আমেৰিকাৰ ছান ফ্ৰান্সিস্কোত অনুষ্ঠিত হোৱা সন্মানীয় গেম ডেভেলপাৰ কনফাৰেন্স (জিডিচি)ত ইণ্ডিয়া পেভিলিয়নে আকৰ্ষণীয় আৰম্ভণি কৰিবলৈ সক্ষম হৈছে। ভাৰতৰ ছান ফ্ৰান্সিস্কোৰ কনছুল জেনেৰেল ড° কে শ্ৰীকাৰ ৰেড্ডীয়ে উপ-কনছুল জেনেৰেল শ্ৰী ৰাকেশ আদলাখা আৰু এন এফ ডি চিৰ তথ্য আৰু সম্প্ৰচাৰ মন্ত্ৰালয়ৰ ডিজিটেল গ্ৰ’থৰ মুৰব্বী শ্ৰী তন্ময় শংকৰৰ উপস্থিতিত মণ্ডপটো উদ্বোধন কৰে।

২০২৫ চনৰ ১৭ মাৰ্চৰ পৰা ২১ মাৰ্চলৈ অনুষ্ঠিত হোৱা গেম ডেভেলপাৰ কনফাৰেন্স (জিডিচি) হৈছে গেম ডেভেলপাৰ আৰু উদ্যোগৰ পেছাদাৰীসকলৰ বাবে বিশ্বৰ আটাইতকৈ বিশাল আৰু প্ৰভাৱশালী অনুষ্ঠান, য’ত গেম ডিজাইন, প্ৰযুক্তি আৰু ব্যৱসায়িক ধাৰাসমূহৰ বিষয়ত বক্তৃতা, পেনেল তথা  প্ৰদৰ্শনী অনুষ্ঠিত কৰা হৈছে।

ৱেভছৰ  প্ৰচাৰ : ভাৰতৰ অগ্ৰণী মিডিয়া আৰু মনোৰঞ্জন ক্ষেত্ৰৰ শীৰ্ষ সন্মিলন

ইণ্ডিয়া পেভিলিয়নৰ এটা মূল লক্ষ্য হৈছে ২০২৫ চনৰ ১ মে’ৰ পৰা ৪ মে’লৈকে মুম্বাইত অনুষ্ঠিত হ’বলগীয়া আগন্তুক বিশ্ব দৃশ্য দৃশ্য আৰু মনোৰঞ্জন সন্মিলনৰ প্ৰচাৰ কৰা। ভাৰতৰ প্ৰতি এই  উদ্যোগৰ মনোযোগ বৃদ্ধি কৰাই এই অনুষ্ঠানৰ প্ৰধান লক্ষ্য। ই বাণিজ্য, উদ্ভাৱন আৰু সীমা অতিক্ৰম কৰি সহযোগিতাক লাভাৱান্বিত কৰিব৷ লগতে ই  ভাৰতক বিশ্বৰ কন্টেন্ট হাব হিচাপে স্থান দিব।

ভাৰতৰ গেমিং উৎকৃষ্টতাক উজলাই তোলা 

জিডিচিৰ ইণ্ডিয়া পেভিলিয়নত অত্যাধুনিক প্ৰদৰ্শন আৰু উদ্ভাৱকসকলৰ বৈশিষ্ট্যসম্পন্ন কৰ্মই  ভাৰতৰ দ্ৰুতগতিত বিকশিত হোৱা গেমিং উদ্যোগক উজ্জ্বল কৰি তুলিছে। এই পেভিলিয়নত আইজিডিচি ২০২৪ বঁটা বিজয়ী—ৱালা ইন্টাৰেক্টিভ, ব্ৰুড গেমছ, জিগমা গেমছ আৰু চিংগুলাৰ স্কিম—আদি প্ৰদৰ্শিত হৈছে৷এনে গেমসমূহ  গেম ডেভেলপমেণ্টৰ সৃষ্টিশীলতা আৰু উৎকৃষ্টতাৰ বাবে বিখ্যাত নাজাৰা টেকন’লজিছ আৰু উইনজ’কে ধৰি দেশৰ কিছুমান আগশাৰীৰ গেম ডেভেলপমেণ্ট কোম্পানীয়ে প্ৰদৰ্শন কৰিছে।

ইয়াৰ উপৰি এই পেভিলিয়নে ৱেভছৰ অংশ হিচাপে ক্ৰিয়েট ইন ইণ্ডিয়া চেলেঞ্জৰ অধীনত অনুষ্ঠিত হোৱা প্ৰত্যাহ্বান ভাৰত টেক ট্ৰাইমফ ছিজন ৩ৰ চেম্পিয়নসকলকলৈ  চৰ্চা কৰিছে৷

ইউডিজ ছলিউচনছ

ব্ৰহ্ম ষ্টুডিঅ'

গডস্পীড গেমিং

ছেকণ্ড কুৱেষ্ট

অভাৰ দ্য মুন ষ্টুডিঅ'

গেম২মেকাৰ

পৰিয়াহ ইন্টাৰেক্টিভ

লিষ্টো

মিক্সাৰ

লিটল গুৰু

মনো টাস্ক ষ্টুডিঅ'

গেমইয়ন

ফানষ্টপ

আব্ৰাকাডাব্ৰা

ইণ্ডিয়া পেভিলিয়নে সহযোগিতাৰ বাবে এক কৌশলগত মঞ্চ হিচাপে কাম কৰে, ভাৰতীয় গেমিং কোম্পানীসমূহক বিশ্বব্যাপী ডেভেলপাৰ, প্ৰকাশক আৰু বিনিয়োগকাৰীৰ সৈতে সংযোগ কৰে। সহ-উৎপাদন, প্ৰযুক্তি অংশীদাৰিত্ব আৰু বিষয়বস্তু বিতৰণৰ ওপৰত আলোচনাৰ সুবিধা প্ৰদান কৰি পেভিলিয়নে বিশ্বব্যাপী গেমিং বজাৰত ভাৰতীয় ষ্টুডিঅ’সমূহৰ বাবে নতুন বৃদ্ধিৰ সুযোগ মুকলি কৰাত সহায় কৰিব।

এন এফ ডি চিৰ বিষয়ে

ভাৰতৰ ৰাষ্ট্ৰীয় চলচ্চিত্ৰ উন্নয়ন নিগম হৈছে দেশৰ চলচ্চিত্ৰ  আন্দোলনক উৎসাহিত কৰিবলৈ প্ৰতিষ্ঠা কৰা কেন্দ্ৰীয় সংস্থা। ফিলমাৰ্ট, কান চলচ্চিত্ৰ মহোৎসৱ, আৰু বাৰ্লিনেলৰ দৰে মূল আন্তঃৰাষ্ট্ৰীয় অনুষ্ঠানত অংশগ্ৰহণৰ জৰিয়তে এনএফডিচিয়ে ভাৰতীয় বিষয়বস্তু সৃষ্টিকৰ্তাসকলৰ বাবে সহ-প্ৰযোজনা, বজাৰত প্ৰৱেশ আৰু বিতৰণৰ সুযোগ তথা সুবিধা প্ৰদান কৰে।

ৱেভছৰ বিষয়ে

ভাৰত চৰকাৰে মহাৰাষ্ট্ৰৰ মুম্বাইত ২০২৫ চনৰ ১ মে’ৰ পৰা ৪ মে’লৈ আয়োজন কৰিব মিডিয়া এণ্ড এণ্টাৰটেইনমেণ্ট (এম এণ্ড ই) খণ্ডৰ বাবে এক মাইলৰ খুঁটি স্বৰূপ  অনুষ্ঠান (WAVES)।

আপুনি এজন উদ্যোগ পেছাদাৰী, বিনিয়োগকাৰী, সমল সৃষ্টিকৰ্তা বা উদ্ভাৱক যিয়েই হওক, শীৰ্ষ সন্মিলনে সংযোগ, সহযোগিতা, উদ্ভাৱন আৰু এম এণ্ড ই খণ্ডত  অৰিহণা যোগাবলৈ বিশ্বব্যাপী মঞ্চ এখন  প্ৰদান কৰিছে।

ৱেভছে  ভাৰতৰ সৃষ্টিশীল শক্তিৰ বিকাশ সাধন কৰিবলৈ সাজু হৈছে, কন্টেন্ট সৃষ্টি, বৌদ্ধিক সম্পত্তি, আৰু প্ৰযুক্তিগত উদ্ভাৱনৰ কেন্দ্ৰ হিচাপে ইয়াৰ স্থান বৃদ্ধি কৰিব। এই অনুষ্ঠানত গুৰুত্ব দিয়া উদ্যোগ আৰু খণ্ডসমূহৰ ভিতৰত আছে সম্প্ৰচাৰ, প্ৰিন্ট মিডিয়া, টেলিভিছন, ৰেডিঅ', চলচ্চিত্ৰ, এনিমেচন, ভিজুৱেল ইফেক্ট, গেমিং, কমিক্স, শব্দ আৰু সংগীত, বিজ্ঞাপন, ডিজিটেল মিডিয়া, ছ'চিয়েল মিডিয়া প্লেটফৰ্ম, জেনেৰেটিভ এআই, অগমেণ্টেড ৰিয়েলিটি (এ আৰ), ভাৰ্চুৱেল ৰিয়েলিটি (ভি আৰ), আৰু এক্সটেণ্ডেড ৰিয়েলিটি (এক্সআৰ)।

কিবা প্ৰশ্ন আছে নেকি? ইয়াত উত্তৰ বিচাৰি পাওক

আহক, আমাৰ সৈতে একেলগে এই মহাযাত্ৰাৰ সহযোগী হওঁক! ৱেভছৰ বাবে এতিয়াই পঞ্জীয়ন কৰক (অতিশীঘ্ৰে আহি আছে!)।