কঞ্জ্যুমর এফিয়র্স, ফুদ প্রোসেসিং অমসুং পাব্লিক দিস্ত্রিব্যুসন মন্ত্রালয়
সেন্ত্রেল কঞ্জ্যুমর প্রোতেক্সন ওথোরিতী (CCPA) না কোচিং সেন্তরশিংদা কঞ্জ্যুমর প্রোতেক্সন এক্ত, 2019 অমসুং গাইদলাইনস ফোর দি প্রিভেন্সন ওফ মিসলিদিং এদভর্তিসমেন্ত ইন দি কোচিং সেক্তর, 2024 মপুং ফানা ঙাক্না চৎনবা খঙহনখ্রে
CCPAনা কোচিং সেন্তর খরদা IIT-JEE & NEETগা মরী লৈননা অরানবা ক্লেমশিং তৌবা অমসুং অরানবা ত্রেদ প্রেক্তিসশিং চত্থবগী মায়োক্তা নোতিসশিং ইসু তৌখ্রে
Posted On:
17 APR 2025 12:46PM by PIB Imphal
সেন্ত্রেল কঞ্জ্যুমর প্রোতেক্সন ওথোরিতী (CCPA) না কোচিং সেন্তরশিংদা কঞ্জ্যুমর প্রোতেক্সন এক্ত, 2019 অমসুং গাইদলাইনস ফোর দি প্রিভেন্সন ওফ মিসলিদিং এদভর্তিসমেন্ত ইন দি কোচিং সেক্তর, 2024 মপুং ফানা ঙাক্না চৎনবা খঙহনখ্রে।
ওথোরিতী অসিনা ময়েক শেংনা হায়রি মদুদি মখোয়গী রিপ্রজেন্তেসনশিং অদু মরিক চুম্বা, ময়েক শেংবা ওইগদবনি অমসুং লান্না লমজিংগদবা ৱাফমশিং নৎত্রগা কঞ্জ্যুমরশিংদগী মরুওইবা পাউ লোৎশিনবা অসি তৌরোইদবনি। মসিগী মথক্তা, কোচিং সেন্তরশিংনা মায় পাকপগী গরেন্তি পীবা তৌরোইদবনি। কোচিং সেন্তরশিংনা মহৈরোইগী মমীং, রেঙ্ক, কোর্সকী মখল, অমসুং কোর্স অদু শেল পীখিব্রা হায়বনচিংবা মরুওইবা অকুপ্পা মরোলশিং মখোয়গী এদভর্তিসমেন্তশিংদা ময়েক শেংনা ফোংদোক্কদবনি। কঞ্জ্যুমরশিংবু লান্না লমজিংদনবা দিসক্লেমরশিং অসি অতোপ্পা মরুওইবা ঈ-পাউগা চপ মান্নবা ফোন্ত সাইজদা মশক থোক্না উৎকদবনি।
IIT-JEE অমসুং NEET গুম্বা একজামিনেসনশিংগী রিজল্তশিং হন্দক্তা লাউথোকখ্রবা মতুংদা, CCPAনা উবা ফংখি মদুদি কোচিং সেন্তরশিংনা গাইদলাইনস ফোর দি প্রিভেন্সন ওফ মিসলিদিং এদভর্তিসমেন্ত ইন দি কোচিং সেক্তর, 2024 অসি ঙাক্না চৎতে।
এক্ত অমসুং গাইদলাইনশিং অসি থুগাইবগী মরমদা খন্নরদুনা, CCPAনা মখাদা পীরিবা ৱাফমশিং অসিগা মরী লৈনবা কোচিং ইন্সতিত্যুৎ খরদা নোতিস থোকখ্রে: -
- গরেন্তী পীবা প্লেসমেন্ত/সেলেক্সন
- ii. JEE/NEETদা রেঙ্ক লাকনবগী থাজবা পীবা
- কঞ্জ্যুমরগী হকশিং ঙাকতবা
- লান্না লমজিংবা এদভর্তিসমেন্ত, অমসুং
- v. থাজবা পীখিবা সর্ভিসশিং পীদবা, এদমিসন কেন্সেল তৌবা অদুবু ফিদি হন্দোক্তবা, সর্ভিসতা অৱাৎপা লৈবা, ফিশিংগী নন/পার্সিএল রিফন্দ য়াওনা অরানবা ত্রেদ প্রেক্তিসশিং।
মথক্তা পল্লিবা ৱাফমশিং অমসুং থবকশিং অসিনা কঞ্জ্যুমর প্রোতেক্সন এক্ত, 2019গী সেক্সন-228 অমসুং 2 (47) অমসুং গাইদলাইনস ফোর দি প্রিভেন্সন ওফ মিসলিদিং এদভর্তিসমেন্ত ইন দি কোচিং সেক্তর, 2024 য়াওনা এক্ত অসিগী তোঙান তোঙানবা প্রোভিজনশিং থুগাইরি।
গাইদলাইনস ফোর দি প্রিভেন্সন ওফ মিসলিদিং এদভর্তিসমেন্ত ইন দি কোচিং সেক্তর, 2024 অসি নবেম্বর 13, 2024দা থোকখি। গাইদলাইনশিং অসিনা কোচিং সেন্তরশিংনা মখোয়গী সর্ভিসশিং প্রমোৎ তৌনবা অরানবা নৎত্রগা লান্না লমজিংবা ক্লেমশিং/এদভর্তিসমেন্তশিং তৌবদা অমসুং নমথাখ নৎত্রগা অরানবা প্রেক্তিস তৌবদা অথিংবা থম্লি। হায়রিবা গাইদলাইনশিং অসিনা মহৈরোয়শিংবু এক্সপ্লোইতেসন তৌবা থিংনবা অমসুং মখোয়বু অরানবা ৱাশকশিংনা লান্না লমজিংবা নৎত্রগা অরানবা কন্ত্রেক্তশিংদা নমদুনা তৌহনবা অসি থিংনবা মরু ওইবা খোংথাং অমা ওইরি। গাইদলাইনশিং অসি সেক্তর অসিদা ত্রান্সপরেন্সী অমসুং ফেয়রনেস হেনগৎহন্নবা শেম্বনি, মসিনা মহৈরোইশিং অমসুং মখোয়গী ইমুং-মনুংশিংদা মরিক চুম্বা অমসুং অচুম্বা পাউশিংদা য়ুম্ফম ওইদুনা লৌবা য়াবা ৱারেপশিং লৌবদা মতেং পাংগনি। হায়রিবা গাইদলাইনশিং অসিনা হৌজিক লৈরিবা রেগুলেসনশিংবু মতেং পাংশিল্লি অমসুং কোচিং সেক্তরদা রেগুলেতরী ফ্রেমৱার্কশিংবু মখা তানা মপাঙ্গল কনখৎহল্লি।
কোচিং সেক্তরদা কঞ্জ্যুমরশিংগী হকশিং ঙাক্নবা অমসুং ত্রান্সপরেন্সী লৈহন্নবা CCPAনা মরুওইবা খোংথাং অমা লৌখৎতুনা, হৌখিবা চহি অহুম অসিদা, কোচিং সেন্তরশিংনা লান্না লমজিং-লমতাকপা এদভর্তিসমেন্তশিং, অরানবা ত্রেদ প্রেক্তিসশিং অমসুং কঞ্জ্যুমরশিংগী হকশিং থুগাইবগী মায়োক্তা থবক পায়খৎলে।
মসিগী মতাংদা CCPA না নোতিস 49 থোকখ্রে অমসুং কোচিং সেন্তর 24দা অপুনবা লুপা লাখ 77.60গী জেনরেল পেনালতি অমা ইম্পোস তৌখ্রে অমসুং মখোয়বু লান্না লমজিং-লমতাকপা এদভর্তিসমেন্ত অমসুং অরানবা ত্রেদ প্রেক্তিসশিং লেপহন্নবা খঙহনখ্রে।
CCPAনা মমাংদা UPSC CSE, IIT-JEE, NEET, RBI, NABARD য়াওনা কম্পিতিতিব একজামিনেসনশিংগীদমক সর্ভিসশিং পীরিবা কোচিং সেন্তরশিংগী মায়োক্তা থবক লৌখৎখি। মসিনা কঞ্জ্যুমর প্রোতেক্সন এক্ত, 2019গী মায়োক্তা অরানবা নৎত্রগা লান্না লমজিং-লমতাকপা এদভর্তিসমেন্ত অমত্তা তৌহন্দনবা মখোয়গী ফিরেপ অদু অমুক হন্না ফোংদোকখি।
****
(Release ID: 2122467)