ممبئی، 20 مارچ 2025

سان فرانسسکو، یو ایس اے میں انڈیا پویلین نے با وقار گیم ڈیولپرز کانفرنس (جی ڈی سی) میں ایک متاثر کن آغاز کیا۔ قونصل جنرل آف انڈیا، سان فرانسسکو، ڈاکٹر کے سریکر ریڈی نے ڈپٹی قونصل جنرل، جناب راکیش ادلکھا اور اطلاعات و نشریات کی وزارت کے این ایف ڈی سی کے ڈیجیٹل گروتھ کے سربراہ، جناب تنمے شنکر کی موجودگی میں پویلین کا افتتاح کیا۔

17 سے 21 مارچ 2025 تک منعقد ہونے والی گیم ڈویلپرز کانفرنس (جی ڈی سی)، گیم ڈیویلپرز اور انڈسٹری کے پیشہ ور افراد کے لیے دنیا کا سب سے بڑا اور سب سے زیادہ اثر انگیز ایونٹ ہے جس میں گیم ڈیزائن، ٹیکنالوجی، اور کاروباری رجحانات پر لیکچر، پینل مباحثے اور نمائشیں شامل ہیں۔

ویوز (ڈبلیو اے وی ای ایس) کو فروغ دینا: ہندوستان کا پریمیئر عالمی ایم اینڈ ای سمٹ

بھارت پویلین کی ایک اہم توجہ عالمی آڈیو ویژول اینڈ انٹرٹینمنٹ سمٹ (ڈبلیو اے وی ای ایس) کو فروغ دینا ہے، جو 1 سے 4 مئی 2025 کو ممبئی میں منعقد ہونے والی ہے۔ ڈبلیو اے وی ای ایس ایک اعلیٰ پلیٹ فارم بننے کے لیے تیار ہے جس کا مقصد عالمی میڈیا اینڈ انٹرٹینمنٹ (ایم اینڈ ای) کی صنعت کی توجہ، بھارت میں کراس بورڈ، تعاون اور تجارت پر توجہ دلانا ہے۔ صنعت کے رہنماؤں، اختراع کاروں، اور اسٹیک ہولڈروں کی ایک متنوع شرکت کی توقع کے ساتھ ڈبلیو اے وی ای ایس (ویوز) کا مقصد ہندوستان کو دنیا کے مواد کا مرکز بنانا ہے۔

ہندوستان کی گیمنگ ایکسی لینس کو نمایاں کرنا

جی ڈی سی میں انڈیا پویلین میں جدید ترین نمائش کنندگان اور اختراع کار شامل ہیں جو بھارت کی تیزی سے ترقی پذیر گیمنگ انڈسٹری کو نمایاں کرتے ہیں۔ پویلین میں ملک کی کچھ معروف گیم ڈویلپمنٹ کمپنیوں کی نمائش کی گئی ہے جس میں Nazara Technologies اور WinZO، IGDC 2024 ایوارڈ یافتہ والا انٹرایکٹو، بریوڈ گیمز، Xigma گیمز، اور سنگولر اسکیم شامل ہیں جو گیم ڈویلپمنٹ میں اپنی تخلیقی صلاحیتوں اور عمدگی کے لیے مشہور ہیں۔

اس کے علاوہ پویلین میں بھارت ٹیک ٹرائمف سیزن 3 کے چیمپئن سرخیوں میں رہے جو ویوز کے حصے کے طور پر کریئیٹ ان انڈیا چیلنج کے تحت ایک چیلنج ہے۔

• یوڈیز سلوشنز
• برہمن اسٹوڈیوز
• گاڈ اسپیڈ گیمنگ
• سیکنڈ کوئسٹ
• اوور دی مون اسٹوڈیوز
• گیم 2 میکر
• پاریہ انٹرایکٹو
• لیسٹو
• مکسر
• لٹل گرو
• مونو ٹسک اسٹوڈیوز
• گیم ایون
• آبرا کا ڈابرا

انڈیا پویلین ہندوستانی گیمنگ کمپنیوں کو عالمی ڈیویلپرز، پبلشرز اور سرمایہ کاروں کے ساتھ جوڑنے، تعاون کے لیے ایک اسٹریٹجک پلیٹ فارم کے طور پر کام کرتا ہے۔ شریک پروڈکشن، ٹیکنالوجی پارٹنرشپ، اور مواد کی تقسیم پر مکالموں کی سہولت فراہم کر کے، پویلین عالمی گیمنگ مارکیٹ میں ہندوستانی اسٹوڈیوز کے لیے ترقی کے نئے مواقع کو کھولنے میں مدد کرے گا۔

این ایف ڈی سی کا تعارف

نیشنل فلم ڈیولپمنٹ کارپوریشن آف انڈیا ایک مرکزی ایجنسی ہے جو ملک میں سنیما کی اچھی تحریک کی حوصلہ افزائی کے لیے قائم کی گئی ہے۔ فلمارٹ، کانس فلم فیسٹیول اور برلینیل جیسے اہم بین الاقوامی پروگراموں میں اپنی شرکت کے ذریعے این ایف ڈی سی ہندوستانی مواد تخلیق کاروں کے لیے شریک پروڈکشن، مارکیٹ تک رسائی اور تقسیم کے مواقع کی سہولت فراہم کرتا ہے۔

ویوز (WAVES) کا تعارف

پہلی عالمی آڈیو ویژول اینڈ انٹرٹینمنٹ سمٹ (ویوز) جو میڈیا اور تفریح ​​(ایم اینڈ ای) کے شعبے کے لیے ایک سنگ میل کی تقریب ہے، حکومت ہند کی جانب سے ممبئی، مہاراشٹر میں 1 سے 4 مئی 2025 تک منعقد کی جائے گی۔

خواہ آپ صنعت کے پیشہ ور، سرمایہ کار، تخلیق کار، یا اختراعی ہوں یہ سمٹ ایم اینڈ ای کے منظر نامے میں مربوط، تعاون، اختراعات اور تعاون کے لیے حتمی عالمی پلیٹ فارم پیش کرتا ہے۔

ویوز ہندوستان کی تخلیقی طاقت کو بڑھانے کے لیے تیار ہے، مواد کی تخلیق، املاک دانش اور تکنیکی جدت طرازی کے مرکز کے طور پر اس کی پوزیشن کو بڑھاتا ہے۔ جن صنعتوں اور شعبوں کو فوکس کیا گیا ہے ان میں براڈکاسٹنگ، پرنٹ میڈیا، ٹیلی ویژن، ریڈیو، فلم، اینی میشن، بصری اثرات، گیمنگ، کامکس، ساؤنڈ اینڈ میوزک، ایڈورٹائزنگ، ڈیجیٹل میڈیا، سوشل میڈیا پلیٹ فارم، جنریٹو AI، آگمینٹڈ ریئلٹی (AR)، ورچوئل رئیلٹی (VR)، اور توسیعی حقیقت (RX) شامل ہیں۔

آپ کے سوالات ہیں؟ یہاں جواب تلاش کریں۔

آئیے ہمارا ساتھ دیں! ویوز کے لیے ابھی رجسٹر کریں (جلد آ رہا ہے!)

*************

ش ح۔ ف ش ع

U: 8618