U Myntri kam pohïing jong ka sorkar pdeng bad u Myntri ka tnad ïatreilang, u Amit Shah, u la pdiang ïa ka rai jong ka seng Jammu and Kashmir Mass Movement kaba ïasoh bad ka Hurriyat ban kyntait ïa ka jingpynïakhlad bad ban pynbna ïa ka jingaiti lut ha ka jingïatylli jong ka Bharat.

Ha ka post ha ka X, u Myntri kam pohiing jong ka sorkar pdeng u Amit Shah u la ong ba hapoh ka sorkar Modi, ka mynsiem iatylli ka synshar ia ka jylla Jammu and Kashmir. U la ong ba kawei pat ka seng kaba iasoh bad ka Hurriyat, ka Jammu and Kashmir Mass Movement, ka la kyntait ia ka jingpyniakhlad, da kaba pynbna ia ka jingaiti lut ha ka jingiatylli jong ka Bharat. U la bynrap ba u pdiang sngewbha ia kane ka sienjam jong ki.

U Myntri kam pohiing ka sorkar pdeng u la ong ba haduh mynta palat 12 tylli ki seng kiba don jingiadei bad ka Hurriyat kim don bynta shuh bad ka jingiakhih ban pait noh na ka ri, da kaba shaniah ha ka riti synshar jong ka ri India. U la ong ba kane ka dei ka jingjop jong ka jingthmu jong u Myntri Rangbah duh Narendra Modi ji na ka bynta ka Ek Bharat Shreshtha Bharat.

***