ફેડરેશન ઓફ ઇન્ડિયન ચેમ્બર્સ ઓફ કોમર્સ એન્ડ ઇન્ડસ્ટ્રી (ફિક્કી)  દ્વારા નેટફ્લિક્સ સાથેની ભાગીદારીમાં ક્રિએટ ઇન ઇન્ડિયા ચેલેન્જ - સીઝન 1નો એક ભાગ વેવ્સ સમિટ રોડ શો, આજે વિવેકાનંદ ઇન્સ્ટિટ્યૂટ ઓફ પ્રોફેશનલ સ્ટડીઝ (VIPS), રોહિણી, નવી દિલ્હી ખાતે સફળતાપૂર્વક ખુલ્લો મૂકવામાં આવ્યો હતો. સંસ્થાના વાર્ષિક ફ્લેગશિપ ફેસ્ટિવલ, ઓબ્લિવિયન દરમિયાન આયોજિત આ ઇવેન્ટ,  ફિલ્મ નિર્માણ અને ડિજિટલ કન્ટેન્ટ ક્રિએશન માટે ઉત્સાહી 100થી વધુ વિદ્યાર્થીઓ માટે શીખવાનો અનુભવ બની હતી.

સર્જનાત્મકતાને પોષવા અને ટેકનિકલ કૌશલ્ય વધારવા પર ધ્યાન કેન્દ્રિત કરવાની સાથે, વેવ્સ સમિટ રોડ શો VIPSમાં વિદ્યાર્થીઓ માટે એક અમૂલ્ય પ્લેટફોર્મ સાબિત થયો. આ સ્પર્ધાને સમગ્ર વિશ્વમાંથી એન્ટ્રીઓ મળી રહી છે, ત્યારે આ રોડ શોએ મીડિયા અને મનોરંજનના નેતાઓની આગામી પેઢીને ઓળખવા અને કેળવવાની દિશામાં એક મહત્ત્વપૂર્ણ પગલું પૂરવાર કર્યું હતું.

ફિલ્મ નિર્માણ અને સંપાદનની તાલીમ

રોડ શોમાં એડોબ પ્રીમિયર પ્રોનો ઉપયોગ કરીને વીડિયો એડિટિંગની તાલીમ આપવામાં આવી હતી. આ સત્રમાં વિદ્યાર્થીઓને ટ્રેલર સર્જન, સ્ટોરીબોર્ડિંગ અને ડિજિટલ કન્ટેન્ટ પ્રોડક્શન માટેની તકનીકોની શોધ કરતી વખતે ઉદ્યોગના વ્યાવસાયિકો પાસેથી શીખવાની તક મળી હતી.

ટ્રેલર મેકિંગ ચેલેન્જ ઉભરતા ફિલ્મ નિર્માતાઓને એક કરે છે

આ ઇવેન્ટની મુખ્ય વિશેષતા ટ્રેલર મેકિંગ કોમ્પિટિશન હતી, જેણે વિદ્યાર્થીઓને કેટલીક સૌથી વધુ લોકપ્રિય વેબ સિરિઝ અને ફિલ્મોનો ઉપયોગ કરીને આકર્ષક ટ્રેઇલર્સ તૈયાર કરવા માટે પ્રોત્સાહિત કર્યા હતા. યુકે, યુએઈ, કેનેડા, શ્રીલંકા અને અન્ય સહિત વિવિધ દેશોના વિદ્યાર્થીઓની ભાગીદારી સાથે આ સ્પર્ધાએ ઉભરતા ફિલ્મ નિર્માતાઓને રાષ્ટ્રીય અને વૈશ્વિક મંચ પર તેમની પ્રતિભા પ્રદર્શિત કરવાની સુવર્ણ તક પૂરી પાડી હતી.

ટ્રેલર ક્રિએશન માટે પસંદ કરવામાં આવેલા ટાઇટલ્સમાં લોકપ્રિય ભારતીય શ્રેણીઓ જેવી કે હીરામંડી, જાને જાન, ચોર નિકલ કે ભાગા, મિસમેચ્ડ, મોનિકા, ઓ માય ડાર્લિંગ અને ગન્સ એન્ડ ગુલાબનો સમાવેશ થાય છે. આ ઉપરાંત સ્ક્વિડ ગેમ અને મની હેઇસ્ટ જેવી વૈશ્વિક ખ્યાતિપ્રાપ્ત  શ્રેણીઓનો પણ સમાવેશ કરવામાં આવ્યો હતો, જેના કારણે વિદ્યાર્થીઓ આંતરરાષ્ટ્રીય અને ભારતીય કથાઓના મિશ્રણ સાથે પ્રયોગો કરી શકતા હતા.

ઇવેન્ટની સફળતા પર પ્રકાશ પાડતા, એક સહભાગી સાર્થક ઝાએ જણાવ્યું હતું કે, "એડોબ પ્રીમિયર પ્રોમાં હેન્ડ્સ-ઓન તાલીમ અવિશ્વસનીય રીતે સમૃદ્ધ હતી. હવે હું મારી સંપાદન કુશળતામાં વધુ આત્મવિશ્વાસ અનુભવું છું અને આ તકનીકોને વાસ્તવિક વિશ્વના પ્રોજેક્ટ્સમાં લાગુ કરવા આતુર છું. આ એક અદ્ભુત તક હતી."

સર્જનાત્મકતાના દ્વાર ખોલવાઃ ટ્રેલર-મેકિંગની કળામાં નિપુણતા મેળવવી

વેવ્સ સમિટના ભાગરૂપે નેટફ્લિક્સ ફંડ ફોર ક્રિએટિવ ઇક્વિટી દ્વારા સંચાલિત ક્રિએટિવિટીને અનલોક કરવી એ મહત્વાકાંક્ષી ફિલ્મ નિર્માતાઓને પ્રેરણા આપવા અને સજ્જ કરવા માટે રચાયેલી સ્પર્ધા છે. આ અનોખી પહેલ વિદ્યાર્થીઓને નેટફ્લિક્સની વિસ્તૃત કન્ટેન્ટ લાઇબ્રેરીમાંથી ડ્રોઇંગ કરીને આકર્ષક ટ્રેઇલર્સ બનાવવાની તક પૂરી પાડે છે.

નિષ્ણાતની આગેવાની હેઠળના તાલીમ સત્રો દ્વારા, સહભાગીઓ વાર્તા કહેવા, વિડિઓ એડિટિંગ અને સાઉન્ડ ડિઝાઇનમાં ચાવીરૂપ કૌશલ્યો શીખશે, જે તેમને ઉચ્ચ-ગુણવત્તાવાળા ટ્રેઇલર્સ રચવા માટે તૈયાર કરશે. માત્ર એક સ્પર્ધાથી વિશેષ, અનલોકિંગ ક્રિએટિવિટી માર્ગદર્શન અને હાથોહાથનો અનુભવ પૂરો પાડે છે, જે ઉદ્યોગના  વ્યાવસાયિકો દ્વારા નક્કી કરવામાં આવેલા અંતિમ સ્પર્ધાત્મક પ્રદર્શનમાં પરિણમે છે.ટોચના સહભાગીઓ મૂલ્યવાન પ્રતિસાદ અને માન્યતા પ્રાપ્ત કરશે, અને તેમને નેટફ્લિક્સ સબ્સ્ક્રિપ્શન્સ અને બ્રાન્ડેડ મર્ચેન્ડાઇઝ સહિત વિશિષ્ટ ઇનામો જીતવાની તક મળશે.

કોણ ભાગ લઈ શકે છે

આ સ્પર્ધા વિદ્યાર્થીઓ અને મહત્વાકાંક્ષી ફિલ્મ નિર્માતાઓ માટે ખુલ્લી છે, જેમને વિડિયો એડિટિંગ, ફિલ્મ નિર્માણ અથવા કન્ટેન્ટ ક્રિએશનનો શોખ છે. અરજદારોની ઉંમર ઓછામાં ઓછી ૧૮ વર્ષ હોવી જોઈએ.

સ્પર્ધા માટે અરજી કરો

https://reskilll.com/hack/wavesficci/signup એપ્લિકેશન ફોર્મ ભરો  અને તમારી રચનાત્મક પૃષ્ઠભૂમિ અને ભાગ લેવા માટેના કારણો જેવી જરૂરી માહિતી પ્રદાન કરો. અરજી કરવાની અંતિમ તારીખ 31 માર્ચ 2025 છે.

વિજેતાઓની પસંદગી કેવી રીતે કરવામાં આવશે

ટ્રેલર્સનું મૂલ્યાંકન સર્જનાત્મકતા, વાર્તા કથન, તકનીકી અમલીકરણ અને એકંદર અસરના આધારે ઉદ્યોગના નિષ્ણાતોની પેનલ દ્વારા કરવામાં આવશે. સ્ક્રિનિંગ પ્રક્રિયા બહુવિધ રાઉન્ડમાં થશે, જેમાં સહભાગીઓને પ્રતિસાદ આપવામાં આવશે.

બધા સહભાગીઓ કે જેઓ ચોથા સત્ર પછી માન્ય ટ્રેલર સબમિટ કરે છે, તેઓને ભાગ લેવાનું પ્રમાણપત્ર પ્રાપ્ત થશે. ટોચના 20 સહભાગીઓને મુંબઈમાં વેવ્સ સમિટમાં ભાગ લેવા માટે સર્ટિફિકેટ ઓફ એક્સેલન્સ, ટ્રોફી અથવા સંભારણું, નેટફ્લિક્સ મર્ચેન્ડાઇઝ અને મુસાફરીનું વળતર મળશે

AP/JY/GP/JD