Ka Jingsngewthuh bakla 1: Hato yn pynduh noh ia ki jingdon jingem jong ka Waqf?

• Ka Jingshisha: Ym don kano kano ka jaka ba la pynrung kyrteng hapoh ka Waqf Act, 1995, shuwa ban sdang treikam ka Waqf Act, 1995, kum ka waqf yn shah weng noh.
• Jingbatai:

- Shisien ba la pynbna waqf ia ka jaka, ka mut ba kan sah kumta junom.

- Ka bill ka pynshai tang ia ki kyndon na ka bynta ka jingpyniaid kaba bha bad ka jinglong kaba shai.

- Ka ailad ia u District Collector ban bishar bniah ia ki jaka kiba lah ban shah khein bakla kum ki waqf, khamtam lada ki dei shisha ki jaka sorkar.

- Ki jaka waqf kiba dei hok ki sah ha ka jingiada.

Ka Jingsngewthuh bakla 2: Hato kan ym don ka jingpeit bniah ia ki jaka jong ka Waqf?

Ka Jingshisha: Kan don ka jingpeit bniah.

• Jingbatai:

- Kane ka Bill ka bujli ia ka bynta barim jong u Survey Commissioner da u District Collector.

- U District Collector un pynlong ia ki jingpeit bniah da kaba pyndonkam ia ki rukom shim khajna ba la don lypa.

- Kane ka jingkylla ka thmu ban kyntiew ia ka jinglong thikna jong ki jingthoh khlem da pynsangeh ia ka rukom jurip.

Ka Jingsngewthuh bakla 3: Hato ki bym dei ki Muslim kin long kiba bun paid ha ki Board Waqf?

• Ka Jingshisha: Em, ki board kin kynthup ia ki bym dei ki Mulsim, hynrei kin nym pynlong ka jingbun paid.
• Jingbatai:

- Ka Bill ka donkam ban pynrung 2 ngut ki bym dei ki Muslim khlem da khein ia ki dkhot ba la trei kam kum ki dkhot ha ka Central Waqf Council bad ki State Waqf Board, kaba ailad ban don bun eh 4 ngut ki dkhot bym dei ki Muslim ha ka Council bad bun eh 3 ngut ha ka Waqf Board ba ym duna ia ka ar ngut ha ka Central Waqf Council bad ki board ha ki jylla ki bym dei ki Muslim.

- Kiba bun ki dkhot kin dang dei na ka jaidbynriew Muslim.

- Kane ka jingkylla ka long ban wanrah ia ka jingstad bad kyntiew ia ka jinglong kaba shai khlem da pynduh ia ka jingmihkhmat jong ki paidbah

Ka Jingsngewthuh bakla 4: Hato yn ioh ia ka jaka shimet jong ki Muslim hapoh ka jingpynkylla kaba thymmai?

• Ka Jingshisha: Yn ym shim ia ka jaka shimet.
• Jingbatai:

- Ka Bill ka treikam tang ia ki jaka ba la pynbna kum ki waqf.

- Kam ktah ia ki jingdon jingem shimet ki bym shym la ai sngewbha kum ka waqf.

- Tang ki jingdon jingem kiba la aiti mon sngewbha bad katkum ka ain kum ki waqf ki shah ktah ha ki kyndon thymmai.

Ka Jingsngewthuh bakla 5: Hato ka sorkar kan pyndonkam ia kane ka bill ban shimti ia ki jaka jong ki waqf?

• Ka Jingshisha: Ka Bill ka ai bor ia u ophisar uba halor ka kyrdan District Collector u District Collector ban bishar bniah bad pynshisha lada la khein bakla ia ka jaka sorkar kum ka waqf—khamtam lada ka lah ban dei shisha ka jaka sorkar—hynrei kam ai bor ban kurup ia ki jaka ba la pynbna waqf katkum ka ain.

Ka Jingsngewthuh bakla 6: Hato ka bill ka ailad ia ki bym dei ki Muslim ban synshar ne pyniaid ia ka spah jong ka jaitbynriew Muslim?

• Ka jingshisha: Katba ka jingpynkylla ka bthah ba arngut ki dkhot ha ka Central Waqf Council bad ki State Board kin long ki bym dei ki Muslim khlem da khein ia ki dkhot ba la trei da ka kam kaba ailad ban don bun eh 4 ngut ki dkhot bym dei Muslim ha ka Council bad bun eh 3 ngut ha ka Board Waqf

Ia kine ki dkhot la pynrung ban wanrah shuh shuh ka jingstad bad ka jingpeit bniah. Kiba bun ki dkhot kidei na ka jaitbynriew Muslim, bad kumta kan pynneh ia ka ia ka jingsynshar jong ka jaitbynriew ha ki kam niam.

Ka Jingsngewthuh bakla 7: Hato ka jinglong tynrai jong ki jaka waqf (kum ki mosque, ki dargah, bad ki jaka tep) kan shah ktah?

• Ka Jingshisha: Ka Bill kam pynthut ia ka jinglong niam ne jinglong tynrai jong ki jaka waqf. Ka jingthmu jong ka ka long ban pynbha ia ka jinglong khuid ha ka rukom pyniaid bad ban tehlakam ia ki jingkynnoh thok—ym ban pynkylla ia ka jinglong kyntang jong kine ki jaka.

Ka Jingsngewthuh bakla 8: Hato ka jingweng noh ia ka kyndon ‘waqf da u nongpyndonkam’ ka mut ba ki riti dustur kiba la slem bha kin jah noh?

Ka Jingshisha: Ka jingweng noh ia kane ka kyndon ka long ban iada na ka jingdawa khlem jingbit ne kaba bakla halor ki jingdon jingem. Hynrei la ai jingiada ia kum kine ki Waqf da ki jaka pyndonkam (kum ki mosque, ki dargah, bad ki jaka tep) ki ban sah kum ki jaka waqf lait noh tang lada ki jaka, baroh kawei ne shi bynta, ki don ha ka jingiakajia ne ki dei ki jaka jong ka sorkar. Ka pynsuk ia ka rukom pynrung kyrteng da kaba pynthikna ba tang ia ki jaka ba la pynbna kum ki waqf la ithuh—kumta ka pynduna ia ki jingiakajia katba ka burom ruh ia ki jingpynbna waqf tynrai

"Waqf da u nongpyndonkam" ka thew ia ka jinglong ha kaba ia ka jaka la niew kum ka waqf tang namar ba la pyndonkam ia ka na ka bynta ki kam niam ne kam lehisynei ha ka samoi kaba jrong—wat lada ym shym la don ka jingpynbna kaba pura, kaba long katkum ka ain da u trai.

Ka Jingsngewthuh bakla 9: Hato ka bill ka thmu ban pynthut ia ka hok jong ka imlang sahlang ban pyniaid ia la ki jong ki kam niam?

Ka Jingshisha: Ka thong ba kongsan jong ka bill ka long ban pynbha ia ka jingbuh jingthoh, pynduna ia ka jingpyniaid bakla, bad ban pynthikna ia ka jingkitkhlieh. Kam shim noh ia ka hok jong ka jaitbynriew Muslim ban pyniaid ia la ki jong ki jingai ha ka niam; hynrei, ka wanrah ia ka rukom treikam ban pynthikna ba ia kine ki jaka la pyniaid da kaba shai bad kaba paka

Nion hangne ban download ia ka PDF

*******