Ka Jinglamphrang

U Myntri Rangbah duh Narendra Modi u la pyllait ia ka bynta jingsiew kaba 19 jong ka skhim Pradhan Mantri Kisan Samman Nidhi (PM-KISAN) ha ka 24 tarik Rymphang, 2025 ha Bhagalpur, Bihar. Ha kane ka jingialang palat 9.8 klur ngut ki nongrep ba kynthup 2.41 klur ki nongrep kiba dei ki longkmie na kylleng ka ri kin ioh jingmyntoi lyngba ka bynta jingsiew kaba 19 ba la pyllait, da kaba ioh jingiarap pisa beit beit kaba tam T. 22,000 klur lyngba ka Direct Benefit Transfer (DBT), kaba pynkhlain ia ka jingkut jingmut jong ka sorkar na ka bynta ka bha ka miat jong ki nongrep bad ka jingseisoh ka kam rep.[1] Lyngba kane ka bynta jong ka jingsiew, ka skhim kan kyrshan ia ki nongrep ha kylleng ka ri bad pynthikna shuh shuh ka jingkut jingmut jong ka sorkar na ka bynta ka roi ka par ha ki jaka nongkyndong bad ka jingseisoh ka kam rep.

https://pmkisan.gov.in/Creatives.aspx

Hashuwa kane, u Myntri Rangbah duh Narendra Modi u la pyllait ia ka bynta jingsiew kaba 18 jong ka skhim Pradhan Mantri Kisan Samman Nidhi (PM-KISAN) ha ka 5 tarik Risaw 2024 ha Washim, Maharashtra. Kane ka jingialang kaba kongsan ka la sakhi palat 9.4 klur ki nongrep ha kylleng ka ri kiba la iohpdiang ia ki jingmyntoi, kaba la kot palat T. 20,000 klur.[2]

Ka skhim PM-KISAN kadei ka skhim jong ka sorkar pdeng kaba la plie paidbah ha u bnai Rymphang 2019 da u Myntri Rangbah duh ban ai jingkyrshan pisa ia ki nongrep kiba don jaka. Hapoh kane ka skhim, la phah jingiarap pisa T.6,000 shi snem ha ki lai sien siew, sha ki bank account jong ki nongrep ba la pyniasoh bad u Aadhaar lyngba ka rukom siew Direct Benefit Transfer (DBT).[3]

Ki jingdon jingem digital na ka bynta ki nongrep ka la pynthikna ba ki jingmyntoi jong ka skhim ki poi sha baroh ki nongrep ha kylleng ka ri khlem ka jingdonkti kino kino ki nongtuklar. Da kaba pynthikna ia ka jinglong shai ha ka jingkyntiew kyrteng bad ka jingpynshisha ia ki nongioh jingmyntoi, ka sorkar India ka la siew palat T. 3.46 lak klur ha ki 18 sien siew naduh ba la sdang, haduh u bnai Rymphang 2025. [4]

Ki jingthmu

Lyngba ka jingthmu ban kyntiew ia ka kamai kajih jong ki nongrep barit baria bad kiba kham duna ka ioh ka kot, ka skhim PM-KISAN ka thmu ban:

• Kyrshan ia ki jingdonkam pisa jong ki SMF ban thied ia ki jingdonkam bapher bapher ban pynthikna ka jingbha jong u jingthung bad ban long kiba seisoh, kiba iahap bad ki jingkyrmen shaphang ki jingkamai na ka kam rep hadein man ka samoi rep.
• Kane kan iada ruh ia ki ban lait ka jingshim ram na ki nongairam shimet na ka bynta ban pynbiang ia ki jinglut jingsep bad pynthikna ka jingbteng jong ki ha ki kam rep.[5]

Ka jingkyntiew ia ka teknoloji

Lyngba ka jingthmu ban pynseisoh bad wanrah jingshai shuh shuh ha kane ka skhim, la wanrah na ka por sha ka por ia ki jingkyntiew ia ki jingdon jingem digital kiba iadei bad ki nongrep ban pynthikna ba ki jingmyntoi jong ka skhim ki poi sha baroh ki nongrep ha kylleng ka ri khlem ka jingdonkti ki nongtuklar.

La plie paidbah ia ka PM-KISAN mobile app ha ka 24 tarik Rymphang, 2020. La shna ia kane na ka bynta ka jinglong shai bad ban lah ban poi shuh shuh sha ki nongrep. Ka PM-KISAN mobile app ka long kum ka jingpyniar kaba suk ban pyndonkam jong ka  PM-KISAN web portal.[6] Ha u 2023, la plie paidbah ia ka app sa ka bynta “Face Authentication Feature”. Kane ka iarap ia ki nongrep ha ki jaka nongkyndong ban leh ia ka e-KYC da kaba scan ia ka durkhmat jong ki khlem da donkam ia u OTP ne shympriah kti. [7]

Ka rynsan bad ka mobile app ka don ia ki jingshakri kum ka jinglah kyntiew kyrteng dalade, ka jinglah ban buddien ia ka jinglong jingman, bad ka jingpynshisha ia ka dur katkum ka e-KYC. Ki nongrep ha ki jaka nongkyndong ki lah ban pyndep ia ka e-KYC lyngba ka jingscan ia ka durkhmat, bad ki lad ban ai jingiarap ia ki paramarjan.

La kynthup palat 5 lak ki Common Service Centres (CSC) ban pynsuk ia ki jingkyntiew kyrteng bad pyndep ia ki jingdonkam. Shuh shuh, la sdang ia ka lad ban pynbeit ia ki jingeh kiba wanrah ha ka rynsan, bad la plie paidbah ia ka AI chatbot, Kisan-eMitra ha u Nailur, 2023, kaba ai ki jubab mardor ha ki ktien jong ka thain ba iadei bad ki jingsiew, jingkyntiew kyrteng, bad ka jingioh iashim bynta. Ki nongrep ki lah ruh ban ai jingiarap ia 100 ngut kiwei pat ki nongrep ha ki shnong jong ki ban pyndep ia ka e-KYC ha ki tyngkong iing jong ki. Nalor kane, ka sorkar India ka la bteng ia ka kam ban pyndep ia ka e-KYC jong ki nongrep sha ki nongtrei jong ka sorkar jylla, kaba ailad ia man u nongtrei ban leh ia ka e-KYC na ka bynta 500 ngut ki nongrep. [8]    

Ka PM-KISAN AI CHATBOT

Ha u 2023, la plie paidbah ia ka AI Chatbot na ka bynta ka skhim PM-KISAN, bad kalong ka AI chatbot kaba nyngkong ban iasoh bad ka skhim ba kongsan jong ka sorkar pdeng. Ka AI chatbot ka pynbiang mardor ia ki nongrep ki jubab kiba shai ia ki jingkylli jong ki. La saindur bad kyntiew ia kane lyngba ka jingkyrshan ka EKstep foundation bad Bhashini. Ka jingsdang ia ka Ai chatbot ha ka rynsan pynbeit jingeh jong ka PM-KISAN kadei ka jingthmu ban pynkupbor ia ki nongrep da kaba pynbiang ia ka rynsan kaba suk ban pyndonkam.

https://www.instagram.com/pmkisanofficial/p/DAu8QCsiEoH/?hl=en

Ka AI Chatbot, kaba lah ban ioh lyngba ka PM KISAN mobile app, kadei kaba la pyniasoh bad ka Bhashini, kaba don bun ki jait ktien, kaba pynbeit ia ka jingeh kaba iadei bad ka jingiar jong ki nongioh jingmyntoi jong ka PM KISAN ha kaba iadei bad ka ktien. Ka ‘Digital India BHASHINI’ ka thmu ban plié lad ban ioh ia ki jingshakri digital ha ki ktien jong ka India, bad ka jingpynbiang ia ki kam  ha ki ktien jong ka ri. [9] Kane ka jingiasoh bad ka teknoloji kaba katkum ka juk mynta ym tangba kan kyntiew ia ka jinglong shai hynrei kan pynkupbor ruh ia ki nongrep ban shim ia ki rai da kaba sngewthuh ia ki jinglong jingman.[10]

Shuh shuh, ka Tnad Posts ka ai ia ka lad ban link/ai ia u mobile number bad Aadhaar na ka bynta ki nongrep kiba ioh jingmyntoi na ka skhim PM-KISAN. Kane kalong ban pyndep ia ka e-KYC, lyngba ka India Post Payment Bank.[11]

Ka jingtip ba donkam ban kyntiew kyrteng ha ka skhim:

• Kyrteng jong u Nongrep/ kurim
• Ka sngi kha jong u Nongrep/ kurim
• Ka Bank account number
• IFSC/ MICR Code
• Mobile Number
• Aadhaar Number
• Kiwei kiwei ki jingtip ba don ha ka passbook ba donkam na ka bynta ka jingkyntiew kyrteng

[12]

Ka jingktah bad ki Jingjop

• Naduh ba la sdang ia ka, ka sorkar India ka la siew palat T. 3.46 lak klur ha ka bynta jingsiew kaba 18.
• La sdang ia ka kam ban pynpoi kam lang ia baroh ha u Naiwieng 2023 hapoh ka Viksit Bharat Sankalp Yatra bad la bynrap sa palat 1 klur ki nongrep kiba dei ban ioh ia ka skhim.
• La kynthup shuh shuh sa 25 lak ngut ki nongrep hapoh ki 100 sngi ba nyngkong jong ka sorkar ba thymmai ha u Jylliew, 2024. Kumta, ka jingdon ki nongioh jingmyntoi kiba ioh ia ka bynta jingsiew kaba 18 ka la kiew sha ka 9.59 klur.
• Ka skhim ka la poi sha ki jylla bapher bapher. Kum ka nuksa, ha ka bynta jingsiew kaba 18 (Nailar 2024 – Naiwieng 2024), ka Uttar Pradesh kadei kaba bun tam ka jingdon ki nongioh jingmyntoi kaba la kot 2,25,78,654, bud sa ka Bihar da 75,81,009 ngut ki nongioh jingmyntoi. [13]

Ka jingiaid lynti kaba don jingkyrmen

Ka jingwad bniah kaba la pynlong da ka International Food Policy Research Institute (IFPRI) ha u 2019, ka lap ba ka jingbei tyngka PM-KISAN ka la kyntiew ia ka jingkiew ka ioh ka kot ha ki jaka nongkyndong, ka jingpynbeit ia ka jingeh ia ki nongrep ban ioh shim ram, bad kyntiew ia ki jingbei tyngka na ka bynta ki mar ba donkam ha ka kam rep. Shuh shuh, ka skhim ka la kyntiew ia ka bor jong ki nongrep ban shim ia ki kam kiba lah ban sepei lane seisoh. Ki jingiarap pisa ba ki briew ki ioh hapoh ka PM-KISAN ym tangba ka iarap ia ki ban pynbiang ia ki jingdonkam ba iadei bad ka rep ka riang, hynrei ka iarap ruh ha kiwei kiwei ki jinglut kum ka pule puthi, ka jingioh jingsumar, jingkyntiew kurim bad kiwei kiwei. Kine kilong ki dak jong ka jingdon ka jingktah kaba bha jong ka skhim ia ki nongrep jong ka ri. Ka PM-KISAN ka la wanrah jingkylla shisha ia ki nongrep jong ka ri jong ngi. [14]

Ka jingpynkut

Ha ki san snem ba la leit, ka skhim PM-KISAN ka la kylla sha ka sienjam wanrah jingkylla na ka bynta ki nongrep, ka la kot sha ki mawmer ba kongsan ha ka jingkynthup ha ki kam pisa bad ka jingpynkupbor ia ki jaka nongkyndong. La pyntreikam pura ia ka thong jong ka ban ai jingiarap beit beit bad ha ka por sha ki million ngut ki nongrep. Ki jingdon jingem digital ha kane ka skhim, kiba plié lad ia ka jingphah pisa beit beit sha ka account jong kito kiba dei ban ioh jingmyntoi, ka la long kum ka nuksa jong ka jingai jingshakri ka Sorkar kaba shai bad kaba seisoh. Katba ka PM-KISAN ka bteng ban poi sha kylleng ki kyndong kynshrot, ka ieng kum ka dak jong ka jingkut jingmut ka sorkar ban pynkhlain ia ka kam rep bad kyntiew ia ka kamai kajih jong ki nongrep jong ka ri.

Ki tyllong:

· https://pib.gov.in/PressReleasePage.aspx?PRID=2105462

· https://x.com/pmkisanofficial/status/1890710455896670308

· https://pmkisan.gov.in/Creatives.aspx

· https://pib.gov.in/PressReleasePage.aspx?PRID=2061928

· https://pib.gov.in/PressReleasePage.aspx?PRID=2100758

· https://pmkisan.gov.in/Documents/PMKisanSamanNidhi.PDF

· https://pib.gov.in/PressReleaseIframePage.aspx?PRID=1947889

· https://pib.gov.in/PressReleaseIframePage.aspx?PRID=1934517

· https://sansad.in/getFile/annex/266/AU1302_YaVIcH.pdf?source=pqars

· https://static.pib.gov.in/WriteReadData/specificdocs/documents/2022/aug/doc202282696201.pdf

· https://pib.gov.in/PressReleaseIframePage.aspx?PRID=1959461

· https://pib.gov.in/PressReleasePage.aspx?PRID=1869463

· https://pmkisan.gov.in/Documents/Note-on-Modes-and-processes-of-ekyc-13th-Nov-English.pdf

· https://pib.gov.in/PressReleasePage.aspx?PRID=2100758

· https://sansad.in/getFile/loksabhaquestions/annex/1712/AU795.pdf?source=pqals

· https://pib.gov.in/PressReleasePage.aspx?PRID=2080200

Nion hangne ban ioh ia ka PDF

*****