I. স্ত্রেতেজিক পার্তনরশিপ কাউন্সিল

• ভারত-সাউদী অরাবিয়া স্ত্রেতেজিক পার্তনরশিপ কাউন্সিল (SPC) গী অনিশুবা লুচিংবশিংগী মীফম অদু 2025গী এপ্রিল 22দা জেদ্দাদা ভারতকী প্রধান মন্ত্রী শ্রী নরেন্দ্র মোদী অমসুং সাউদী অরাবিয়াগী ক্রাউন প্রিন্স অমসুং প্রধান মন্ত্রী হিস রোয়ল হাইনেস প্রিন্স মোহম্মদ বিন সলমাননা পুন্না লুচিংখি। রাজনিতী, ঙাকশেল, সেক্যুরিতী, ললোন-ইতিক, ইনভেস্তমেন্ত, ইনর্জী, তেক্নোলোজী, লৌউ-শিংউ, কলচর অমসুং পিপল-তু-পিপলগী মরীশিং য়াওরিবা SPCগী মখাদা লৈবা তোঙান তোঙানবা কম্মিতীশিং, সব-কম্মিতীশিং অমসুং ৱার্কিং গ্রুপশিংগী থবকশিং কাউন্সিলনা য়েংশিনখি। খন্ন-নৈনবগী মতুংদা লুচিংবা অনিনা মিনিতশিংদা খুৎয়েক পীনখি।
• হৌখিবা চহি খরদা দিফেন্স পার্তনরশিপকী মরী হেন্না চেৎশিল্লকপদা মীৎয়েং থমদুনা - জোইন্ত এক্সরসাইজশিং, ত্রেনিং প্রোগ্রামশিং অমসুং দিফেন্স ইন্দস্ত্রীদা তেংবাং পীনবা য়াওনা কাউন্সিলনা SPCগী মখাদা দিফেন্স কোওপরেসনগী অনৌবা মিনিস্ত্রিএল কম্মিতী অমা শেম্নবা ৱারেপ লৌখি।
• হৌখিবা চহিশিংদা য়াম্না চাউনা হেনগৎলক্লিবা কলচরেল অমসুং পিপল-তু-পিপলগী মরী অসি মপাঙ্গল কনখৎহন্নবা, কাউন্সিলনা SPCগী মখাদা তুরিজম অমসুং কলচরেল কোওপরেসনগী অনৌবা মিনিস্ত্রিএল কম্মিতী অমা শেম্নবা ৱারেপ লৌখি।
• ভারত-সাউদী অরাবিয়া SPCগী মখাদা লৈরিবা কম্মিতী মরি অদু মখাদা পীরি:
   
  1. পোলিতিকেল, কন্সুলর অমসুং সেক্যুরিতী কোওপরেসন কম্মিতী।
  2. দিফেন্স কোওপরেসন কম্মিতী।
  3. ইকোনোমী, ইনর্জী, ইনভেস্তমেন্ত অমসুং তেক্নোলোজী কম্মিতী।
  4. তুরিজম অমসুং কলচরেল কোওপরেসন কম্মিতী।

II. ইনভেস্তমেন্তগী হায় লেবেল তাস্ক ফোর্স (HLTF)

• ইনর্জী, পেত্রো কেমিকেল্স, ইনফ্রাস্ত্রকচর, তেক্নোলোজী, ফিনতেক, দিজিতেল ইনফ্রাস্ত্রকচর, তেলিকম্ম্যুনিকেসন, ফার্মাস্যুতিকেল্স, মেন্যুফেকচরিং অমসুং হেল্থ য়াওনা হিরম কয়াদা ভারত্তা USD 100 বিলিয়ন ইনভেস্ত তৌনবা সাউদী অরবিয়াগী অচেৎপা ফিরেপ অদুদা য়ুম্ফম ওইদুনা, ইনভেস্তমেন্তকী মতাংদা জোইন্ত হাই-লেবেল তাস্ক ফোর্সনা হিরম কয়াদা অসিগুম্বা ইনভেস্তমেন্ত ফ্লো অসি থুনা প্রমোৎ তৌনবা য়ানখি।
• নাকল অনিমক্না ভারত্তা রিফাইনরী অনি লিংখৎপদা মতেং পীননবা য়ানখি।
• তেক্সেসনগুম্বা লমশিংদা HLTFনা পায়খৎলিবা খোংজেল অসি তুংলমচৎতা ইনভেস্তমেন্ত কোওপরেসন হেনগৎহন্নবা অচৌবা খোংথাং অমনি।

III. MoUশিং/য়ান্ন-ৱারোলগী লিস্ত:

• সাউদী স্পেস এজেন্সী অমসুং ভারতকী স্পেস দিপার্তমেন্তকী মরক্তা শান্তিগী ওইবা পান্দমগীদমক স্পেস এক্তিবিতীশিংগী লমদা তেংবাং পীননবা MoU।
• হকশেলগী লমদা তেংবাং পীননবা সাউদী অরাবিয়াগী হকশেল মন্ত্রালয় অমসুং ভারতকী হকশেল অমসুং য়াইফ য়ুম্বাল মন্ত্রালয়গী মরক্তা MoU।
• এন্তি-দোপিং এজুকেসন অমসুং প্রিভেন্সনগী লমদা তেংবাং পীননবা সাউদী আরবকী এন্তি-দোপিং কম্মিতী (SAADC) অমসুং নেস্নেল এন্তি-দোপিং এজেন্সী, ইন্দিয়া (NADA) গী মরক্তা MoU।
• ইনৱার্দ সর্ফেস পার্সেলদা তেংবাং পীননবা সাউদী পোস্ত কোর্পোরেসন (SPL) অমসুং ভারতকী কম্ম্যুনিকেসন মন্ত্রালয়গী পোস্ত দিপার্তমেন্তকী মরক্তা এগ্রীমেন্ত।

***