नवी दिल्‍ली, 18 एप्रिल 2025

छत्तीसगडमधील बिजापूरमध्ये 22 कुख्यात नक्षलवाद्यांना अटक केल्याबद्दल आणि सुकमा जिल्ह्यात 33 नक्षलवाद्यांच्या आत्मसमर्पणाबद्दल केंद्रीय गृह आणि सहकार मंत्री अमित शाह यांनी सुरक्षा दलांचे जवान आणि छत्तीसगड पोलिसांचे  अभिनंदन केले आहे.

केंद्रीय गृहमंत्र्यांनी 'एक्स' या समाज माध्यमावरच्या एका संदेशात म्हटले आहे की, छत्तीसगडच्या विजापूर जिल्ह्यात कोब्रा कमांडो आणि छत्तीसगड पोलिसांनी केलेल्या विविध कारवायांमध्ये 22 कुख्यात नक्षलवाद्यांना आधुनिक शस्त्रे आणि स्फोटक पदार्थांसह अटक केली आहे. सुकमामध्येही 11 नक्षलवाद्यांनी आत्मसमर्पण करून मोदी सरकारच्या आत्मसमर्पण धोरणावर विश्वास दाखवला आहे.

सुकमाच्या बडेसेट्टी पंचायतीत 11 नक्षलवाद्यांनी आत्मसमर्पण केल्याने ही पंचायत पूर्णपणे नक्षलमुक्त झाली आहे असे अमित शाह म्हणाले. तसेच, सुकमामध्ये इतर 22 नक्षलवाद्यांनी आत्मसमर्पण केले, त्यामुळे आत्मसमर्पण करणाऱ्यांची एकूण संख्या 33 झाली आहे.

लपलेल्या नक्षलवाद्यांनी शक्य तितक्या लवकर शस्त्रे खाली ठेवण्याचे आणि मोदी सरकारच्या आत्मसमर्पण धोरणाचा अवलंब करून मुख्य प्रवाहात सामील होण्याचे आवाहन अमित शहा यांनी केले. 31 मार्च 2026 पूर्वी देशाला नक्षलवादाच्या विळख्यातून मुक्त करण्याचा सरकारचा निर्धार आहे, असेही त्यांनी म्हटले आहे.

नक्षलमुक्त भारत मोहिमेतील या यशाबद्दल सुरक्षा दलाचे जवान  आणि छत्तीसगड पोलिसांचे  अमित शाह यांनी अभिनंदन केले.

साथ ही, सुकमा (छत्तीसगढ़) में अन्य 22 नक्सलियों ने भी आत्मसमर्पण किया, जिससे सरेंडर करने वालों की कुल संख्या बढ़कर 33 हो गई है।

नक्सलमुक्त भारत अभियान की दिशा में इस सफलता के लिए मैं सुरक्षा बल के जवानों और छत्तीसगढ़ पुलिस को बधाई देता हूँ। https://t.co/x5PyYxSEF0

— Amit Shah (@AmitShah) April 18, 2025

* * *

S.Kane/S.Mukhedkar/D.Rane

सोशल मिडियावर आम्हाला फॉलो करा:@PIBMumbai    /PIBMumbai    /pibmumbai  pibmumbai[at]gmail[dot]com  /PIBMumbai    /pibmumbai