یوم جمہوریہ 2026 کے موقع پر اعلان کیے جانے والے پدم ایوارڈز-2026 کے لیے نامزدگیاں/سفارشات 15 مارچ 2025 کو شروع ہو گئی ہیں ۔ پدم ایوارڈز کے لیے نامزدگی کی آخری تاریخ 31 جولائی 2025 ہے ۔ پدم ایوارڈز کے لیے نامزدگیاں/سفارشات صرف راشٹریہ پرسکار پورٹل (https://awards.gov.in) پر آن لائن موصول کی جائیں گی ۔

پدم ایوارڈز جیسے پدم وی بھوشن ، پدم بھوشن اور پدم شری  ملک کے اعلیٰ ترین شہری اعزازات میں سے ہیں ۔ 1954  سے شروع کیے گئے ان ایوارڈز کا اعلان ہر سال یوم جمہوریہ کے موقع پر کیا جاتا ہے ۔ یہ ایوارڈ فن ، ادب اور تعلیم ، کھیل ، طب ، سماجی کام ، سائنس اور انجینئرنگ ، عوامی امور ، سول سروس ، تجارت اور صنعت وغیرہ جیسے تمام شعبوں اور ان شعبوں میں ممتاز اور غیر معمولی کامیابیوں/خدمات کے لیے دیا جاتا ہے ۔نسل ، پیشے ، عہدے یا جنس کے امتیاز کے بغیر تمام افراد ان ایوارڈز کے اہل ہیں ۔ سوائے ڈاکٹروں اور سائنسدانوں کےسرکاری ملازمین بشمول پی ایس یو کے ساتھ کام کرنے والے  پدم ایوارڈز کے اہل نہیں ہیں ۔

حکومت پدم ایوارڈز کو ‘‘عوام کے پدم’’ میں تبدیل کرنے کے لیے پرعزم ہے ۔ اس لیے تمام شہریوں سے درخواست کی جاتی ہے کہ وہ خود کی نامزدگی سمیت نامزدگی/سفارشات پیش کریں ۔ ایسے باصلاحیت افراد کی شناخت کے لیے بہترکوششیں کی جا سکتی ہیں، جن کی شاندارکارکردگی اور کامیابیوں کو خواتین ، معاشرے کے کمزور طبقوں ، ایس سی اور ایس ٹی ، معذور افراد اور معاشرے کی بے لوث خدمت کرنے والوں میں سے واقعی تسلیم کیا جانا چاہیے ۔

نامزدگیوں/سفارشات میں مذکورہ پورٹل پر دستیاب فارمیٹ میں بیان کردہ تمام متعلقہ تفصیلات شامل ہونی چاہئیں ،بشمول بیانیے کی شکل میں ایک حوالہ (زیادہ سے زیادہ 800 الفاظ) جس میں اس شخص کی ممتاز اور غیر معمولی کامیابیوں/خدمات کو واضح طور پر سامنے لایا جائے ۔

اس سلسلے میں تفصیلات وزارت داخلہ کی ویب سائٹ (https://mha.gov.in) اور پدم ایوارڈز پورٹل (https://padmaawards.gov.in) پر ‘ایوارڈز اینڈ میڈل’ کے عنوان کے تحت بھی دستیاب ہیں ۔ ان ایوارڈز سے متعلق اصول و ضوابط ویب سائٹ  https://padmaawards.gov.in/AboutAwards.aspx  پرلنک کے ساتھ دستیاب ہیں ۔

*********

ش ح۔ م ع ن- ن ع

Urdu No. 9791