மும்பையில் நடைபெறவிருக்கும் உலக ஒலி ஒளி மற்றும் பொழுதுபோக்கு உச்சி மாநாடான வேவ்ஸ் 2025-க்கு உலகம் தயாராகி வரும் நிலையில், இந்தியா பெருமையுடன் பாரத் அரங்கை திறக்கவுள்ளது. இது நாட்டின் கதை சொல்லலின் ஆழமான பாரம்பரியம், உலகளாவிய ஊடகங்கள் மற்றும் பொழுதுபோக்கு தளத்தில் வளர்ந்து வரும் அதன் செல்வாக்கிற்கு ஒரு துடிப்பான எடுத்துக்காட்டாகும்.

இந்த அரங்கு, உலகம் ஒரே குடும்பம் என்ற இந்தியாவின் உணர்வான வசுதைவ குடும்பகத்தை கொண்டாடுவதுடன், நாட்டின் கலை மரபுகள் எவ்வாறு நீண்ட காலமாக படைப்பாற்றல், நல்லிணக்கம் மற்றும் கலாச்சார உறவின் கலங்கரை விளக்கமாக இருந்து வருகின்றன என்பதையும் வெளிப்படுத்தும்.

மரபில் வேரூன்றி புதுமையால் இயக்கப்படும் இந்தியா இப்போது கதை சொல்லல், தொழில்நுட்பம் மற்றும் மாறிவரும் கலாச்சார பரிமாற்றம் ஆகியவற்றில் உலகை வழிநடத்த எதிர்காலத்திற்கு தயாராகி வருகிறது.

பாரத் அரங்கின் மையத்தில் நான்கு முக்கிய மண்டலங்கள் உள்ளன. அவை இந்தியாவின் கதைசொல்லல் மரபுகளின் தொடர்ச்சி மூலம் பார்வையாளர்களை உள்ளே அழைத்துச் செல்லும்:

ஸ்ருதி - வேத மந்திரங்கள், நாட்டுப்புறப் பாடல்கள் முதல் பாரம்பரிய இசை, வானொலி மற்றும் பேச்சு வார்த்தை வரை வாய்மொழி மரபுகளைக் கவனப்படுத்துகிறது.

    கிருதி - எழுதப்பட்ட மரபுகளை முன்னிலைப்படுத்தி, குகை ஓவியங்கள், ஓலைச்சுவடிகள் முதல் அச்சு ஊடகங்கள், இலக்கியம் மற்றும் நவீன வெளியீடுகளின் பரிணாம வளர்ச்சி வரையிலான பயணத்தைக் காட்டுகிறது.

    திருஷ்டி – பண்டைய நடன வடிவங்கள், பொம்மலாட்டம், நாட்டுப்புற நாடகம் முதல் இந்தியாவின் வளமான சினிமா, தொலைக்காட்சி, டிஜிட்டல் மற்றும் அதிவேக கதை சொல்லல் சூழல் அமைப்புகள் வரை காட்சி வெளிப்பாட்டை ஆராய்கிறது.

    படைப்பாளரின் திறன்- அதிநவீன தொழில்நுட்பத்துடன் கதைசொல்லலின் எதிர்காலத்தைக் காண்பித்தல்

இந்த அரங்கு, உலகளாவிய கதைக்களத்தை இந்தியா எவ்வாறு வடிவமைத்தது, தொடர்ந்து எவ்வாறு வடிவமைக்கிறது என்பதற்கான வாழும் காப்பகமாக இருக்கும்.

ஊடகம் மற்றும் பொழுதுபோக்கு சூழல் முழுவதும் படைப்பாளிகள், கூட்டுப்பணியாளர்கள் மற்றும் மாற்றத்தை உருவாக்குபவர்களுக்கான ஒரு மாறும் தளமாக பாரத் அரங்கு இருக்கும். இந்தியாவின் விதிவிலக்கான திறமை, மேம்பட்ட கதை சொல்லும் தொழில்நுட்பங்கள் மற்றும் வேகமாக விரிவடைந்து வரும் சந்தை திறனுடன் இணைவதற்கு பங்குதாரர்களுக்கு இது ஒரு மதிப்புமிக்க வாய்ப்பை வழங்கும்.

வேவ்ஸ் 2025-ல் பாரத் அரங்கு என்பது பண்டைய உத்வேகமும் அதிநவீன கண்டுபிடிப்புகளும் சந்திக்கும் இடமாகும். அதன் வளமான கலாச்சார மரபு, இணையற்ற படைப்பு திறமை மற்றும் உலகத் தரம் வாய்ந்த தொழில்நுட்ப திறன்களுடன்; ஊடகம் மற்றும் பொழுதுபோக்கில் உலகத் தலைவராக உருவெடுக்க இந்தியா தயாராக உள்ளது.

மேலும் விவரங்களுக்கு இந்த ஆங்கிலச் செய்திக்குறிப்பைக் காணவும் https://pib.gov.in/PressReleasePage.aspx?PRID=2123557

***

SMB/AG/KR