محنت اور روزگار کی وزارت نے تمام ریاستوں اور مرکز کے زیر انتظام علاقوں کو مشورہ دیا ہے کہ وہ مختلف شعبوں میں مصروف کارکنوں اور مزدوروں پر شدید گرمی کے اثرات کو کم کرنے کے لیے موثر اقدامات کو یقینی بنائیں۔

تمام ریاستوں اور مرکز کے زیر انتظام علاقوں کے چیف سکریٹریوں اورمنتظمین کو لکھے گئے خط میں محنت اور روزگار کی وزارت کے سکریٹری نے عہدیداروں/آجروں/تعمیراتی کمپنیوں/صنعتوں کو ہدایت جاری کرنے کی ضرورت پر زور دیا کہ وہ ورکروں /مزدوروں پر شدید گرمی کے منفی اثرات کو کم کرنے کے لیے ضروری اقدامات کریں ۔

خط میں کام کے اوقات کا از سر نو تعین ، پینے کے پانی کی مناسب سہولیات کو یقینی بنانا ، کام کی جگہوں ، آرام گاہوں کی وینٹیلیشن اور کولنگ ، کارکنوں کے لیے باقاعدگی سے صحت کی جانچ پڑتال اور تعمیراتی کارکنوں وغیرہ کو ایمرجنسی آئس پیک اور گرمی کی بیماری سے بچاؤ کا سامان فراہم کرنے سمیت مختلف اقدامات کا ذکر کرتے ہوئے ایک مربوط ، کثیر شعبۂ جاتی طریقہ کار تجویزکیا گیاہے۔

اس خط میں کان اور فیکٹری انتظامیہ کو ہدایت جاری کرنے کا بھی مشورہ دیا گیا ہے کہ وہ کام کے رفتار کم کرنے ، لچکدار نظام الاوقات ، شدید گرمی کے دوران دو افراد کے عملے ، زیر زمین کانوں میں مناسب وینٹیلیشن کا انتظام کریں۔فیکٹریوں اور کانوں کے علاوہ ، اس میں تعمیراتی اور اینٹوں کے بھٹے کے ورکروں  پر خصوصی توجہ دینے اور لیبر چوک وغیرہ پربیداری کیمپوں ، پوسٹروں اور بینروں کے ذریعے شدید گرمی کے حالات سے خود کو بچانے کے طریقوں کے بارے میں ورکروں کو وسیع پیمانے پر معلومات فراہم کرنے کی ضرورت پر زور دیا ۔

وزارت نے اپنی تنظیموں (ڈی جی ایل ڈبلیو ، سی ایل سی ، ڈی ٹی این بی ڈبلیو ای ڈی ، وی وی جی این ایل آئی ، ڈی جی ایف اے ایس ایل آئی ، ڈی جی ایم ایس ، ای ایس آئی سی) کو بھی ہدایت جاری کی ہے کہ وہ بیداری سیشن منعقد کریں اور اپنے تربیتی پروگراموں میں مخصوص ماڈیولز کو شامل کریں، جس میں ورکروں کو شدید گرمی کے اسباب اور اثرات کے بارے میں معلومات فراہم کرنے ، گرمی کے تناؤ کو پہچاننے ، حفاظتی حکمت عملیوں اور شدید گرمی کے منفی اثرات کو کم کرنے کے طریقوں پر توجہ دی جائے ۔

ڈی جی ایل ڈبلیو اور ای ایس آئی سی کے تحت اسپتالوں اور ڈسپنسریوں سے بھی کہا گیا ہے کہ وہ ہیٹ اسٹروک کے معاملات کی دیکھ بھال کے لیے مخصوص ڈیسک قائم کریں اور او آر ایس ، آئس پیک اور گرمی کی بیماری سے بچاؤ کے دیگر مواد کی مناسب فراہمی کو یقینی بنائیں ۔

******

(ش ح ۔ک ح۔ش ت(

U. No. 132