I. اسٹریٹجک پارٹنرشپ کونسل

• ہند-سعودی عرب اسٹریٹجک پارٹنرشپ کونسل (ایس پی سی) کے رہنماؤں کی دوسری میٹنگ کی مشترکہ صدارت عزت مآب وزیر اعظم جناب نریندر مودی اور سعودی عرب کے ولی عہد اور وزیر اعظم شہزادہ محمد بن سلمان نے 22 اپریل 2025 کو جدہ میں کی ۔کونسل نے ایس پی سی کے تحت مختلف کمیٹیوں ، ذیلی کمیٹیوں اور ورکنگ گروپوں کے کام کا جائزہ لیا ، جس میں سیاسی ، دفاعی ،  سیکورٹی ، تجارتی ، سرمایہ کاری ، توانائی ، ٹیکنالوجی ، زراعت ، ثقافت اور عوام سے عوام کے تعلقات شامل ہیں ۔بات چیت کے بعد دونوں رہنماؤں نے قرار داد پر دستخط کیے ۔
• مشترکہ مشقوں ، تربیتی پروگراموں اور دفاعی صنعت میں تعاون سمیت گزشتہ چند سالوں میں دفاعی شراکت داری کی گہرائی کی عکاسی کرنے کے لیے کونسل نے ایس پی سی کے تحت دفاعی تعاون پر ایک نئی وزارتی کمیٹی بنانے کا فیصلہ کیا ۔
• ثقافتی اور عوام سے عوام کے تعلقات کو مستحکم کرنے کے لیے ، جس نے حالیہ برسوں میں نمایاں رفتار حاصل کی ہے ، کونسل نے ایس پی سی کے تحت سیاحت اور ثقافتی تعاون سے متعلق ایک نئی وزارتی کمیٹی بنانے کا فیصلہ کیا ۔
•  ہند-سعودی عرب ایس پی سی کے تحت چار کمیٹیاں اب مندرجہ ذیل ہوں گی:

(1) سیاسی ، قونصلر اور سیکورٹی تعاون کمیٹی ۔
(2) دفاعی تعاون کمیٹی
(3) معیشت ، توانائی ، سرمایہ کاری اور ٹیکنالوجی کمیٹی ۔
(4) سیاحت اور ثقافتی تعاون کمیٹی

II. سرمایہ کاری  سے متعلق اعلی سطحی ٹاسک فورس (ایچ ایل ٹی ایف)

• توانائی ، پیٹروکیمیکلز ، انفرااسٹرکچر ، ٹیکنالوجی ، فِنٹیک ، ڈیجیٹل بنیادی ڈھانچے، ٹیلی مواصلات ، دواسازی ، مینوفیکچرنگ اور صحت سمیت متعدد شعبوں میں ہندوستان میں 100 بلین امریکی ڈالر کی سرمایہ کاری کرنے کے سعودی عرب کے عزم کی بنیاد پر ، سرمایہ کاری سے متعلق مشترکہ اعلی سطحی ٹاسک فورس نے اس طرح کی سرمایہ کاری کی آمد کو تیزی سے فروغ دینے کے لیے متعدد شعبوں میں مفاہمت کی ۔
• دونوں فریقوں نے ہندوستان میں دو ریفائنریاں قائم کرنے کے لیے تعاون کرنے پر اتفاق کیا ۔
• ٹیکس لگانے جیسے شعبوں میں ایچ ایل ٹی ایف کی طرف سے کی گئی پیش رفت مستقبل میں زیادہ سرمایہ کاری  کے لیےتعاون  سے متعلق ایک بڑی پیش رفت ہے ۔

III. مفاہمت ناموں/معاہدوں کی فہرست:

• سعودی خلائی ایجنسی اور ہندوستان کے محکمہ خلا کے درمیان پرامن مقاصد کے لیے خلائی سرگرمیوں کے شعبے میں تعاون سے متعلق مفاہمت نامہ ۔
• سعودی عرب کی وزارت صحت اور ہندوستان کی وزارت صحت و  کنبہ بہبود کے درمیان صحت کے شعبے میں تعاون کے لئے مفاہمت نامہ ۔
• سعودی عرب کی اینٹی ڈوپنگ کمیٹی (ایس اے اے ڈی سی) اور نیشنل اینٹی ڈوپنگ ایجنسی ، انڈیا (این اے ڈی اے) کے درمیان اینٹی ڈوپنگ کی تعلیم اور روک تھام کے شعبے میں تعاون سے متعلق مفاہمت نامہ ۔
• سعودی پوسٹ کارپوریشن (ایس پی ایل) اور ہندوستان کی وزارت مواصلات کےمحکمہ ڈاک  کے درمیان اندرونی سطح کے پارسل میں تعاون سے متعلق معاہدہ ۔

****

ش ح۔  م م ۔ ش ب ن

U.NO.149