২০২৬কী রপব্লিক দেগী থৌরমদা লাওথোক্কদবা পদমা এৱের্দস-২০২৬কীদমক্তা নোমিনেশনশিং/রিকমেন্দেশনশিং অদু ২০২৫কী মার্চ ১৫দগী হৌখ্রে। পদমা এৱার্দকী নোমিনেশন থাজিন্নবগী অরোইবা নুমিৎ অদু ২০২৫কী জুলাই ৩১নি। পদমা এৱার্দশিংগী নোমিনেশনশিং/রকমেন্দেশনশিং অদু রাস্ত্রিয়া পুরস্কার পোর্তল (https://awards.gov.in )দা ওনলাইন ওইনা খক্তমক থাজিনবা য়াগনি।

পদমা এৱার্দশিং, মিং ওইনা পল্লবদা, পদমা ৱিভুশন, পদমা ভুশন অমসুং পদমা শ্রী অসি লৈবাক অসিগী খ্বাইদগী অৱাংবা থাক্কী সিভিলিয়ন এৱার্দশিংনি। ১৯৫৪দা হৌদোকখিবা, মসিগী এৱার্দশিং অসি চহি খুদিংগী রিপব্লিক দে নুমিত্ত লাওথোকই। এৱার্দ অসিনা ‘শিংথানিংঙাই ওইবা থবক’ তৌরম্বাশিং অদুবু মশক খঙবীনবা অমসুং আর্ত, লিতরেচর অমসুং এজুকেশন, স্পোর্তস, মেদিসিন, সোসিয়েল ৱার্ক, সাইন্স, অমসুং ইঞ্জিনীয়রিং, পব্লিক এফিয়র্স, সিভিল সর্বিস, ত্রেদ অমসুং ইন্দস্ত্রীনচিংবা হায়রিবা লমশিং/দিসিপ্লিনশিং অসিদা তোপ্প-তোপ্পা মীয়াম্না মশক খঙবা অমসুং ময়ামদগী থোইদোক-হেন্দোক্না শিংথানিংঙাই ওইবা মাইপাকপো/থবক তৌখিবশিংদা পী। মীপুম খুদিংমকপু মশাগী শক,কুচু, জাত-বিজাত, শিনফম, ফম নত্রগা নুপী-নুপা খাইদনা মসিগী মনা অসিগীদমক্তা থাজিনবা য়াই। দোক্তরশিং অমসুং সাইন্তিস্তশিং নত্তনা PSUশিংদা থবক তৌরিবা সরকারগী কর্মচারীশিংনা মসিগীদমক্তা এলিজিবলে ওইদে।

সরকার অসিনা পদমা এৱার্দশিংবু “মীয়ামগী পদমা”দা ওন্থোক্নবা অচেৎপা ফিরেপ লৌরি। মরম অদুনা মাগ্রিক খুদিংমক সেল্ফ নোমিনেশন য়াওনা নোমিনেশনশিং/রিকমেন্দেশনশিং তৌবীনবা হায়জরি। নুপীশিং, খুনাই অসিগী খ্বাইদগী হেন্না শোত্থরবা কাংলুপশিং, SCশিং & STশিং, দিৱ্যাং মীওইশিং অমসুং খুনাই অসিদা মশাগী ওইজবা থাদোক্তুনা মীয়ামগী য়াইফনবা থবক তৌরিবশিংগী মরক্তগী মখোয়গী মীয়ামদগী থোইদোক-হেন্দোকপা থবকশিং অমসুং মাইপাকপশিং অদুগীদমক্তা তশেংনা ইকাইখুম্নবদা মতিক চারবা হৈথোই-শিংথোইরবা মীজোইশিং অদুবু মশক খঙদোক্নবা য়াম্না কন্না হোৎনরি।

নোমিনেশনশিং/রিকমেন্দেশনশিং অদু মথক্তা পঞ্জখ্রিবা পোর্তল অদুদা য়াওরিবা ফোর্মেত অদুদা অকক্ননা পঞ্জিরিবা মরি লৈনবা অকুপ্পা মরোলশিং পুম্নমক য়াওগদবনি, মসিদা ৱারি মতেক ওইনা সাইতেশন অমা য়াওগনি (য়াম্লবদা ৱাহৈ ৮০০), মসিনা রিকমেন্দ তৌরিবা মীশক অদুনা মহাক্কী মরি লৈনবা লমশিং/দিসিপ্লিন অদুগী শিংথানিংঙাই ওইরবা অমসুং থোইদোক-হেন্দোকপা মাইপাকপশিং অদুগী মতাংদা নিংথিজনা পনগদবনি।

মসিগী মতাংদা অকুপ্পা মরোলশিং অদু য়ুম্লৈ-কৈরৈ মন্ত্রালয়গী ৱেবসাইত (https://mha.gov.in) অমসুং পদমা এৱার্দস পোর্তল (https://padmaawards.gov.in)দা ‘এৱার্দস এন্দ মেদলস’ হায়বা হেদিং মখাদা ফংবীগনি। মসিগী এৱার্দশিং অসিগী স্তেত্যুতশিং অমসুং রুলশিং অদু মখাগী লিঙ্ক  https://padmaawards.gov.in/AboutAwards.aspx অসিদা ফংবীগনি।

*****