প্রধানমন্ত্রীগী লোইশঙ
পি.এম.না দিল্লীদা ফেব্রুৱারী 16তা পাংথোক্কদৌরিবা ভারত তেক্স 2025দা শরুক য়াগনি
মফম অমদা রো মেতরিএলশিংদগী হৌরগা ফিনিশ প্রদক্তশিং ফাওবা তেক্সতাইল্সকী অপুনবা ভেল্যু চেন কোনশিনগদৌরিবা তোপ-তোপ্পা থৌরম অমা
লৈবাক 120দগী পোলিসীমেকরশিং অমসুং গ্লোবেল CEOশিং, একজিবিতরশিং, ইন্তর্নেস্নেল বায়রশিংনা শরুক য়াগদৌরি
Posted On:
15 FEB 2025 1:51PM by PIB Imphal
প্রধান মন্ত্রী শ্রী নরেন্দ্র মোদীনা ফেব্রুৱারী 16গী নুমিদাংৱাইরম পুং 4 রোম তাবদা নই দিল্লীগী ভারত মন্দপমদা পাংথোক্কদৌরিবা ভারত তেক্স 2025দা শরুক য়াগনি। থৌরম অসিদা মহাক্না মীয়ামদা ৱা ঙাংগনি।
ভারত তেক্স 2025 অসি ফেব্রুৱারী 14দগী 17 ফাওবা ভারত মন্দপমদা পাংথোক্কদৌরিবা মেগা গ্লোবেল ইভেন্ত অমনি মরমদি মফম অমদা রো মেতরিএলশিংদগী হৌরগা এসেসরীশিং য়াওনা ফিনিশ প্রদক্তশিং ফাওবা তেক্সতাইল্সকী অপুনবা ভেল্যু চেন পুম্নমক অমত্তা ওইনা পুনশিল্লি।
ভারত তেক্স প্লেৎফোর্ম অসি তেক্সতাইল ইন্দস্ত্রীগী খ্বাইদগী চাউবা অমসুং খ্বাইদগী মপুং ফাবা থৌরমনি। মফম অনিদা শন্দোকপা মেগা এক্সপো অমা য়াওরি অমসুং তেক্সতাইল ইকোসিস্তেম পুম্নমক উৎলি। কনফরেন্স সেসন 70 হেনবা, রাউন্দ তেবলশিং, পেনেল দিস্কসনশিং অমসুং মাস্তর ক্লাসশিং য়াওবা গ্লোবেল স্কেলগী কনফরেন্স অমসু য়াওরগনি। মসিদা স্পিসিএল ইনোবেসন অমসুং স্তার্ত অপ পেভিলিয়নশিং য়াওবা একজিবিসন অমা য়াওগনি। মসিদা হেকাথোনদা য়ুম্ফম ওইবা স্তার্তঅপ পিৎচ ফেস্ত অমসুং ইন্নোবেসন ফেস্তশিং, তেক তেঙ্কশিং অমসুং দিজাইন চেলেঞ্জশিংসু য়াওদুনা মকোক থোংবা ইনভেস্তরশিংগী খুত্থাংদা স্তার্তঅপশিংগীদমক ফন্দিং খুদোংচাবশিং ফংহল্লগনি।
ভারত তেক্স 2025না পোলিসী মেকরশিং অমসুং গ্লোবেল CEOশিং, এক্সিবিতর 5000 হেনবা, লৈবাক 120 হেনবগী ইন্তর্নেস্নেল বায়র 6000 অমসুং অতোপ্পা ভিজিতেতর কয়াবু পুক্নিং চিংশিনগনি হায়না পানরি। ইন্তর্নেস্নেল তেক্সতাইল মেনুফেকচররস ফেদরেসন (ITMF), ইন্তর্নেস্নেল কতন এদভাইজরী কম্মিতী (ICAC), য়ুরাতেক্স, তেক্সতাইল এক্সচেঞ্জ, US ফেশন ইন্দস্ত্রী এসোসিএসন (USFIA) য়াওনা মালেম শিনবা থুংবদগী মমিং লৈরবা গ্লোবেল তেক্সতাইল বোদী অমসুং এসোসিএসন 25 হেন্না শরুক য়াগনি।
***
(Release ID: 2103518)
Visitor Counter : 53
Read this release in:
Odia
,
Assamese
,
English
,
Urdu
,
Marathi
,
Hindi
,
Bengali-TR
,
Bengali
,
Punjabi
,
Gujarati
,
Tamil
,
Tamil
,
Telugu
,
Kannada
,
Malayalam