صدر جمہوریہ ہند ، محترمہ دروپدی مرمو نے آج بروز (28 فروری 2025) کو گاندھی نگر میں  قومی فارنسک سائنس یونیورسٹی  کی تقسیم اسناد تقریب میں شرکت کی۔

اس موقع پر خطاب کرتے ہوئے صدر جمہوریہ نے کہا کہ انصاف پر مبنی سماجی نظام کو ہمارے ملک  کے لیے  ضروری ہے۔انہوں نے کہا کہ ہم ورثے اور ترقی کو ملا کر ہم انصاف پر مبنی ایک ترقی یافتہ بھارت  کی تعمیر کر رہے ہیں ۔ انہوں نے کہا کہ گزشتہ چند سالوں میں وزارت داخلہ نے فارنسک سائنسز کے رول کو مضبوط کرنے اور اس شعبے میں سہولیات اور صلاحیت کو فروغ دینے کے لیے کئی موثر اقدامات کیے ہیں ۔

صدر جمہوریہ نے کہا کہ کسی بھی نظام انصاف کو تب ہی مضبوط سمجھا جائے گا جب وہ واقعی سب کی شمولیت  پر مبنی ہو ۔انہوں نے طلباء سے کہا کہ ان کا مقصد معاشرے کے تمام طبقات ، خاص طور پر کمزور اور پسماندہ طبقات کو فارنسک شواہد کی بنیاد پر منصفانہ اور تیز انصاف فراہم کرانا  ہونا چاہیے ۔ انہوں نے ان پر زور دیا کہ وہ ملک کی اچھی حکمرانی میں اپنا تعاون فراہم کریں۔

صدر جمہوریہ نے کہا کہ جرائم کی تحقیقات اور شواہد سے متعلق تبدیلیاں تین نئے فوجداری قوانین میں کی گئی ہیں ۔ نئے قوانین کے تحت ایسے معاملات میں جہاں سزا کی مدت سات سال یا اس سے زیادہ ہے ، اب فارنسک ماہر ین کے لیے جائے وقوعہ پر جا کر تفتیش کرنا لازمی ہو گیا ہے ۔ بھارتیہ ناگریک سرکشا سنہیتا نے تمام ریاستوں میں مقررہ وقت میں فارنسک سہولیات کی ترقی کے لیے التزام کیا ۔ بہت سے قوانین میں مقررہ وقت پر فارنسک جانچ کو لازمی قرار دیا گیا ہے ۔ صدر جمہوریہ نے کہا کہ ان تبدیلیوں سے فارنسک ماہرین کی   نوکریوں میں اضافہ ہوگا ۔

صدر جمہوریہ نے کہا کہ ٹیکنالوجی میں تیزی سے ہونے والی تبدیلیوں کی وجہ سے ، خاص طور پر ڈیجیٹل ٹیکنالوجی اور مصنوعی ذہانت کے شعبوں میں ، فارنسک سائنس کے ماہرین کی صلاحیتیں بڑھ رہی ہیں ، لیکن ساتھ ہی ساتھ مجرم بھی نئے طریقے دریافت کر رہے ہیں ۔ ہماری پولیسنگ ، استغاثہ اور فوجداری انصاف کی فراہمی کے نظام سے وابستہ عملے جرائم پر قابو پانے اور انصاف کو قابل رسائی بنانے میں صرف مجرموں سے زیادہ ہوشیار ، تیز اور چوکس رہ کر ہی  ان پر قابو پاسکتے ہیں۔ انہوں نے اعتماد  ظاہر کیا کہ  قومی فارنسک  سائنسز یونیورسٹی کے تعاون سے ایک مضبوط فارنسک نظام تیار ہوگا ،  مجرموں کوسزا  دلانے کی شرح میں اضافہ ہوگا اور مجرم جرائم کے ارتکاب سے خوفزدہ ہوں گے ۔

برائے مہربانی صدرجمہوریہ کے خطاب کو پڑھنے کے لیے یہاں کلک کریں

Please click here to see the President's Speech

******

ش ح۔ت ف۔م ذ

UN NO.7647