ઇન્ડિયા સેલ્યુલર એન્ડ ઇલેક્ટ્રોનિક્સ એસોસિયેશન (આઇસીઇએ)એ આજે માહિતી અને પ્રસારણ મંત્રાલય (એમઆઇબી) સાથે જોડાણમાં ટ્રુથટેલ હેકાથોનના ટોચના પાંચ વિજેતાઓની જાહેરાત કરી હતી - જે ટેકનોલોજી દ્વારા ખોટી માહિતી અને હેરાફેરી માધ્યમોનો સામનો કરવા માટેનો એક વૈશ્વિક પડકાર છે. આ હેકેથોન  આગામી વર્લ્ડ ઓડિયો વિઝ્યુઅલ એન્ડ એન્ટરટેઈનમેન્ટ સમિટ (વેવ્સ) 2025 માટે 'ક્રિએટ ઇન ઇન્ડિયા ચેલેન્જ'નો ભાગ છે. નવી દિલ્હીના ઇન્ડિયા હેબિટેટ સેન્ટર ખાતે આયોજિત એક શોકેસ ઇવેન્ટમાં વિજેતાઓનું સન્માન કરવામાં આવ્યું હતું, જ્યાં ટોચના 25 શોર્ટલિસ્ટ થયેલા નવપ્રવર્તકોએ ઉદ્યોગના નિષ્ણાતોની પેનલ સમક્ષ તેમના કાર્યકારી પ્રોટોટાઇપ્સનું પ્રદર્શન કર્યું હતું.

સમગ્ર વિશ્વમાંથી 5,600થી વધારે રજિસ્ટ્રેશનમાંથી પસંદ થયેલા, નીચેના પાંચ વિજેતા નવપ્રવર્તકોને રૂ. 10 લાખનું સંચિત રોકડ ઇનામ મળ્યું હતું.

• દિલ્હીની ટીમ યુનિક્રોનને ટેક્સ્ટ, ઇમેજ અને વિડિયોમાં ખોટી માહિતી શોધવા માટે તેમના નવીન કાર્ય – અન્વેશા માટે જીત મેળવી હતી.
• દહેરાદૂનની ટીમ અલ્કેમિસ્ટને વેરસ્ટ્રીમ: ફેક્ટ-ફર્સ્ટ ઇન એવરી ફ્રેમ માટે માન્યતા આપવામાં આવી હતી, જે એક સાકલ્યવાદી સોલ્યુશન છે જે લેંગચેન-સંચાલિત એનએલપી, ડાયનેમિક નોલેજ ગ્રાફ, જીઆઇએસ ઇન્સાઇટ્સ અને લાઇવ બ્રોડકાસ્ટમાં ખોટી માહિતીને શોધવા અને સુધારવા માટે સમજાવી શકાય તેવા એઆઇનો ઉપયોગ કરે છે.
• બેંગાલુરુની ટીમ હૂશીંગ લાયર્સને નેક્સસ ઓફ ટ્રુથનો એવોર્ડ મળ્યો હતો, જે એઆઇ-સંચાલિત સાધન છે, જે ડીપફેક, ફેક્ટ-ચેક ન્યૂઝ આર્ટિકલ્સ શોધવા અને બહુભાષીય સપોર્ટ અને લાઇવ-સ્ટ્રીમિંગ ચેતવણીઓ સાથે વાસ્તવિક સમયમાં ખોટી સામગ્રીને ફ્લેગ કરવા માટે રચાયેલ છે.
• દિલ્હીની ટીમ બગ સ્મેશર્સને લાઇવ ટ્રુથ: એઆઇ સંચાલિત ખોટી માહિતી ડિટેક્ટર માટે એવોર્ડ એનાયત કરવામાં આવ્યો હતો, જે એક સોલ્યુશન છે જે સ્થાનિક લાર્જ લેંગ્વેજ મોડલ્સ (એલએલએમ) અને ફેક્ટ-ચેકિંગ એપીઆઇને જોડે છે, જે લાઇવ બ્રોડકાસ્ટ દરમિયાન જીપીએસ-આધારિત એસએમએસ વેરિફિકેશન દ્વારા સમુદાય-સંચાલિત માન્યતા સાથે વાસ્તવિક-સમયની વિશ્વસનીયતા સ્કોર્સ પ્રદાન કરે છે.
• બેંગલુરુની ટીમ વોર્ટેક્સ સ્ક્વોડે રિયલ-ટાઇમ ખોટી માહિતી તપાસ અને ફેક્ટ-ચેકિંગ સિસ્ટમ માટે જીત મેળવી હતી, જે એઆઇ-સંચાલિત સાધન છે, જે લાઇવ ઇવેન્ટ્સ દરમિયાન ખોટી માહિતીને શોધવા અને ફ્લેગ કરવાના પડકારને સંબોધિત કરે છે, વાસ્તવિક સમયમાં સચોટતા અને પારદર્શિતા સુનિશ્ચિત કરે છે.

આમાંની દરેક ટુકડીએ જીવંત પ્રસારણ દરમિયાન મીડિયાની અખંડિતતામાં સુધારો કરવા અને ખોટી માહિતીનો સામનો કરવાના હેતુથી નવીન અભિગમો દર્શાવ્યા હતા. એઆઇ વેરિફિકેશન ટૂલ્સથી માંડીને મેનીપ્યુલેટેડ મીડિયા ડિટેક્શન સિસ્ટમ સુધીના તેમના સોલ્યુશન્સ હવે 1-4 મે, 2025 દરમિયાન મુંબઇમાં આગામી વેવ્સ સમિટમાં પ્રદર્શિત કરવામાં આવશે. મીડિયા અને તકનીકી લેન્ડસ્કેપમાં જવાબદાર નવીનતાને પ્રોત્સાહન આપવા માટે હેકાથોન વેવ્સ 2025 નો એક ભાગ છે.

આ કાર્યક્રમમાં ઇલેક્ટ્રોનિક્સ અને આઇટી મંત્રાલયનાં અધિક સચિવ શ્રી અભિષેક સિંહ તથા ઇન્ડિયાએઆઈ મિશનનાં સીઇઓ તથા માહિતી અને પ્રસારણ મંત્રાલયનાં સંયુક્ત સચિવ શ્રી સંજીવ શંકર સામેલ છે. ટ્રુથટેલ હેકેથોન ગ્રાન્ડ ફિનાલે માટેની પ્રતિષ્ઠિત જ્યુરીમાં શ્રી જીત વિજયવર્ગીય, ભૂતપૂર્વ સીઇઓ, MeitY સ્ટાર્ટઅપ હબ (એમએસએચ), શ્રી. વિક્રમ મલ્હોત્રા, માઇક્રોસોફ્ટ ઇન્ડિયાના ડાયરેક્ટર - એઆઇ ટેક સ્ટ્રેટેજિસ્ટ શ્રી. એબીજી વેન્ચર પાર્ટનર્સના મેનેજિંગ પાર્ટનર  આલોક ગુર્તુ, ઇન્ડિયન સ્કૂલ ઓફ બિઝનેસ (આઇએસબી)ના સિનિયર રિસર્ચર અને વિઝિટિંગ ફેકલ્ટી ડો. અવિક સરકાર અને સ્ટેજના કો-ફાઉન્ડર અને સીટીઓ શ્રી શશાંક વૈષ્ણવનો સમાવેશ થાય છે.

આ કાર્યક્રમમાં આઇસીઇએના ચેરમેન શ્રી પંકજ મોહિન્દ્રુએ જણાવ્યું હતું કે, 'ભારત લાંબા સમયથી અફવાની તાકાતનું સાક્ષી રહ્યું છે – ગામડાની લોકવાયકાઓથી માંડીને ગેરમાર્ગે દોરાયેલી માન્યતાઓ સુધી અને આજના ડિજિટલ યુગમાં ખોટી માહિતી ચાલતી નથી – તે ઉડી જાય છે. તેથી, ખોટી માહિતીના મુદ્દાને હલ કરવા માટે ડિજિટલ ક્ષેત્રમાં પગલું ભરવું એ હવે પહેલા કરતાં વધુ નિર્ણાયક છે. ખાસ કરીને આ ડિજિટલ યુગમાં જુઠ્ઠાણાઓનો ઝડપથી ફેલાવો એક ગંભીર પડકાર રજૂ કરે છે. જો કે, આજે અહીં આપણી પાસે જે તેજસ્વી અને નવીન દિમાગ છે - જેમાં નોંધપાત્ર 36% મહિલાઓની ભાગીદારીનો પણ સમાવેશ થાય છે - મને વિશ્વાસ છે કે અમે મજબૂત, ભવિષ્ય માટે તૈયાર ઉકેલો બનાવીશું. આ માત્ર ઇનામ-વિજેતા વિચારો નથી; જટિલ ડિજિટલ જોખમો માટે નૈતિક, એઆઈ-સંચાલિત ઉકેલોના નિર્માણમાં ભારત કેવી રીતે વિશ્વનું નેતૃત્વ કરી શકે છે તેના માટે તેઓ બ્લુપ્રિન્ટ્સ છે."

વધુમાં વિજેતાઓને અભિનંદન પાઠવતા શ્રી મોહિન્દ્રુએ જણાવ્યું હતું કે વિજેતાઓની સફર હજુ તો શરૂ થઈ રહી છે અને તેઓ તેમના ઉકેલો વાસ્તવિક દુનિયાની અસર કરે તે જોવા માટે ઉત્સુક છે. તેમણે એમ પણ જણાવ્યું હતું કે ટ્રુથટેલ હેકેથોન દરમિયાન રજૂ કરાયેલા વિચારો સીમાઓને આગળ ધપાવવાનું ચાલુ રાખશે અને વૈશ્વિક મંચ પર એઆઈ નવીનતા તરફ દોરી જશે.

ભારત સરકારના ઇલેક્ટ્રોનિક્સ અને આઇટી મંત્રાલયના અધિક સચિવ શ્રી અભિષેક સિંહે જણાવ્યું હતું કે, "એવા યુગમાં જ્યાં એઆઇ ખાતરીપૂર્વક અવાજો, છબીઓ અને સમગ્ર ઓળખની નકલ કરી શકે છે, ત્યારે કાલ્પનિક કથાઓથી તથ્યને અલગ પાડવું એ એક પડકાર બની ગયો છે. ટ્રુથટેલ હેકેથોન આ મુદ્દાને સંબોધવા માટેનું એક મહત્ત્વનું પગલું છે, અને હું તમામ સહભાગીઓને નવીન ઉકેલો વિકસાવવા માટેના તેમના પ્રયાસો બદલ પ્રશંસા કરું છું. અહીં જે કામ કરવામાં આવી રહ્યું છે તે ખોટી માહિતીના પ્રસારને રોકવામાં અને સમાજને તેના હાનિકારક પરિણામોથી બચાવવામાં મોટો ફાળો આપશે. અમે આ પ્રકારની પહેલોને ટેકો આપવા કટિબદ્ધ છીએ, જે દેશને જવાબદાર નવીનતા માટે એઆઇનો લાભ લેવા સક્ષમ બનાવે છે. હું માનું છું કે આ ઉકેલો માત્ર ભારત માટે જ મૂલ્યવાન નહીં હોય, પરંતુ ખોટી માહિતી સામેની વૈશ્વિક લડાઈમાં પણ આવશ્યક ભૂમિકા ભજવશે."

આઇસીઇએને આ હેકાથોનનું આયોજન કરવા બદલ અભિનંદન આપતાં શ્રી સિંહે જણાવ્યું હતું કે, આ હેકેથોન મારફતે અમે અમારા ડિજિટલ ભવિષ્યનાં વિશ્વાસ – ચલણને જાળવવા રોકાણ કરી રહ્યાં છીએ તથા આશા વ્યક્ત કરી હતી કે, ટોચનાં 5 વિજેતાઓ ખોટી માહિતીનો સામનો કરવા માટે શ્રેષ્ઠ સમાધાનો વિકસાવશે.

ભારત સરકારના માહિતી અને પ્રસારણ મંત્રાલયના સંયુક્ત સચિવ શ્રી સંજીવ શંકરે જણાવ્યું હતું કે, "ટ્રુથટેલ હેકાથોન એ આજના ડિજિટલ યુગમાં ખોટી માહિતીને કારણે ઊભા થયેલા પડકારોનું સમાધાન કરવાની દિશામાં એક મહત્વપૂર્ણ પગલું છે. 'ક્રિએટ ઇન ઇન્ડિયા ચેલેન્જ' હેઠળ 32 પડકારોમાંના એક તરીકે, આ પહેલ મીડિયા અને મનોરંજન ઉદ્યોગને અસર કરતી સૌથી મહત્વપૂર્ણ સમસ્યાઓમાંથી એકને હલ કરવા માટે વિશ્વભરના યુવા સંશોધકોને એકસાથે લાવે છે. ખોટી માહિતી સામાજિક સંવાદિતાને પાટા પરથી ઉતારી શકે છે અને જીવનને વિક્ષેપિત કરી શકે છે, તેથી જ આપણા માટે તકનીકી ઉકેલો શોધવાનું મહત્વપૂર્ણ છે જે વાસ્તવિક સમયમાં ખોટી સામગ્રીને ફ્લેગ કરી શકે છે. હું તમામ સહભાગીઓને તેમના પ્રભાવશાળી વિચારો માટે અભિનંદન આપું છું અને તેમને નવીનતા ચાલુ રાખવા માટે પ્રોત્સાહિત કરું છું. અમે આ ઉકેલોને વેવ્સ 2025 માં પ્રસ્તુત જોવા માટે આતુર છીએ, જ્યાં તે આંતરરાષ્ટ્રીય પ્રેક્ષકોને પ્રદર્શિત કરવામાં આવશે, જે સંભવિતપણે જવાબદાર મીડિયાના ભવિષ્યને પ્રભાવિત કરશે. સંયુક્તપણે આપણે ભવિષ્ય માટે વધુ માહિતગાર, સુરક્ષિત ડિજિટલ ઇકોસિસ્ટમને આકાર આપી શકીએ છીએ."

ઓક્ટોબર 2024 માં શરૂ થયેલી, ટ્રુથટેલ હેકાથોનને 300+ શહેરોમાં વિદ્યાર્થીઓ અને વ્યાવસાયિકો તરફથી 450 થી વધુ અનન્ય આઇડિયા સબમિશન્સ પ્રાપ્ત થયા હતા, જેમાં ભાગ લેનારાઓમાં 36% મહિલાઓ હતી. સ્ક્રિનિંગ અને મેન્ટરશિપના અનેક રાઉન્ડ બાદ દિલ્હીમાં ઓન-ગ્રાઉન્ડ ફિનાલેમાં ભાગ લેવા માટે 25 ફાઇનલિસ્ટની પસંદગી કરવામાં આવી હતી. તેઓ કોઈમ્બતુરથી ચંદીગઢ અને બેંગ્લોરથી ભોપાલ સુધી - ભારતના યુવાનોની અદ્ભુત ઊર્જાનું પ્રતિનિધિત્વ કરે છે.

ઇલેક્ટ્રોનિક્સ અને આઇટી મંત્રાલય (એમઇઆઇટીવાય) અને ઇન્ડિયાએઆઈ મિશન દ્વારા સમર્થિત, ટ્રુથટેલ હેકેથોન ભારત સરકારના વ્યાપક દ્રષ્ટિકોણ સાથે સુસંગત છે, જે નૈતિક એઆઇને પ્રોત્સાહન આપે છે અને ભારતની યુવા વસ્તી દ્વારા નવીનતા-સંચાલિત સમસ્યાનું સમાધાન કરીને ડિજિટલ ઇકોસિસ્ટમ્સમાં વિશ્વાસને મજબૂત કરે છે.

વધુ માહિતી માટે, https://icea.org.in/truthtell મુલાકાત લો

ICEA વિશે

આઇસીઇએ એ પ્રીમિયર ઉદ્યોગ સંગઠન છે જે ભારતમાં ઇલેક્ટ્રોનિક્સ અને ટેકનોલોજી કંપનીઓ સાથે કામ કરે છે. અમારું વિઝન હાર્ડવેર અને સોફ્ટવેર ક્ષમતાઓ વચ્ચે એકીકૃત સંકલનને પ્રોત્સાહન આપીને ભારતને વૈશ્વિક ટેકનોલોજી પાવરહાઉસમાં પરિવર્તિત કરવાનું છે. અમારા નેતૃત્વ મારફતે અમે એક ગતિશીલ ઇકોસિસ્ટમનું નિર્માણ કરી રહ્યા છીએ, જે નવીનતાને ચેમ્પિયન બનાવે છે અને ઉત્કૃષ્ટતાનું સંચાલન કરે છે.

AP/IJ/GP/JD