ক্ৰিয়েট ইন ইণ্ডিয়া চেলেঞ্জ - চিজন ১-ৰ অংশ হিচাপে ফেডাৰেচন অৱ ইণ্ডিয়ান চেম্বাৰ্ছ অৱ কমাৰ্চ এণ্ড ইণ্ডাষ্ট্ৰী (এফআইচিচিআই)-এ নেটফ্লিক্স-ৰ সহযোগিতাত আজি নতুন দিল্লীৰ ৰোহিনীৰ বিবেকানন্দ ইনষ্টিটিউট অৱ প্ৰফেচনেল ষ্টাডিজ (ভিআইপিএছ)-ত ৱেভছ চামিট ৰোডশ্ব’-ৰ আয়োজন কৰিছে। অনুষ্ঠানটো প্ৰতিষ্ঠানৰ বাৰ্ষিক প্ৰধান উৎসৱ অৱলিভিয়নৰ সময়ত আয়োজিত হৈছিল, আৰু চলচ্চিত্ৰ নিৰ্মাণ আৰু ডিজিটেল বিষয়বস্তু সৃষ্টিৰ প্ৰতি আগ্ৰহী ১০০তকৈও বেছি ছাত্ৰ-ছাত্ৰীৰ বাবে এক শিকাৰ অভিজ্ঞতাত পৰিণত হৈছিল।

সৃষ্টিশীলতাৰ বিকাশ আৰু প্ৰযুক্তিগত দক্ষতা বৃদ্ধিৰ ওপৰত গুৰুত্ব দি ৱেভছ চামিট ৰোডশ্ব’-এ ভিআইপিএছৰ ছাত্ৰ-ছাত্ৰীসকলৰ বাবে এক অমূল্য প্লেটফৰ্ম হিচাপে প্ৰমাণিত হৈছে। যিহেতু এই প্ৰতিযোগিতাই বিশ্বজুৰি প্ৰৱেশ লাভ কৰিবলৈ সক্ষম হৈছে, এই ৰোডশ্ব’-এ মিডিয়া আৰু বিনোদন উদ্যোগৰ ভৱিষ্যত নেতৃত্বক চিনাক্ত কৰাত এক গুৰুত্বপূৰ্ণ পদক্ষেপ হিচাপে কাম কৰিছে।

চলচ্চিত্ৰ নিৰ্মাণ আৰু সম্পাদনাৰ প্ৰশিক্ষণ

ৰোডশ্ব’-এ এডবি প্ৰিমিয়াৰ প্ৰ’-ৰ জৰিয়তে ভিডিঅ’ এডিটিংৰ প্ৰশিক্ষণ প্ৰদান কৰে। এই অধিবেশনটোৱে ছাত্ৰ-ছাত্ৰীসকলক উদ্যোগৰ পেছাদাৰীসকলৰ পৰা শিকাৰ সুযোগ দিছিল, য’ত তেওঁলোকে ট্ৰেইলাৰ সৃষ্টি, ষ্ট’ৰীবৰ্ডিং, আৰু ডিজিটেল বিষয়বস্তু উৎপাদনৰ কৌশলসমূহ অন্বেষণ কৰিছিল।

ট্ৰেইলাৰ মেকিং চেলেঞ্জই উদীয়মান চলচ্চিত্ৰ নিৰ্মাতাসকলক একত্ৰিত কৰে

অনুষ্ঠানটোৰ এক গুৰুত্বপূৰ্ণ আয়োজন আছিল ট্ৰেইলাৰ মেকিং প্ৰতিযোগিতা, য’ত ছাত্ৰ-ছাত্ৰীসকলে কিছুমান জনপ্ৰিয় ৱেব চিৰিজ আৰু চলচ্চিত্ৰ ব্যৱহাৰ কৰি আকৰ্ষণীয় ট্ৰেইলাৰ সৃষ্টি কৰিবলৈ উৎসাহিত কৰা হৈছিল। ইউকে, ইউএই, কানাডা, শ্ৰীলংকা আদি বিভিন্ন দেশৰ ছাত্ৰ-ছাত্ৰীসকলৰ অংশগ্ৰহণৰে এই প্ৰতিযোগিতাই উদীয়মান চলচ্চিত্ৰ নিৰ্মাতাসকলক ৰাষ্ট্ৰীয় আৰু বিশ্বব্যাপী মঞ্চত তেওঁলোকৰ প্ৰতিভা প্ৰদৰ্শন কৰাৰ এক সোণালী সুযোগ প্ৰদান কৰিছিল।

ট্ৰেইলাৰ সৃষ্টিৰ বাবে নিৰ্বাচিত শীৰ্ষস্থানীয় ভাৰতীয় চিৰিজ আৰু চলচ্চিত্ৰসমূহৰ ভিতৰত আছিল হীৰামন্দী, জানে জান, চোৰ নিকল কে ভাগা, মিছমেট্ছড, মনিকা, অ’ মাই ডাৰ্লিং, আৰু গান্স এণ্ড গুলাবছ। ইয়াৰ উপৰিও, স্কুইড গেম আৰু মাণি হেইষ্টৰ দৰে বিশ্বব্যাপী জনপ্ৰিয় চিৰিজসমূহো অন্তৰ্ভুক্ত কৰা হৈছিল, যিয়ে ছাত্ৰ-ছাত্ৰীসকলক আন্তৰ্জাতিক আৰু ভাৰতীয় আখ্যানৰ মিশ্ৰণৰ সৈতে পৰীক্ষা-নিৰীক্ষা কৰাৰ সুযোগ দিছিল।

অংশগ্ৰহণকাৰী সাৰ্থক ঝাই অনুষ্ঠানটোৰ সফলতাৰ বিষয়ে কয়, “এডবি প্ৰিমিয়াৰ প্ৰ’ৰ প্ৰশিক্ষণ অতি উপকাৰী আছিল। এতিয়া মই মোৰ এডিটিং দক্ষতাত অধিক আত্মবিশ্বাসী অনুভৱ কৰিছোঁ আৰু এই কৌশলসমূহ বাস্তৱ প্ৰকল্পত প্ৰয়োগ কৰিবলৈ উৎসুক হৈছোঁ। এইটো এক অসাধাৰণ সুযোগ আছিল।”

সৃষ্টিশীলতা উন্মোচন: ট্ৰেইলাৰ নিৰ্মাণৰ কলা আয়ত্তকৰণ

সৃষ্টিশীলতা উন্মোচন, নেটফ্লিক্স ফাণ্ড ফৰ ক্ৰিয়েটিভ ইকুইটি-ৰ দ্বাৰা সমৰ্থিত, ৱেভছ ছামিটৰ এক অংশ হিচাপে, এই প্ৰতিযোগিতাই চলচ্চিত্ৰ নিৰ্মাণৰ প্ৰতি আগ্ৰহীসকলক অনুপ্ৰাণিত আৰু সজ্জিত কৰিবলৈ ডিজাইন কৰা হৈছে। এই অনন্য উদ্যোগে ছাত্ৰ-ছাত্ৰীসকলক নেটফ্লিক্সৰ বিশাল বিষয়বস্তু ভঁৰালৰ পৰা আকৰ্ষণীয় ট্ৰেইলাৰ সৃষ্টি কৰাৰ সুযোগ প্ৰদান কৰে।

পেছাদাৰীসকলৰ দ্বাৰা পৰিচালিত প্ৰশিক্ষণ অধিবেশনৰ জৰিয়তে অংশগ্ৰহণকাৰীসকলে কাহিনী বৰ্ণনা, ভিডিঅ’ এডিটিং, আৰু শব্দ ডিজাইনৰ মূল দক্ষতা শিকিব, যিয়ে তেওঁলোকক উচ্চ-গুণগত ট্ৰেইলাৰ সৃষ্টি কৰিবলৈ প্ৰস্তুত কৰে। এইটো কেৱল প্ৰতিযোগিতাই নহয়, ইয়াৰ লগতে মেণ্টৰশ্বিপ আৰু হাতেকামে অভিজ্ঞতা প্ৰদান কৰে, যাৰ ফলত উদ্যোগৰ পেছাদাৰীসকলৰ দ্বাৰা বিচাৰ কৰা এক চূড়ান্ত প্ৰদৰ্শনী অনুষ্ঠিত হয়।

শীৰ্ষ অংশগ্ৰহণকাৰীসকলে মূল্যৱান প্ৰতিক্ৰিয়া, স্বীকৃতি, আৰু নেটফ্লিক্স চাবস্ক্ৰিপশ্যন আৰু ব্ৰেণ্ডেড মাৰ্চেণ্ডাইজৰ দৰে বিশেষ পুৰস্কাৰ লাভ কৰাৰ সুযোগ পাব।

কোনে অংশগ্ৰহণ কৰিব পাৰে

এই প্ৰতিযোগিতাটো ভিডিঅ’ এডিটিং, চলচ্চিত্ৰ নিৰ্মাণ, বা বিষয়বস্তু সৃষ্টিৰ প্ৰতি আগ্ৰহী ছাত্ৰ-ছাত্ৰী আৰু চলচ্চিত্ৰ নিৰ্মাতাসকলৰ বাবে মুক্ত। আবেদনকাৰীসকলৰ বয়স কমেও ১৮ বছৰ হ’ব লাগিব।

প্ৰতিযোগিতাৰ বাবে আবেদন কৰক

আবেদন ফৰ্ম https://reskilll.com/hack/wavesficci/signup পূৰণ কৰক আৰু আপোনাৰ সৃষ্টিশীল পটভূমি আৰু অংশগ্ৰহণৰ কাৰণৰ দৰে প্ৰয়োজনীয় তথ্য প্ৰদান কৰক। আবেদনৰ শেষ তাৰিখ হৈছে ৩১ মাৰ্চ, ২০২৫।

বিজয়ীসকলক কেনেকৈ নিৰ্বাচিত কৰা হ’ব

ট্ৰেইলাৰসমূহ উদ্যোগৰ বিশেষজ্ঞসকলৰ দ্বাৰা সৃষ্টিশীলতা, কাহিনী বৰ্ণনা, প্ৰযুক্তিগত কাৰ্যকৰীকৰণ, আৰু সামগ্ৰিক প্ৰভাৱৰ ওপৰত ভিত্তি কৰি মূল্যায়ন কৰা হ’ব। প্ৰক্ৰিয়াটো কেইবাটাও ৰাউণ্ডত হ’ব, আৰু অংশগ্ৰহণকাৰীসকলক প্ৰতিক্ৰিয়া প্ৰদান কৰা হ’ব।

চতুৰ্থ অধিবেশনৰ পিছত বৈধ ট্ৰেইলাৰ জমা দিয়া সকলো অংশগ্ৰহণকাৰীয়ে অংশগ্ৰহণৰ প্ৰমাণপত্ৰ পাব। শীৰ্ষ ২০ অংশগ্ৰহণকাৰীক উৎকৃষ্টতাৰ প্ৰমাণপত্ৰ, ট্ৰফী বা স্মাৰক, নেটফ্লিক্স মাৰ্চেণ্ডাইজ, আৰু মুম্বাইত ৱেভছ ছামিটত অংশগ্ৰহণ কৰাৰ বাবে ভ্ৰমণৰ খৰচ প্ৰদান কৰা হ’ব।

*****

Dhanalakshmi/Preeti/AA