ہندوستان کامحکمہ آثار قدیمہ 23 اپریل ، بروز بدھ کو نئی دہلی کے بھارت منڈپم میں آثار قدیمہ کے مرکزی مشاورتی بورڈ (سی اے بی اے) کی 38 ویں میٹنگ کی میزبانی کرے گا ۔

بورڈ کی تشکیل 1945 میں حکومت ہند نے آثار قدیمہ کی تحقیق کرنے کے لیے ہندوستانی یونیورسٹیوں ، تعلیمی اداروں اور ریاستی حکومتوں کے ساتھ ہندوستان کےمحکمہ آثار قدیمہ کے درمیان مضبوط تعلقات کو فروغ دینے کے ارادے سے کی تھی ۔

ہر تین سال میں  ہونے والی  بورڈ کی دوبارہ تشکیل  حکومت ہند کے وزیر ثقافت جناب گجیندر سنگھ شیخاوت کی منظوری کے بعد گزٹ نوٹیفکیشن کے ذریعے کی  گئی ہے ، جو سی اے بی اے کے چیئرمین کے طور پر بھی خدمات انجام دیتے ہیں ۔

سی اے بی اے کی 37 ویں  میٹنگ 14 جون 2022 کو اس وقت کے  حکومت ہند کے وزیر ثقافت جناب جی کشن ریڈی کی صدارت میں  منعقد ہوئی تھی ۔

سی اے بی اے کی 38 ویں میٹنگ میں مشاورتی بورڈ کے اراکین سے موصولہ قراردادوں/تجاویز اور گزشتہ میٹنگ کے دوران قراردادوں/تجاویز کے لیے کی گئی کارروائی پر تبادلہ خیال کیا جائے گا ۔

*********

ش ح ۔  م ش۔  ت ع

U. No.114