ആഭ്യന്തരകാര്യ മന്ത്രാലയം
വിഘടനവാദം ഉപേക്ഷിക്കാനും രാജ്യത്തിന്റെ ഐക്യത്തോടട് പൂർണ്ണമായും പ്രതിജ്ഞാബദ്ധത പുലർത്താനുമുള്ള, ഹുറിയത്ത് അനുബന്ധ സംഘടനയായ ജമ്മു കശ്മീർ മാസ് മൂവ്മെന്റിന്റെ തീരുമാനത്തെ കേന്ദ്ര ആഭ്യന്തര മന്ത്രി ശ്രീ അമിത് ഷാ സ്വാഗതം ചെയ്തു
ഇന്ത്യൻ ഭരണഘടനയിൽ വിശ്വാസമർപ്പിച്ചുകൊണ്ട് ഇതുവരെ 12 ഹുറിയത്ത് അനുബന്ധ സംഘടനകൾ വിഘടനവാദത്തെ ഉപേക്ഷിച്ചു.
प्रविष्टि तिथि:
11 APR 2025 4:28PM by PIB Thiruvananthpuram
ഹുറിയത്ത് അനുബന്ധ സംഘടനയായ ജമ്മു & കശ്മീർ മാസ് മൂവ്മെന്റിന്റെ, വിഘടനവാദം ഉപേക്ഷിക്കാനും ഭാരതത്തിന്റെ ഐക്യത്തോട് പൂർണ്ണമായ പ്രതിജ്ഞാബദ്ധത പുലർത്താനുമുള്ള തീരുമാനത്തെ കേന്ദ്ര ആഭ്യന്തര മന്ത്രി ശ്രീ അമിത് ഷാ ഇന്ന് സ്വാഗതം ചെയ്തു.
മോദി സർക്കാരിനു കീഴിൽ, ഐക്യത്തിന്റെ ചൈതന്യമാണ് ജമ്മു & കശ്മീർ ഭരിക്കുന്നതെന്ന് കേന്ദ്ര ആഭ്യന്തര മന്ത്രി ശ്രീ അമിത് ഷാ 'എക്സി'ൽ കുറിച്ചു. ഒരു ഹുറിയത്ത് അനുബന്ധ സംഘടനയായ ജമ്മു ആൻഡ് കശ്മീർ മാസ് മൂവ്മെന്റ്, ഭാരതത്തിന്റെ ഐക്യത്തോടുള്ള പൂർണ്ണമായ പ്രതിജ്ഞാബദ്ധത പ്രഖ്യാപിച്ചുകൊണ്ട് വിഘടനവാദത്തെ ഉപേക്ഷിച്ചതായി അദ്ദേഹം പറഞ്ഞു.ഈ നീക്കത്തെ ആത്മാർത്ഥമായി സ്വാഗതം ചെയ്യുന്നതായും അദ്ദേഹം കൂട്ടിച്ചേർത്തു.
ഇന്ത്യൻ ഭരണഘടനയിൽ വിശ്വാസമർപ്പിച്ച് ഇതുവരെ 12 ഹുറിയത്ത് അനുബന്ധ സംഘടനകൾ വിഘടനവാദത്തിൽ നിന്ന് മുക്തമായതായി കേന്ദ്ര ആഭ്യന്തര മന്ത്രി പറഞ്ഞു. ഏക ഭാരതം ശ്രേഷ്ഠ ഭാരതത്തിനായുള്ള പ്രധാനമന്ത്രി ശ്രീ നരേന്ദ്ര മോദിയുടെ കാഴ്ചപ്പാടിന്റെ വിജയമാണിതെന്ന് അദ്ദേഹം പറഞ്ഞു.
***************************
(रिलीज़ आईडी: 2121077)
आगंतुक पटल : 61