जम्मू आणि काश्मीर मधील हुर्रियतशी संलग्न असलेल्या जम्मू अँड काश्मीर मास मूव्हमेंट या संघटनेने फुटीरतावादाची साथ सोडून, भारताच्या एकात्मतेसाठी पूर्णतः बांधिलकी व्यक्त करण्याच्या जाहीर केलेल्या निर्णयाचे केंद्रीय गृहमंत्री आणि सहकार मंत्री अमित शाह यांनी स्वागत केले आहे.

पंतप्रधान नरेंद्र मोदी यांच्या नेतृत्वातील केंद्र सरकारच्या नेतृत्वाखाली जम्मू - काश्मीर एकतेच्या भावनेने वाटचाल करत असल्याचे केंद्रीय गृहमंत्री अमित शाह यांनी  X या समाज माध्यमावरच्या संदेशात म्हटले आहे. जम्मू अँड काश्मीर मास मूव्हमेंट या हुर्रियतशी संलग्न संघटनेने फुटीरतावादाची साथ सोडत भारताच्या एकात्मतेसाठी

पूर्ण बांधिलकी व्यक्त केली असल्याची माहिती त्यांनी या संदेशात दिली आहे. आपण त्यांच्या या निर्णयाचे मनापासून स्वागत करत असल्याचेही त्यांनी म्हटले आहे.

भारतीय राज्य घटनेवर विश्वास दर्शवत  आतापर्यंत हुर्रियतशी संबंधित 12 संघटनांनी फुटीरतावादापासून फारकत घेतल्याचे केंद्रीय गृहमंत्र्यांनी नमूद केले आहे. पंतप्रधान नरेंद्र मोदी यांच्या एक भारत श्रेष्ठ भारत या दृष्टिकोनाचा हा विजय असल्याचेही त्यांनी या संदेशात म्हटले आहे.

Under the Modi govt the spirit of unity rules J&K.

Another Hurriyat affiliate organization, Jammu and Kashmir Mass Movement, has rejected separatism, declaring complete commitment to the unity of Bharat. I sincerely welcome their move. Till now as many as 12 Hurriyat-linked…

— Amit Shah (@AmitShah) April 11, 2025

***

N.Chitale/T.Pawar/P.Kor

सोशल मिडियावर आम्हाला फॉलो करा: @PIBMumbai    /PIBMumbai    /pibmumbai  pibmumbai[at]gmail[dot]com