கட்டுக்கதை 1: வக்ஃப் சொத்துக்கள் சொத்துக்கள் ரத்து செய்யப்படுமா?

உண்மை: வக்ஃப் சட்டம் 1995 அமலுக்கு வருவதற்கு முன்பு, வக்ஃப் சட்டம் 1995-ன் கீழ் பதிவு செய்யப்பட்ட எந்த சொத்தும் திரும்பப் பெறப்படாது.

விளக்கம்:

- ஒரு சொத்து வக்ஃப் என்று அறிவிக்கப்பட்டவுடன், அது நிரந்தரமாக அப்படியே இருக்க வேண்டும்.

- இந்த மசோதா சிறந்த மேலாண்மை, வெளிப்படைத்தன்மைக்கான விதிகளை மட்டுமே தெளிவுபடுத்துகிறது.

- வக்ஃப் என தவறாக வகைப்படுத்தப்படக்கூடிய சொத்துக்களை மதிப்பாய்வு செய்ய மாவட்ட ஆட்சியரை இது அனுமதிக்கிறது.

- முறையான வக்ஃப் சொத்துக்கள் பாதுகாக்கப்படுகின்றன.

கட்டுக்கதை 2: வக்ஃப் சொத்துக்கள் கணக்கெடுப்பு நடக்காதா?

உண்மை: கணக்கெடுப்பு நடக்கும்.

விளக்கம்:

- இந்த மசோதா நில அளவை ஆணையரின் பழைய பாத்திரத்தை மாவட்ட ஆட்சியராக மாற்றுகிறது.

- மாவட்ட ஆட்சியர் தற்போதுள்ள வருவாய் நடைமுறைகளைப் பயன்படுத்தி ஆய்வுகளை நடத்துவார்.

- இந்த மாற்றம் கணக்கெடுப்பு செயல்முறையை நிறுத்தாமல் பதிவுகளின் துல்லியத்தை மேம்படுத்துவதை நோக்கமாகக் கொண்டுள்ளது.

கட்டுக்கதை 3: வக்ஃப் வாரியங்களில் முஸ்லிம் அல்லாதவர்கள் பெரும்பான்மையினராக மாறுவார்களா?

உண்மை: இல்லை. வாரியங்களில் முஸ்லிம் அல்லாதவர்கள் இருப்பார்கள். ஆனால் அவர்கள் பெரும்பான்மையாக இருக்க மாட்டார்கள்.

விளக்கம்:

- மத்திய வக்ஃப் கவுன்சில், மாநில வக்ஃப் வாரியங்களில் பதவி வழி உறுப்பினர்களைத் தவிர்த்து 2 முஸ்லிம் அல்லாதவர்களை உறுப்பினர்களாக சேர்க்க இந்த மசோதா கோருகிறது. இது கவுன்சிலில் அதிகபட்சம் 4 முஸ்லிம் அல்லாத உறுப்பினர்களையும், வக்ஃப் வாரியத்தில் அதிகபட்சம் 3 உறுப்பினர்களையும் அனுமதிக்கிறது, மத்திய வக்ஃப் கவுன்சில், மாநில வாரியங்களில் குறைந்தது இரண்டு உறுப்பினர்கள் முஸ்லிம் அல்லாதவர்களாக இருக்க வேண்டும்.

- பெரும்பான்மையான உறுப்பினர்கள் முஸ்லிம் சமூகத்தைச் சேர்ந்தவர்களாக இருப்பார்கள்.

- இந்த மாற்றம் சமூக பிரதிநிதித்துவத்தை குறைமதிப்பிற்கு உட்படுத்தாமல் நிபுணத்துவத்தை சேர்ப்பதற்கும் வெளிப்படைத்தன்மையை மேம்படுத்துவதற்கும் ஆகும்.

கட்டுக்கதை 4: புதிய திருத்தத்தின் கீழ் முஸ்லிம்களின் தனிப்பட்ட நிலங்கள் கையகப்படுத்தப்படுமா?

உண்மை: சொந்த நிலம் எதுவும் கையகப்படுத்தப்படாது.

விளக்கம்:

- இந்த மசோதா வக்ஃப் என்று அறிவிக்கப்பட்ட சொத்துக்களுக்கு மட்டுமே பொருந்தும்.

- இது வக்ஃபாக நன்கொடையாக வழங்கப்படாத தனியார் அல்லது தனிப்பட்ட சொத்துக்களை பாதிக்காது.

- வக்ஃப் என தானாக முன்வந்து, சட்டப்பூர்வமாக அர்ப்பணிக்கப்பட்ட சொத்துக்கள் மட்டுமே புதிய விதிகளின் கீழ் வரும்.

கட்டுக்கதை 5: இந்த மசோதாவை பயன்படுத்தி வக்ஃப் சொத்துக்களை அரசு கையகப்படுத்துமா?

உண்மை: இந்த மசோதா மாவட்ட ஆட்சியர் பதவிக்கு மேல் உள்ள ஒரு அதிகாரிக்கு ஒரு அரசு சொத்து தவறாக வக்ஃப் என வகைப்படுத்தப்பட்டுள்ளதா என்பதை ஆய்வு செய்யவும் சரிபார்க்கவும் அதிகாரம் அளிக்கிறது. குறிப்பாக அது உண்மையில் அரசு சொத்தாக இருந்தால் மட்டுமே நடவடிக்கை எடுக்கப்படும். ஆனால் சட்டப்பூர்வமாக அறிவிக்கப்பட்ட வக்ஃப் சொத்துக்களை பறிமுதல் செய்ய இது அதிகாரம் அளிக்கவில்லை.

கட்டுக்கதை 6: முஸ்லிம் சமூகத்தின் செல்வத்தை கட்டுப்படுத்தவோ அல்லது நிர்வகிக்கவோ முஸ்லிம் அல்லாதவர்களை இந்த மசோதா அனுமதிக்கிறதா?

உண்மை: மத்திய வக்ஃப் கவுன்சில், மாநில வாரியங்களில் இரண்டு உறுப்பினர்கள் முஸ்லிம் அல்லாதவர்களாக இருக்க வேண்டும் என்று திருத்தம் கட்டளையிடுகிறது. இது கவுன்சிலில் அதிகபட்சம் 4 முஸ்லிம் அல்லாத உறுப்பினர்களையும், வக்ஃப் வாரியத்தில் அதிகபட்சம் 3 உறுப்பினர்களையும் அனுமதிக்கிறது.

கூடுதல் நிபுணத்துவம், மேற்பார்வையைக் கொண்டுவர இந்த உறுப்பினர்கள் சேர்க்கப்படுகிறார்கள். பெரும்பான்மையான உறுப்பினர்கள் முஸ்லிம் சமூகத்தைச் சேர்ந்தவர்களாக உள்ளனர். இதன் மூலம் மத விவகாரங்களில் சமூகக் கட்டுப்பாட்டை அவர்கள் பாதுகாக்கின்றனர்.

கட்டுக்கதை 7: வரலாற்று வக்ஃப் தலங்களின் (மசூதிகள், தர்காக்கள், கல்லறைகள் போன்றவை) பாரம்பரிய அந்தஸ்து பாதிக்கப்படுமா?

உண்மை: இந்த மசோதா வக்ஃப் சொத்துக்களின் மத அல்லது வரலாற்றுத் தன்மையில் தலையிடவில்லை. அதன் நோக்கம் நிர்வாக வெளிப்படைத்தன்மையை மேம்படுத்துவதும் மோசடி உரிமைகோரல்களைத் தடுப்பதும் ஆகும். இந்த தலங்களின் புனிதத் தன்மையை மாற்றுவது அல்ல.

கட்டுக்கதை 8: 'பயனர் மூலம் வக்ஃப்' விதியை நீக்குவது நீண்ட காலமாக நிறுவப்பட்ட மரபுகளை இழக்க நேரிடும் என்று அர்த்தமா?

உண்மை: இந்த விதியை நீக்குவது சொத்து மீதான அங்கீகரிக்கப்படாத அல்லது தவறான உரிமைகோரல்களைத் தடுக்க வடிவமைக்கப்பட்டுள்ளது. இருப்பினும், அத்தகைய வக்ஃப் சொத்துக்களுக்குப் (மசூதிகள், தர்காக்கள் போன்றவை) மூலம் பாதுகாப்பு வழங்கப்பட்டுள்ளது. சொத்துக்கள், முழுமையாகவோ அல்லது பகுதியாகவோ சர்ச்சையில் உள்ளன அல்லது அரசு சொத்தாக இருந்தால் தவிர, அவை வக்ஃப் சொத்துக்களாக இருக்கும். இது முறையாக வக்ஃப் என அறிவிக்கப்பட்ட சொத்துக்கள் மட்டுமே அங்கீகரிக்கப்படுவதை உறுதி செய்வதன் மூலம் பதிவு செயல்முறையை நெறிப்படுத்துகிறது. இதன் மூலம் பாரம்பரிய வக்ஃப் அறிவிப்புகளை மதிக்கும் அதே நேரத்தில் சர்ச்சைகளைக் குறைக்கிறது.

கட்டுக்கதை 9: இந்த மசோதா தனது சொந்த மத விவகாரங்களை நிர்வகிப்பதற்கான சமூகத்தின் உரிமையில் தலையிடும் நோக்கம் கொண்டதா?

உண்மை: மசோதாவின் முதன்மை குறிக்கோள் பதிவு பராமரிப்பை மேம்படுத்துதல், தவறான நிர்வாகத்தைக் குறைத்தல், பொறுப்புக்கூறலை உறுதி செய்தல் ஆகியவை ஆகும். முஸ்லிம் சமூகம் தனது சொந்த மத அறக்கட்டளைகளை நிர்வகிக்கும் உரிமையை அது பறிக்கவில்லை. மாறாக, இவை வெளிப்படையாகவும் திறமையாகவும் நிர்வகிக்கப்படுவதை உறுதி செய்வதற்கான ஒரு கட்டமைப்பை இது அறிமுகப்படுத்துகிறது.

***

(Release ID: 2119208)

 PLM/RJ