2026-ம் ஆண்டு குடியரசு தினத்தை முன்னிட்டு அறிவிக்கப்பட உள்ள பத்ம விருதுகள்-2026-க்கான பரிந்துரை நடைமுறைகள், இன்று (2025 மார்ச் 15) தொடங்கியுள்ளன. பத்ம விருதுகளுக்கான பரிந்துரைகளுக்கான கடைசி தேதி 2025 ஜூலை 31 ஆகும். பத்ம விருதுகளுக்கான பரிந்துரைகள் தேசிய விருதுகள் இணையதளமான https://awards.gov.in என்ற தளத்தில் மட்டுமே பெறப்படும்.

பத்ம விருதுகளான பத்ம விபூஷண், பத்ம பூஷண், பத்மஸ்ரீ ஆகியவை நாட்டின் மிக உயர்ந்த சிவிலியன் விருதுகளாகும். 1954-ம் ஆண்டில் நிறுவப்பட்ட இந்த விருதுகள் ஒவ்வொரு ஆண்டும் குடியரசு தினத்தன்று அறிவிக்கப்படுகின்றன. கலை, இலக்கியம், கல்வி, விளையாட்டு, மருத்துவம், சமூகப்பணி, அறிவியல், பொறியியல், பொது விவகாரங்கள், சிவில் சேவை, வர்த்தகம், தொழில்துறை போன்ற அனைத்து துறைகள் / பிரிவுகளில் புகழ்பெற்ற, சிறந்த சாதனைகள், சேவைகள் புரிந்தவர்களுக்கு இந்த விருது வழங்கப்படுகிறது. இனம், தொழில், பதவி அல்லது பாலின வேறுபாடின்றி அனைத்து நபர்களும் இந்த விருதுகளுக்கு தகுதியானவர்கள். மருத்துவர்கள், விஞ்ஞானிகளைத் தவிர, பொதுத்துறை நிறுவனங்களில் பணிபுரிபவர்கள் உள்ளிட்ட அரசு ஊழியர்கள் பத்ம விருதுகள் வழங்கப்பட மாட்டாது.

பத்ம விருதுகளை மக்களின் பத்ம விருதுகளாக மாற்ற அரசு உறுதிபூண்டுள்ளது. எனவே இந்த விருதுகளைப் பெற, தகுதியான நபர்கள் தங்களுக்குத் தாங்களே சுய பரிந்துரைகளையோ அல்லது அடுத்தவர்களுக்கான பரிந்துரைகளையோ செய்யலாம். 

பரிந்துரைகள் / விண்ணப்பங்களை மேலே கூறப்பட்ட தளத்தில் சமர்ப்பிக்கலாம்.  அதில் உள்ள வடிவமைப்பில், அனைத்து தொடர்புடைய விவரங்களையும் பரிந்துரைகள் அல்லது விண்ணப்பங்கள் கொண்டிருக்க வேண்டும். இதில் அதிகபட்சம் 800 வார்த்தைகளில், சம்பந்தப்பட்ட நபரின் தனித்துவமான சாதனைகள், சேவைகளை தெளிவாக வெளிப்படுத்தலாம்.

இது தொடர்பான விரிவான விவரங்கள் மத்திய உள்துறை அமைச்சகத்தின் இணையதளமான https://mha.gov.in ,  'விருதுகள், பதக்கங்கள்' என்ற தலைப்பில் உள்ளது.  பத்ம விருதுகளுக்கான இணைய தளமான https://padmaawards.gov.in என்ற தளத்திலும் விவரங்கள் உள்ளன. இவ்விருதுகள் தொடர்பான விதிகள் இணையதளத்தில் https://padmaawards.gov.in/AboutAwards.aspx என்ற இணைப்பில் வெளியிடப்பட்டுள்ளன.

***

PLM/KV