نیتی آیوگ نے ​​نیشنل کونسل آف اپلائیڈ اکنامک ریسرچ (این سی اے ای آر) کے ساتھ مل کر ایک پورٹل تیار کیا ہے جو کہ سماجی، اقتصادی اور مالیاتی پیرامیٹر، تحقیقی رپورٹ، دستاویزات اور ریاستی مالیات پر تقریباً 30 سال (یعنی 91-1990 تا 23-2022) کے ماہرانہ تبصروں کے اعداد و شمار کا ایک جامع ذخیرہ ہے۔ وزیر خزانہ محترمہ نرملا سیتا رمن یکم اپریل 2025 کو نئی دہلی میں "نیتی این سی اے ای آر ریاستی اکنامک فورم" پورٹل کا آغاز کریں گی۔

پورٹل کے چار اہم اجزاء ہیں، یعنی:

1. ریاستی رپورٹیں - 28 ہندوستانی ریاستوں کے میکرو اور مالیاتی منظر نامے کا خلاصہ، آبادیاتی، اقتصادی ڈھانچہ، سماجی، اقتصادی اور مالیاتی اشاریے کے ارد گرد تشکیل دیا گیا ہے۔
2. ڈیٹا ریپوزٹری - پانچ عمودی حصوں میں درجہ بندی شدہ مکمل ڈیٹا بیس تک براہ راست رسائی کی پیشکش کرتا ہے۔ ڈیموگرافی؛ اقتصادی ڈھانچہ؛ مالی؛ صحت اور تعلیم۔
3. ریاستی مالیاتی اور اقتصادی ڈیش بورڈ - وقت کے ساتھ ساتھ اہم اقتصادی متغیرات کی تصویری نمائندگی کو ظاہر کرتا ہے اور ڈیٹا اپنڈکس کے ذریعہ خام ڈیٹا تک فوری رسائی فراہم کرتا ہے یا  تلخیصی ٹیبل کے ذریعہ اضافی معلومات فراہم کرتا ہے۔
4. تحقیق اورتوضیح - ریاستی مالیات اور ریاستی اور قومی سطحوں پر مالیاتی پالیسی اور مالیاتی انتظام کے اہم پہلوؤں پر وسیع تحقیق پر مبنی ہے۔

پورٹل میکرو، مالی، آبادیاتی، اور سماجی و اقتصادی رجحانات کو سمجھنے میں سہولت فراہم کرے گا۔ آسانی سے قابل رسائی ڈیٹا اور صارف دوست فارمیٹ اور ایک جگہ پر مستحکم سیکٹرل ڈیٹا کی جاری ضرورت کو بھی پورا کرے گا۔ اس سے ہر ریاست کے اعداد و شمار کو دوسری ریاستوں اور قومی اعداد و شمار کے مقابلے میں بینچ مارک کرنے میں مزید مدد ملے گی۔ یہ پالیسی سازوں، محققین، اور دوسروں کو باخبر مباحثوں کے لیے ڈیٹا کی طرف اشارہ کرنے میں دلچسپی رکھنے والے افراد کو ایک فورم بھی فراہم کرے گا۔

یہ پورٹل ایک جامع تحقیقی مرکز کے طور پر کام کرے گا، جس میں گہرائی سے تحقیقی مطالعات کے لیے ڈیٹا اور تجزیاتی آلات کا ذخیرہ پیش کیا جائے گا۔ یہ معلومات کے مرکزی ذخیرے کے طور پر کام کرے گا، جو گزشتہ 30 سالوں میں پھیلے ہوئے سماجی، اقتصادی اور مالیاتی اشاریوں کے وسیع ڈیٹا بیس تک رسائی فراہم کرے گا۔ تاریخی رجحانات اور حقیقی وقت کے تجزیات سے فائدہ اٹھاتے ہوئے، صارفین ترقی کو ٹریک کرنے، ابھرتے ہوئے نمونوں کی نشاندہی کرنے اور ترقی کے لیے ثبوت پر مبنی پالیسیاں بنانے کے قابل ہوں گے۔

۔۔۔۔۔۔۔۔۔۔۔۔۔۔۔۔۔۔۔۔۔

(ش ح ۔ رض۔ ن  ا  (

9214