প্রধান মন্ত্রী, শ্রী নরেন্দ্র মোদীনা নই দিল্লীগী ভারত মন্দপমদা ফেব্রৱারীগ ২১ দা অয়ুক্কী পুং ১১ রোম তাবা মতমদা, SOUL লীদরশিপ কনলক্লেবকী অহানবা এদিশন হৌদোক্লগনি। মহাক্না থৌরম অদুদা মীয়ামগী মীতিনদা ৱা ঙাংগনি। ভুতানগী প্রধান মন্ত্রী, দাশো শেরিং তোবগেনা গেস্ত ওফ ওনর ওইনা কীনোত এদ্রেস পীরগনি।

ফেব্রৱারিগী ২১দগীনা ২২ ফাওবা পাংথোক্কদবা নুমিৎ নিনিগী ওইবা SOUL লীদরশিপ কনক্লেব অসিনা তোঙান-তোঙানবা হিরম কয়া অমগী খুদম ওইনা পোলিতিক্স, স্পোর্তস, অর্তস অমসুং মীদিয়া, স্পিরিচুৱল ৱর্লদ, পব্লিক পোলিসী, বিজনেস অমসুং সোসিয়েল সেক্তরদগী লুচিংবশিংনা মখোয়গী পুক্নিং থৌগৎনিংঙাই ওইবা পুনশি খোংচৎশিং শিয়র তৌরগনি অমসুং লুচিংবা হায়বসিগা মরি লৈনবা হিরম কয়া অমগী মতাংদা খন্নবগী প্রিমিয়র প্লেতফোর্ম অমা ওইনা থবক তৌগনি। কনক্লেব অসিনা নহা ওইরিবা ভাবকশিং অদুবু পুক্নিং থৌগৎনবা মাইথিবা অমসুং মাইপাকপা অনিমক্তগী তম্বীদুনা কোলাবোরাশন অমসুং থোত লীদরশিপকী ইকোসিস্তেম অমা য়োকখৎলগনি।

স্কুল ওফ অল্তিমেত লীদরশিপ অসি মীয়ামগী য়াইফ-থৌরাংগী থবক তৌনবা অশেংবা লুচিংবশিং য়োকখৎনবা গুজরাত্তা নৌনা হাংবা অনৌবা ইনস্তিত্যুসন অমনি। মসিগী পান্দমদি ফোর্মল ত্রেনিং পীদুনা ভারত্তা পোলিতিকেল লীদরশিপকী শক্তমদা য়াম্না চাউনা অহোংবা অমা পুরক্নবা অমসুং মেরিত, কমিৎমেন্ত অমসুং পুক্নিং হকচাং য়াওনা মীয়ামগী সেবা তৌবা পাম্বা অমসুং পোলিতিকেল লিনিয়েজনা মরম ওইরগা নত্তনা মশাগী হোৎনজমনদগী মীয়াম্না শকখঙনরকখিবা লুচিংবশিং অদুবুশু য়াওহন্নবগী পান্দম থম্লি। SOULনা মতম অসিগী মালেম অসিদা লুচিংবা অমা ওইবদা থেংনবা অরুবা শিংনবশিং অদুবু মায়োক্নবা ঙম্নবা তঙাইফদবা ইনসাইতশিং, স্কিলশিং অমসুং এক্সপর্তিজ অদুবু তাকপী-তম্বীদুনা খঙহল্লগনি।

****