वस्त्रोद्योग मंत्रालय
देशातल्या विविध ठिकाणच्या कारागिरांनी हाताने विणलेल्या उत्पादनांचा उत्सव -'स्पेशल हँडलूम एक्स्पो'
राष्ट्रीय हातमाग विकास महामंडळाकडून नोएडा येथे विशेष हातमाग वस्त्र प्रदर्शनाचे आयोजन
देशभरातल्या 13 राज्यांमधले हातमाग विणकर सहभागी
Posted On:
17 APR 2025 3:41PM by PIB Mumbai
नवी दिल्‍ली, 17 एप्रिल 2025
भारत सरकारच्या वस्त्रोद्योग मंत्रालयाअंतर्गत येणाऱ्या राष्ट्रीय हातमाग विकास महामंडळाने नोएडा येथील आपल्या कॉर्पोरेट कार्यालयात विशेष हातमाग प्रदर्शनाचे आयोजन केले आहे.
या कार्यक्रमाच्या माध्यमातून देशातल्या 13 राज्यांमधले हातमाग विणकर एकत्र आले असून हातमागावर विणकाम करण्याच्या जुन्या परंपरेकडे पुन्हा लक्ष वेधणे आणि विणकरांना त्यांची उत्पादने थेट ग्राहकांना विकण्यासाठी एक अतिरिक्त व्यासपीठ प्रदान करणे, हे या प्रदर्शनाच्या आयोजनामागचे उद्दिष्ट आहे.
प्रदर्शनात हातमाग उत्पादनांचे 25 स्टॉल्स असून येथे उत्कृष्ट प्रकारच्या साड्या, ड्रेस मटेरियल, स्टोल्स, दुपट्टे पाहायला मिळतात.
"#MyHandloomMyPride, #MyProductMyPride" हे प्रदर्शन 24 एप्रिल 2025 पर्यंत सकाळी 11:00 ते रात्री 8:00 वाजेपर्यंत खुले राहील.
* * *
G.Chippalkatti/S.Kakade/D.Rane
सोशल मिडियावर आम्हाला फॉलो करा:
@PIBMumbai 
/PIBMumbai 
/pibmumbai 
pibmumbai[at]gmail[dot]com 
/PIBMumbai 
/pibmumbai
(Release ID: 2122405)
Visitor Counter : 37