প্রধানমন্ত্রীগী লোইশঙ
প্রধান মন্ত্রী শ্রী নরেন্দ্র মোদীনা মহারাস্ত্রাগী নাগপুরদা মাধব নেত্রালয় প্রিমিয়ম সেন্তরগী উরেপ-উয়ুং তমখ্রে
লৈবাক অসিগী প্রজা পুম্নমক্তা অফবা হেল্থ ফেসিলিতীশিং ফংহনবা অসি ঐখোয়গী মরু ওইবা মীৎয়েংনি: পি.এম.
কন্সিয়সনেস অসি য়াকাইদুনা থমনবগীদমক খ্বাইদগী অৱাবা তানফমশিংদসু অনৌবা সোসিএল মুভমেন্তশিং ভারত্তা অদুমক থোকখি: পি.এম.
রাস্ত্রিয় স্বয়মসেবক সংঘ অসি ভারতকী অমর ওইরবা নাৎকী অক্ষয় ভতনি, মসিগী অক্ষয় ভত অসিনা ভারতকী নাৎ অমসুং ঐখোয়গী লৈবাক অসিগী কনসিয়সনেস লেপ্পা লৈতনা ইনর্জী পীরি: পি.এম.
খোঙথাংশিং লৌখৎপা মতমদা মীৎয়েং অসি ঐহাক্কী মহুৎ ঐখোয়দা থম্বা মতমদা, জাতি হান্না হায়বা ৱাখল্লোন অসি মরু ওইরবা মতমদা, লৈবাক অসিগী মীয়ামগী কান্নবা অসিনা পোলিসীশিং অমসুং ৱারেপশিং লৌবদা খ্বাইদগী মরু ওইবা ফেক্তর ওইরবা মতমদা খক্তা মদুগী কান্নবা অদু মফম খুদিংমক্তা উবা ফংই: পি.এম.
মালেমদা মহৌশাগী খুদোংথিবা থোকপা মতম খুদিংদা ভারতনা থৱায় য়াওনা শেবা তৌনবা থোরকই: পি.এম.
জাতি শেমগৎপগী ৱাখল্লোনগা লোয়ননা ঐখোয়গী নহারোলনা 2047 ফাওবদা ভিক্সিৎ ভারতকী পান্দম ফংনবা মাইকৈদা মাংদা চংশিল্লি: পি.এম.
Posted On:
30 MAR 2025 2:09PM by PIB Imphal
প্রধান মন্ত্রীনা ঙসি মহারাস্ত্রাগী নাগপুরদা মাধব নেত্রালয় প্রিমিয়ম সেন্তরগী উরেপ উয়ুং তমখ্রে। মীয়াম তিনখিবা অদুদা ৱা ঙাংলদুনা, মহাক্না অশেংবা নবরত্রিগী কুহ্মৈ অহৌবা ওইরিবা, চৈত্র শুক্লা প্রতিপদাগী মরুওইবা অদু পনখি। মহাক্না হায়খি মদুদি লৈবাক শীনবা থুংনা ঙসি গুদী পরৱা, উগাদী অমসুং নবরেহম্বা কুহ্মৈশিং পাংথোক্লি। মহাক্না নুমিৎ অসিগী মরুওইবা অদুদা পুক্নিং চিংশিনখি মরমদি মসি ভগৱান ঝুলেলাল অমসুং গুরু অঙ্গদ দেবকী মপোক কুমওনগা চপ মান্ননা তারি। মহাক্না থৌরম অসিবু ইথিল পীবা ঙম্বা দোক্তর কে.বি হেদগেৱরগী মপোক কুমওননি অমসুং রাস্ত্রিয় স্বয়মসেবক সংঘ (RSS) গী ফজরবা খোঙচৎকী চহি 100শুবা চহিসু তারি হায়নসু ফোংদোকখি। মহাক্না মরু ওইরবা নুমিৎ অসিদা দা. হেদগেৱর অমসুং শ্রী গোলৱালকর গুরুজীবুসু ইকায় খুম্নবা উৎনবা স্মৃতি মন্দিরদা চৎপ্গী খুদোংচাবা ফংখি ফোংদোকখি। মতম অসিদা পাংথোক্কদৌরিবা ভারত সংবিধানগী চহি 75শুবা কুমওন অমসুং মথং থাদা মসিগী আর্কিতেক্ত, দা. বাবাসাহেব অম্বেদকরগী মপোক কুমওনসু লাক্লগনি হায়না ফোংদোক্লদুনা শ্রী মোদীনা অম্বেদকরনা দীক্ষাভুমিদা দা. অম্বেকরবু ইকাই খুম্নবা উৎখি অমসুং থৌজাল নীখি। মহাক্না নাগরিকশিংদা নবরাত্রি অমসুং পাংথোক্লিবা অতোপ্পা কুহ্মৈ পুম্নমক্কীদমক য়াইফ-পাউজেল পীখি।
নাগপুর অসি শেবা তৌবগী শেংলবা মফম অমা ওইবগী মরুওইবা অদু ফোংদোক্লদুনা অমসুং অচৌবা থৌরাং অমা পাকথোক চাউথোকহনবগীদমক থাগৎপা ফোংদোক্লদুনা শ্রী মোদীনা স্পিরিচুএলিতি, লৌশিং, ইকাই খুম্নবা অমসুং মীওইবা খুন্নাইগী মগুনশিং উৎলিবা মাধব নেত্রালয়গী ইথিল পীবা ঈশৈ অসিবু শীংথাখি। মহাক্না মাধব নেত্রালয় অসি পুজ্যা গুরুজীগী ৱাখল্লোনশিং ঙাক্না চহি কয়াদগী মীওই লাখ কয়াগী শেবা তৌদুনা লাক্লবা অমসুং পুন্সি কয়াদা মঙাল পীদুনা লাক্লবা ইন্সতিত্যুসন অমনি হায়না ফোংদোকখি।
মহাক্না মাধব নেত্রালয়গী অনৌবা কেম্পসকী উরেপ উয়ুং তম্বগী থৌরম অদু পনখি। মহাক্না থাজবা থমখি মদুদি মসিগী পাকথোক চাউথোকপা অসিনা মাগী সর্বিসকী থবক থৌরমশিং অসি খুমাং চাউশিলহল্লগনি, মসিনা মীওই লিশিং কয়াগী পুন্সিদা মঙাল পুরক্লগনি অমসুং মখোয়গী পুন্সিদগী অমম্বা মাংহনখ্রগনি। মহাক্না মাধব নেত্রালয়গা মরী লৈনবা মীপুম খুদিংমক্না হোৎনরিবশিং অদু থাগৎপা ফোংদোকখি অমসুং মখোয়গী মখা তানা থবক তৌবগীদমক মহাক্কী য়াইফ পাউজেল পীখি।
লাল কিলাদগী 'সবকে প্রয়াস'দা পীরিবা মরুওইবা অদু নৌহৌনা পল্লদুনা অমসুং হেল্থকেয়র সেক্তরদা লৈবাক অসিনা চাউনা খুমাং চাউশিল্লক্লিবা অদু পল্লদুনা, প্রধান মন্ত্রীনা হায়খি মদুদি মাধব নেত্রালয়না হোৎনরিবশিং অসি মপুং ফাহল্লি। মহাক্না হায়খি মদুদি সরকারগী প্রাইওরিতী অসি নাগরিক পুম্নমক্তা হেন্না ফবা হেল্থকেয়র ফেসিলিতীশিং ফংহনবা অদুনি। খ্বাইদগী লায়রবশিংদসু খ্বাইদগী ফবা লায়েং ফংহনগদবনি। মহাক্না হায়খি মদুদি নাগরিক অমত্তদা পুন্সিগী ইকাই খুম্নবা ফংহনদবা তৌরোইদবনি, অমসুং লৈবাক অসিগীদমক মখোয়গী পুন্সি কৎথোকখিবা সেনিয়র সিতিজনশিংনা মেদিকেলগী লায়েংবগী মতাংদা শিংনবা লৈহল্লোইদবনি। মীওই লাখ কয়াদা লেম্না লায়েংবগী খুদোংচাবা পীরিবা আয়ুশ্মান ভারতকী ইম্পেক্ত অদু মহাক্না ফোংদোকখি। শ্রী মোদীনা লৈবাক শিনবা থুংনা লৈরিবা জন ঔশধী কেন্দ্র লিশিং কয়াগী মরমদসু পনখি। মখোয়না লায়রবশিং অমসুং মিদ্দল-ক্লাসকী ইমুংশিংদা মমল হোংবা হিদাক-লাংথকশিং ফংহল্লি, মসিনা নাগরিকশিংদা লুপা করোর লিশিং কয়া কনবা ঙমহল্লি। মহাক্না হৌখিবা চহি তরা অসিদা খুঙ্গংশিংদা আয়ুশ্মান আরোগ্য মন্দির লাখ কয়া লিংখৎতুনা মীয়ামদা তেলিমেদিসিনগী খুত্থাংদা প্রাইমরী হেল্থ কেয়র ফংহনবগী মতাংদা পনখি। মসিগী খুদোংচাবশিং অসিনা নাগরিকশিংনা মেদিকেল তেস্ত তৌনবগীদমক কিলোমিতর চাম্মরোম চৎপগী তঙাইফদবা লৈহন্দ্রে হায়না মহাক্না অকনবা ৱাফম থমখি।
লৈবাক অসিদা মেদিকেল কোলেজ মশিং শরুক অনি হেনগৎলকপা অমসুং ওপরেস্নেল ওইরবা AIIMS ইন্সতিত্যুসনশিং শরুক অহুম হেনগৎলকপা অদু পল্লদুনা শ্রী মোদীনা হায়খি মদুদি মেদিকেল সিৎ মশিংসু শরুক অনি হেনগৎখ্রে। মসিনা তুংলমচৎতা মীয়ামগী শেবা তৌনবা হৈ-শিংলবা দোক্তরশিং হেন্না ফংহন্নবা হোৎনগনি। মহাক্না মহৈরোইশিংদা মখোয়গী মমা লোনশিংদা মেদিসিন তমবগী খুদোংচাবা পীদুনা মখোয়বু দোক্তর ওইহন্নবা সরকারনা হোৎনরিবশিং অদু পনখি। মহাক্না হায়খি মদুদি মোদর্ন মেদিকেল সাইন্সকী খুমাং চাউশিল্লকপগা লোয়ননা লৈবাক অসিনা মাগী ত্রেদিস্নেল নোলেজসু প্রমোৎ তৌরি। মালেমগী থাক্তা লৈবাক্কী মিংচৎ হেনগৎহল্লিবা ভারতকী য়োগ অমসুং আয়ুর্বেদনা মালেমগী থাক্তা ফংলিবা শকখঙবা অদু মহাক্না পনখি।
লৈবাক অমা হেক্তগী একজিস্তেন্স অসি মখোয়গী চৎনবী অমসুং ৱাখল্লোন অসি চারোন-শুরোনগী মরক্তা পাকথোক চাউথোকহনবদা য়ুম্ফম ওই হায়না পল্লদুনা প্রধান মন্ত্রীনা চহি চা কয়া মীখা পোনবা অমসুং ইনভেসন তৌরকখিবগী ভারতকী পুৱারীবু ফোংদোকখি। মসিনা খুন্নাইগী মওং-মতৌবু কাইহন্নবা হোৎনখি, অদুম ওইনমক ভারতকী ৱাখল্লোন অসি হিংলি অমসুং মপাঙ্গল কনখৎলি। "অরুবা মতমশিংদসু, ভারত্তা অনৌবা খুন্নাইগী খোঙজংশিংনা মসিগী ৱাখল্লোন অসিবু নিংশিংদুনা থম্লি।" মহাক্না ভক্তি খোংজংবু খুদম অমা ওইনা পল্লদুনা হায়খি, গুরু নানক দেব, কবির দাস, তুলসিদাস, সুরদাস, অমসুং মহারাস্ত্রাগী সন্ত তুকারাম, সন্ত একনাথ, সন্ত নামদেব, অমসুং সন্ত জ্ঞানেশ্বরগুম্বা অশেংবা ৱাখল্লোনশিংনা ভারতকী নেস্নেলগী ৱাখল্লোনবু মপুং ফাহনখি। মহাক্না হায়খি মদুদি হায়রিবা খোংজংশিং অসিনা খেন্নবা থম্বগী য়োৎলিংসু অদু থদৎখি অমসুং খুন্নাইবু অমত্তা ওইনা পুনশিনখি। স্বামী বিবেকানন্দগী থৌদাংশিং অদু পল্লদুনা মহাক্না হায়খি মদুদি, স্বামী বিবেকানন্দনা খুন্নাই অসিবু থোইদোক হেন্দোক্না নুংঙাইহনখি। মহাক্না খুন্নাই অসিবু মখোয়গী অশেংবা মগুনশিং অদু নীংশিংহনখি। কোলোনিয়েল লৈঙাক্কী অরোইবা চহি তরাগী খুজিং কয়াগী মনুংদা মসিগী ৱাখল্লোন অসিবু পুক্নিং থৌগৎপদা হেদগেৱর অমসুং গুরুজীনা মতেং পাংখি। মহাক্না চহি 100গী মমাংদা জাতিগী ৱাখল্লোনবু ঙাক-শেন্দুনা থম্বগীদমক থারম্বা ৱাখল্লোনগী মরু অদুগী মতাংদা পনখি, মদু হৌজিক চাউরবা উপাল অমা ওইরক্লি। মহাক্না হায়খি মদুদি প্রিন্সিপলশিং অমসুং ৱাখল্লোনশিং অসিনা লাখ কয়াগী ভোলুন্তিয়রশিংগী মশা কয়া ফন্দোকহন্দুনা অচৌবা উপাল অমা ওইহনখি। মহাক্না মখা তারদুনা হায়, “রাস্ত্রিয় স্বয়মসেবক সংঘ অসি ভারতকী অমৃত কলচরগী মোদর্ন অক্ষয় ভাতনি। মসিগী অক্ষয় ভাত অসিনা ভারতকী কলচর অমসুং ঐখোয়গী জাতিগী ৱাখল্লোনদা লেপ্পা লৈতনা ইনর্জী পীরি”।
মাধব নেত্রালয়গী অনৌবা কেম্পসনা মখোয়গী খোঙচৎ হৌরকপদা ভিজন অমসুং দাইরেক্সনগী মরক্তা লৈনরিবা মহৌশাগী ওইবা মরী অদু পল্লদুনা শ্রী মোদীনা "পেশ্যেমা শরদা শতম" হায়বা বেদিক এস্পিরেসন, হায়বদি "চহি চাম্মা ঐখোয়না উবা ফংলসি" হায়বা ৱাহন্থোক পীদুনা পুন্সিদা ভিজনগী মরুওইবা অদু পনখি। মহাক্না মপান্থোংগী ভিজন অমসুং মনুংগী ভিজন অনিমক্কী মরুওইবা অদু পনখি। প্রধান মন্ত্রীনা হায়খি, "প্রজনাচাক্ষু" হায়না খঙনবা বিদর্ভাগী শক্নাইরবা সন্ত, শ্রী গুলাব্রাও মহারাজবু নীংশিংলদুনা, "অঙাং ওইরিঙৈ মতমদা মহাক্কী মমিৎ অদু উবা ঙমদ্রবসু, শ্রী গুলাব্রাও মহারাজনা লাইরিক কয়া ইখি।" মহাক্না ফিজিকেল সাইৎ য়াওদ্রবসু মহাক্না লৌশিংদগী হৌরকপা অমসুং ৱাখল তামিন্নবগী মতুং ইন্না উবা ফংলিবা, প্রোফাউন ভিজন অমা লৈ হায়না মহাক্না ফোংদোকখি। মহাক্না হায়খি মদুদি অসিগুম্বা ভিজন অসিনা মীওই অমবু অমসুং খুন্নাইবু শক্তি পীরি। মহাক্না হায়খি মদুদি RSS অসি মপান্থোংগী অমসুং মনুংগী ওইবা ভিজন অনিমক্কী মায়কৈদা থবক তৌরিবা অশেংবা খোঙথাংনি। মহাক্না মাধব নেত্রালয়বু মপান্থোংগী ভিজন অমগী খুদম অমা ওইনা পনখি অমসুং মনুংগী ভিজন অসিনা সংঘ অসি শেবাগী মান্নবা অমা ওইহল্লে হায়না পনখি।
প্রধান মন্ত্রীনা বেদশিং পল্লদুনা শেবা অমসুং অলত্রুজম অসি পুন্সিগী পান্দমনি হায়খি। মহাক্না হায়খি মদুদি করিগুম্বা সর্বিস অসি ভেল্যুশিংদা য়াওরকপা মতমদা, মসি দিভোসনগী মওং অমদা ওন্থোকই, মসি RSSগী ভোলুন্তিয়র খুদিংমক্কী পুন্সিগী মরুওইবা ওইরি। মহাক্না ফোংদোকখি মদুদি শেবা তৌবগী ৱাখল্লোন অসিনা ভোলুন্তিয়রশিংগী চারোন-শুরোন কয়াবু মখোয় মশাবু লেপ্পা লৈতনা কত্থোকপদা পুক্নিং থৌগৎলি। মহাক্না হায়খি মদুদি ভোলুন্তিয়রশিং অসি মখোয়গী দিভোসন অসি লেপ্পা লৈতনা এক্তিব ওইহল্লি, মখোয়নবু ৱাবা নত্ত্রগা লেপ্পা তৌহনদে। গুরুজীগী ৱাহৈশিং নিংশিংলদুনা মহাক্না হায়খি মদুদি পুন্সিগী মরুওইবা অসি পুন্সিগী মতমদতা নত্তে অদুবু মদুগী কান্নবদনি, মসিগী মতাংদা শ্রী মোদীনা "দেব তু দেশ" অমসুং "রাম তু রাস্ত্রা"গী ৱাখল্লোনশিংনা লমজিংদুনা থৌদাং পাংথোকপদা মীৎয়েং থমখি ফোংদোকখি। মহাক্না ঙমখৈদা লৈবা খুঙ্গংশিং, চীংগী লমদমশিং, নৎত্রগা উমংশিংদা লৈরিবা তোঙান তোঙানবা লমশিংদা লৈরিবা ভোলুন্তিয়রশিংনা মশাগী ওইজবা কত্থোক্তুনা তৌরিবা থবকশিংগী মতাংদা পনখি। মহাক্না বনভাসি কল্যান আশ্রম, ত্রাইবেল অঙাংশিংগীদমক একল বিদ্যালয়, কলচরেল এৱেকনিং মিসনশিং, অমসুং শেবা ভারতীনা খুদোংচাদবা ফীভমদা লৈবা মীওইশিংদা তেংবাংনবা হোৎনরিবা অসিনচিংবা খোংথাংশিংদা মখোয়না শরুক য়াবগী মতাংদা পনখি। প্রয়াগ মহকুম্ভগী মনুংদা ভোলুন্তিয়রশিংনা নেত্রা কুম্ভগী খোঙথাংগী খুত্থাংদা মীওই লাখ কয়াদা মতেং পাংখিবা অদুগীদমক থাগৎপা ফোংদোক্লদুনা মহাক্না হায়খি মদুদি সেবাগী মথৌ তাবা মফম খুদিংদা ভোলুন্তিয়রশিং লৈরি। মহাক্না ভোলুন্তিয়রশিংনা ঈশিং-ঈচাউ অমসুং য়ুহার হাবাগুম্বা খুদোংথীবশিং থেংনবদা মখোয়গী মশাগী ওইজবা থাদোক্তুনা অমসুং কত্থোকপগা লোয়ননা মতেং পাংখিবগী মতাংদা পনখি। মহাক্না হায়খি, "শেবা অসি কত্থোকপগী মৈনি, অমসুং ঐখোয়না শেবা তৌদুনা, থবক্কী পাক্লবা ইপাক্তা লুপশিল্লি”।
গুরুজীগী মরমদা পুক্নিং থৌগৎনিংঙাই ওইবা ৱারী অমা পল্লদুনা হায়, মহাক্না করিগীদমক্তা সংঘ অসি পুম্নমকপু কোনশিনবা ঙম্বা কাঙলুপনি হায়না হায়খিবনো হায়না হংলকখিবা মতমদা শ্রী মোদীনা হায়খি মদুদি গুরুজীনা সংঘ অসি মঙালগা চাংদম্নখি। মহাক্না হায়খি মদুদি মঙালনা থবক খুদিংমক পাংথোকপা ঙমদ্রবসু, মসিনা অমম্বা মাংহন্দুনা অতোপ্পশিংদা মাংলোমদা চংশিন্নবগী লম্বী তাকই। মহাক্না হায়খি গুরুজীগী পাউতাক অসি পুন্সিগী মন্ত্র অমনি। মহাক্না মীপুম খুদিংমকপু মঙালগী হৌরকফম অমা ওইনবা, অৱাবা কয়া কোকহন্নবা অমসুং চাউখৎপগী লম্বী য়াৎনবা হায়খি। "ঐ নত্তে, নহাক্না" অমসুং "ঐগী নত্তে, লৈবাক অসিগীদমক্তনি" হায়বা প্রিন্সিপলশিং অসিগা লোয়ননা মহাক্না ওইজবা থাদোকপগী মরুওইবা অদু ফোংদোকখি।
"ঐহাক"দগী "ঐখোয়"বু মরুওইবা পীবগী অমসুং পোলিসী অমসুং ৱারেপ পুম্নমক্তা লৈবাক অসিবু অহানবা থমবগী মরুওইবা অদু পল্লদুনা প্রধান মন্ত্রীনা হায়খি মদুদি অসিগুম্বা থৌওং অসিনা লৈবাক শীনবা থুংনা উবা ফংবা পোজিতিব ইম্পেক্তশিং পীরি। মহাক্না লৈবাক অসিবু ফাজিন্দুনা থম্লিবা য়োৎলিংশিং অদু থদৎপগী তঙাইফদবা অদু পনখি। মহাক্না কোলোনিএল মাইন্দসেৎকী ৱাংমদা চংশিনবগী মরুওইবা অদু পনখি। মহাক্না হায়খি মদুদি ভারতনা হৌজিক কোলোনিএলিজমগী অরেম-অখাকশিং, চহি 70দগী লৈরক্লবা ইনফেরিয়রিতীগী মহুৎ শিন্দুনা নেস্নেল প্রাইদকী অনৌবা চেপ্তরশিং শেমগৎলি। মহাক্না ভারত মচাশিংবু তুহৎনবা শেমখিবা মতমগা চুনদ্রবা ব্রিতিশকী আইনশিংবু অনৌবা ভারতীয় ন্যয় সনহিতানা মহুৎ শিনখিবগী ৱাফম থমখি। মহাক্না রাজপথ অসি কার্তব্য পাথ ওইরকপা, কোলোনিএল লেগেসিদা তৌগদবা থৌদাংনা হেনবগী খুদম ওইরকপা অদু পনখি। মহাক্না নেভীগী ফিরালদগী কোলোনিএল সিম্বোলশিং লৌথোকখিবগী ৱাফমসু পনখি। হৌজিক্তি ফিরাল অসিদা ছত্রপতি শিবাজী মহারাজকী এমব্লেম য়াওরে। ভারতকী নীংতম্বগী অথৌবশিংবু ইকায় খুম্নবা উৎনবা মহাক্না অন্দমান লমদমদা লৈবা ইথৎশিংগী মমিং ওন্থোকপা অদুবু থাগৎপা ফোংদোকখি। মফম অদুদা বীর সাভারকরনা লৈবাক অসিগীদমক অৱাবা কয়া মায়োক্নখি অমসুং নেতাজী সুভাস চন্দ্র বোসনা নীংতম্বগী বেঙ্গুন খোঙখি।
শ্রী মোদীনা হায়খি, "ভাসুধৈব কুতুম্বকম"কী ভারতকী লমজিং-লমতাকপা ৱাখল্লোন অসি মালেমগী মফম খুদিংমক্তা য়ৌরে অমসুং ভারতকী থবক থৌরমশিংদা মসি ময়েক শেংনা মমি তারি।" মহাক্না কোবিদ-19 লাইচৎ মনুংদা ভারতনা মালেমদা ইমুং অমা ওইনা ভেক্সিনশিং ফংহন্নবা হোৎনরিবশিং অদু পনখি। মহাক্না "ওপরেসন ব্রহ্মা"গী মখাদা ম্যান্মারদা থোকখিবা য়ুহার হাবা য়াওনা মহৌশাগী অৱা-অনাশিংগী মায়োক্তা ভারতনা রেস্পোন্স পীখি অমসুং তরকী অমসুং নেপালদা থোকখিবা য়ুহার হাবা অমসুং মালদীবকী ঈশিংগী ক্রাইসিসকী মতমদা মতেং পাংখিবা অদু পনখি। মহাক্না লান তৌবা মতমদা অতোপ্পা লৈবাকশিংগী প্রজাশিং লৌথোকপদা ভারতনা লৌরিবা থৌদাং অদু পনখি অমসুং ভারতকী খুমাং চাউশিল্লকপনা গ্লোবেল সাউথকী ৱা ঙাংবগী শক্তি হেনগৎহল্লি হায়না মহাক্না পনখি। মহাক্না হায়খি মদুদি মালেমগী ওইবা মচিল-মনাও ওইবগী ৱাখল্লোন অসি ভারতকী কলচরেল ভেল্যুশিংদগী লাকপনি। ভারতকী নহারোলশিং অসি লৈবাক অসিগী খ্বাইদগী চাউবা এসেৎনি হায়না পল্লদুনা, মখোয় অসি থাজবা অমসুং রিস্ক লৌবগী মতিক লৈবা মীওইশিংনি হায়না পল্লদুনা, শ্রী মোদীনা ইনোবেসন, স্তার্ত-অপশিংদা মখোয়গী থৌদাং অমসুং ভারতকী হেরিতেজ অমসুং কলচরদা মখোয়গী চাউথোকচবা ফোংদোকখি। মহাক্না প্রয়াগ মহকুম্ভদা নহা লাখ কয়ানা শরুক য়াখিবা অসি ভারতকী মতম শাংনা চৎনরক্লবা চৎনবীগা মখোয়গা লৈনরিবা মরীগী খুদম অমনি হায়না পনখি। মহাক্না নহারোলশিংনা লৈবাক্কী মথৌ তাবশিংদা মীৎয়েং থম্বা, "মেক ইন ইন্দিয়া"গী মাইপাকপদা মখোয়না লৌরিবা থৌদাং অমসুং লোকেল প্রদক্তশিংগীদমক মখোয়না কন্না শৌগৎপগী মতাংদা পনখি। মহাক্না মখোয়গী লৈবাক শেমগৎপগী ৱাখল্লোননা লমজিংদুনা স্পোর্তসকী লমদগী স্পেস এক্সপ্লোরেসন ফাওবদা মশক থোকপা মওংদা লৈবাক্কীদমক হিংবা অমসুং থবক তৌবগী ফিরেপ অদু পনখি। মহাক্না থাজবা থমখি মদুদি ভারতকী নহারোলশিংনা 2047 ফাওবদা ভিক্সিৎ ভারতকী পান্দম অদু ফংনবা লৈবাক অসিবু লমজিংগনি। পি.এম.না হায়খি মদুদি ওর্গনাইজেসন, দেদিকেসন অমসুং সর্বিসকী সিনর্জি অসিনা খোঙচৎ অসিগী মপাঙ্গল ওইরি। মহাক্না হায়খি মদুদি RSSনা চহি তরাগী খুজিং কয়াদগী খোঙথাং অমসুং হোৎনরকখিবা অদুগী মহৈ অদু ফংদুনা ভারতকী চাউখৎ-থৌরাংদা অনৌবা চেপ্তর অমা ইরি।
প্রধান মন্ত্রীনা 1925দা RSS লিংখৎলকপা মতমদা ওইখিবা তোঙানবা ফিভমশিং অদুগী মতাংদা পনখি, মতম অদু লান্থেং অমসুং নীংতম্বা ফংনবা অচৌবা পান্দম ফংনবা হোৎনবা মতম ওইখি। মহাক্না এসোসিএসন অসিগী চহি 100গী খোঙচৎকী মরুওইবা অদু পনখি অমসুং 2025দগী 2047 ফাওবগী মতম অসি লৈবাক অসিগীদমক অনৌবা, অচৌবা পান্দমশিং থম্লি হায়না পনখি। মহাক্না গুরুজীগী ইথিল পীবা ৱাহৈশিং অদু নীংশিংখি। মহাক্না লৈবাক অসিগী চাউরবা জাতিগী ইদিফিস অমগী য়ুম্ফম ওইবদা অপীকপা নুঙ অমা ওইবগী অপাম্বা ফোংদোকখি। মহাক্না শেবা তৌবগী অচেৎপা ফিরেপ লেপ্পা লৈতনা থমগদবনি, লেপ্পা লৈতনা হোৎনগদবনি অমসুং চাউখৎলবা ভারত অমগী মঙলান অদু মংফাওহনগদবনি হায়না অকনবা ৱাফম থমখি। মহাক্না অয়োধ্যাদা শ্রী রামগী লাইশং শাবদা শরুক য়াখিবগুম্না লাক্কদৌরিবা চহি লিশিং অমগীদমক মপাঙ্গল কনবা ভারত অমগী য়ুম্ফম থোনবগী মহাক্কী মঙলান অদু অমুক হন্না ফোংদোকখি। প্রধান মন্ত্রীনা থাজবা ফোংদোকখি মদুদি দোক্তর হেদগেৱরগুম্বা শক্নাইরবশিংগী লমজিং-লমতাক্না ভারতপু চাউখৎহল্লগনি। হেদগেৱর অমসুং গুরুজীনা লৈবাক অসিবু মপাঙ্গল কনখৎহনগনি। মহাক্না চাউখৎলবা ভারত অমগী মঙলান অদু মপুং ফাহন্নবা অমসুং মীরোল কয়ানা কত্থোকখিবশিংবু ইকায় খুম্নবা উৎতুনা ৱারেপ অদু থুংহন্নবা অমুক হন্না ফোংদোক্লদুনা ৱারোল পীবা লোইশিনখি।
মহারাস্ত্রাগী মুখ্য মন্ত্রী শ্রী দেবেন্দ্র ফদনবিস, কেন্দ্রগী মন্ত্রী শ্রী নিতিন গদকরী, RSS সারসংঘচালক দা. মোহন ভাগৱত, স্বামি গোবিন্দ দেবগিরি মহারাজ, স্বামি অবধেশানন্দ গিরি মহারাজ, দা. অবিনাশ চন্দ্র অগ্নিহোত্রি অমসুং অতোপ্পা শক্নাইরবা মীথুংলেনশিংসু থৌরম অদুদা শরুক য়াখি।
***
(Release ID: 2117004)
Visitor Counter : 19
Read this release in:
Odia
,
English
,
Urdu
,
Marathi
,
Hindi
,
Assamese
,
Bengali
,
Gujarati
,
Tamil
,
Telugu
,
Kannada
,
Malayalam