গৃহ মন্ত্ৰালয়
পদ্ম বঁটা-২০২৬ৰ বাবে মনোনয়ন আৰম্ভ
Posted On:
15 MAR 2025 3:50PM by PIB Guwahati
গণৰাজ্য দিৱস, ২০২৬ উপলক্ষে ঘোষণা হ’বলগীয়া পদ্ম বঁটা-২০২৬ৰ মনোনয়ন/পৰামৰ্শ আজিৰে (১৫ মাৰ্চ, ২০২৫)পৰা আৰম্ভ হৈছে।পদ্ম বঁটাৰ বাবে মনোনয়নৰ অন্তিম তাৰিখ ৩১ জুলাই, ২০২৫।পদ্ম বঁটাৰ বাবে মনোনয়ন/পৰামৰ্শ কেৱল ৰাষ্ট্ৰীয় পুৰস্কাৰ পৰ্টেল (https://awards.gov.in)ত অনলাইনযোগে গ্ৰহণ কৰা হ’ব।
পদ্ম বঁটা অৰ্থাৎ পদ্ম বিভূষণ, পদ্ম ভূষণ আৰু পদ্মশ্ৰী দেশৰ সৰ্বোচ্চ অসামৰিক বঁটাৰ ভিতৰত অন্যতম। ১৯৫৪ চনত প্ৰতিষ্ঠা হোৱা এই বঁটাসমূহ প্ৰতি বছৰে গণৰাজ্য দিৱস উপলক্ষে ঘোষণা কৰা হয়। এই বঁটাই কলা, সাহিত্য আৰু শিক্ষা, ক্ৰীড়া, চিকিৎসা, সমাজ কৰ্ম, বিজ্ঞান আৰু অভিযান্ত্ৰিক, জনসংযোগ, অসামৰিক সেৱা, বাণিজ্য আৰু উদ্যোগ ইত্যাদি ক্ষেত্ৰ/শাখাতে বিশিষ্ট আৰু ব্যতিক্ৰমী কৃতিত্ব/সেৱাৰ ‘বিশিষ্ট কাম’ক স্বীকৃতি প্ৰদান কৰে। ডাক্তৰ আৰু বিজ্ঞানীৰ বাহিৰে ৰাজহুৱা খণ্ডৰ প্ৰতিষ্ঠানত কাম কৰা সকলো চৰকাৰী চাকৰিয়াল পদ্ম বঁটাৰ বাবে যোগ্য নহয়।
পদ্ম বঁটাক “জনতাৰ পদ্ম”লৈ ৰূপান্তৰিত কৰিবলৈ চৰকাৰ প্ৰতিশ্ৰুতিবদ্ধ। সেয়েহে সকলো নাগৰিককে স্বমনোনয়নকে ধৰি মনোনয়ন/পৰামৰ্শ দিবলৈ অনুৰোধ জনোৱা হৈছে। মহিলা, সমাজৰ দুৰ্বল শ্ৰেণী, অনুসূচিত জাতি আৰু অনুসূচিত জনজাতি, দিব্যাংগ ব্যক্তি আৰু সমাজৰ নিস্বাৰ্থ সেৱা কৰি থকা প্ৰতিভাৱান ব্যক্তিসকলক চিনাক্ত কৰাৰ বাবে এয়া এক সংহত প্ৰচেষ্টা।
মনোনয়ন/পৰামৰ্শসমূহত ওপৰৰ উক্ত পৰ্টেলত উপলব্ধ আৰ্হিত সকলো প্ৰাসংগিক বিৱৰণ উল্লেখ কৰিব লাগে। মনোনীত ব্যক্তিজনৰ সন্দৰ্ভত সবিশেষ বিৱৰণ (সৰ্বাধিক ৮০০ শব্দ) থাকিব লাগে, য’ত তেওঁৰ নিজ নিজ ক্ষেত্ৰ/শাখাত পৰামৰ্শ দিয়া ব্যক্তিজনৰ বিশিষ্ট আৰু ব্যতিক্ৰমী কৃতিত্ব/সেৱা স্পষ্টভাৱে প্ৰতিফলিত হয়।
এই সন্দৰ্ভত গৃহ পৰিক্ৰমা মন্ত্ৰালয়ৰ ৱেবছাইট (https://mha.gov.in) আৰু পদ্ম বঁটা পৰ্টেল (https://padmaawards.gov.in)ত ‘বঁটা আৰু পদক’ শিৰোনামত ক্লিক কৰি সবিশেষ তথ্য লাভ কৰিব পাৰিব। এই বঁটাসমূহৰ সৈতে জড়িত বিধি আৰু নিয়মসমূহ ৱেবছাইটত https://padmaawards.gov.in/AboutAwards.aspx লিংকত চাব পাৰিব।
*****
RK/VV/PR/PS/DB
(Release ID: 2111499)
Visitor Counter : 34
Read this release in:
Odia
,
Malayalam
,
Kannada
,
English
,
Urdu
,
Marathi
,
Hindi
,
Bengali
,
Punjabi
,
Gujarati
,
Tamil