ہندوستانی فضائیہ نے 24 سے 28 فروری 2025 تک راجستھان کے جودھپور ایئر فورس اسٹیشن میں تینوں افواج کی خصوصی فورسز کی ایک مشترکہ مشق،’’صحرائی  مشق 2025‘‘،  منعقد کی۔ ریگستانی مشق میں ہندوستانی فوج کی پیرا (خصوصی فورسز)، ہندوستانی بحریہ کے میرین کمانڈوز اور ہندوستانی فضائیہ کی گرود (خصوصی فورسز) نے حصہ لیا۔

یہ اعلیٰ شدت کی مشق تینوں خصوصی فورسز کے درمیان باہمی رابطے، ہم آہنگی اور تال میل کو بہتر بنانے کے لیے کی گئی تاکہ ابھرتے ہوئے سیکیورٹی چیلنجز کا تیز اور مؤثر رد عمل یقینی بنایا جا سکے۔ اس مشق میں ہوائی شمولیت، درستگی کے ساتھ حملے، یرغمالیوں کی بازیابی، انسداد دہشت گردی آپریشنز، جنگی فری فالز اور شہری جنگی حکمت عملیوں کو شامل کیا گیا، جس میں افواج کی جنگی تیاری کو حقیقت پر مبنی حالات میں جانچا گیا۔

سینئر فوجی حکام نے مشق کی نگرانی کی تاکہ مشترکہ نظریات کی تصدیق کی جا سکے۔ یہ مشق ہندوستانی مسلح افواج کے اس عزم کو بھی اجاگر کرتی ہے کہ وہ بے مثال بین الخدماتی تعاون کے ذریعے قومی سلامتی کو مستحکم کرنے کے لیے پرعزم ہیں۔

******

ش ح۔ ش ا ر۔ ول

Uno-7687