"গী থৌওং অমগী খুত্থাংদা মরুওইবা নেস্নেল প্রোগ্রাম অমা ওইনা কেন্দ্রগী মন্ত্রালয় তরুক্না শরুক য়াদুনা পাংথোক্লি: রুরেল দিবেলপমেন্ত মন্ত্রালয়, হাউজিং এন্দ অর্বান এফিয়র্স মন্ত্রাল্য, পেত্রোলিয়ম এন্দ নেচরেল গ্যাস মন্ত্রালয়, পৱার মন্ত্রালয়, রেলৱেজ মন্ত্রালয়, অমসুং রোদ ত্রান্সপোর্ত অমসুং হাইৱেজ মন্ত্রালয়নি। প্রধান মন্ত্রী শ্রী নরেন্দ্র মোদীনা থৌরম অসিদা লৈবাক মীয়ামদা মন্ত্রালয়শিং অসিগা মরী লৈনবা মরুওইবা ইনফ্রাস্ত্রকচর অমসুং য়াইফ-থৌরাংগী প্রোজেক্ত কয়ামরুমগী কত্থোক্কনি অমসুং উরেপ উয়ুংসু তমগনি। মসিদা চাউরাক্না লুপা করোর 13,500 রোমগী LPG বোতলিং প্লান্তশিং, ইলেক্ত্রিফিকেসন প্রোজেক্তশিং, হাউজিং স্কিমশিং, রেলৱে ইনফ্রাস্ত্রকচর অমসুং লম্বী শেমগৎপা য়াওরি। প্রোগ্রাম অসিগী মনুংদা প্রধান মন্ত্রী অৱাস য়োজনা (গ্রামিন অমসুং অর্বান) অমসুং DAY-NRLMগী মখাদা শেলগী তেংবাংসু পীরগনি। থৌরাংশিং অসিগা লোইননা, গ্রামীন ভারত, মরুওইনা বিহারগী খুঙ্গংগী লমদমশিং অসি হেন্না ফবা কন্নেক্তিবিতী, সর্ভিসশিং অমসুং শেন্মিৎলোনগী খুদোংচাবশিংগী খুত্থাংদা কান্নবা ফংলগনি।

থৌরম অদুদা বিহারগী মুখ্য মন্ত্রী শ্রী নিতিশ কুমার; কেন্দ্রগী পঞ্চায়তি রাজ মন্ত্রী শ্রী রাজীব রঞ্জন সিংহ অলাইস ললন সিংহ; বিহারগী উপ মুখ্য মন্ত্রীশিং শ্রী সম্রাত চৌধরী অমসুং শ্রী বিজয় কুমার সিনহা; বিহারগী পঞ্চায়তি রাজ মন্ত্রী শ্রী কেদার প্রসাদ গুপ্তা; বিহারগী চীফ সেক্রেতরী, শ্রী অমৃত লাল মীনা; অমসুং পঞ্চায়তি রাজ মন্ত্রালয়গী সেক্রেতরী শ্রী বিবেক বরদৱাজ য়াওনা শরুক য়ারিবা মন্ত্রালয়শিংগী মকোক থোংবা ওফিসরশিংগী অমসুং পঞ্চায়ৎশিংদগী মীহুৎশিংনা শরুক য়াগনি। গ্রাম পঞ্চায়ত লেভেলদগী NPRD 2025 ঙাক্না চৎপা অসিনা সরকারনা বিক্সিত পঞ্চায়তশিং অসি বিক্সিত ভারতকী অচেৎপা য়ুম্ফম ওইহন্নবা হোৎনবদা অচেৎপা য়ুম্ফম ওইরি।

স্পেসিএল কেতেগোরী নেস্নেল পঞ্চায়ৎ এৱার্দস 2025গী মরমদা

এৱার্দশিং অসিদা ক্লাইমেৎ এক্সন স্পেসিএল পঞ্চায়ৎ এৱার্দ (CASPA), অত্মা নিরভর পঞ্চায়ত স্পেসিএল এৱার্দ (ANPSA), অমসুং পঞ্চায়ৎ ক্ষমতা নির্মান সর্ভোত্ম সন্সতন পুরস্কার (PKNSSP) য়াওরি। এৱার্দশিং অসি ক্লাইমেৎ রেসিলিয়েন্স, ফিক্সেল সেল্ফ রিলাইন্স অমসুং কেপাসিতী বিল্দিংগী লমশিংদা মশক থোকপা থবকশিং পাংথোকখিবা গ্রাম পঞ্চায়ৎশিং অমসুং ইন্সতিত্যুসনশিংবু শকখঙনবা পান্দম থম্লি। বিহার, মহারাস্ত্রা, ওরিশা, কর্নাতকা, অন্ধ্র প্রদেশ, তেলঙ্গনা, কেরলা অমসুং অসাম য়াওনা রাজ্যশিংদগী এৱার্দীশিং খনগৎখ্রে। এৱার্দ ফংলবা গ্রাম পঞ্চায়ৎ তরুক্তগী অহুম - মোতিপুর (বিহার), দৌৱা এস (মহারাস্ত্র), অমসুং হাৎবাদ্রা (ওরিশা) - অসি নুপী সর্পঞ্চশিংনা লুচিংলি, মসিনা গ্রাসরুরশিংদা ইনক্লুসিব লিদরশিপ উৎলি।

***