La wanrah ia ka Income-tax Bill, 2025 ha Parliament mynta ka sngi, kaba long ka sienjam kaba heh ban pynsuk ia ki kyntien bad ka jinglong jong ka Income-tax Act, 1961.

Kane ka jingpynsuk ka don ha lai tylli ki nongrim:

1. Ka jingpynsuk ia ki kyntien ban don ka jingshai bad ka jingsngewthuh kaba kham bha.
2. Ym don kano kano ka jingpynkylla kaba heh ia ki polisi ba iadei bad ka khajna ban pynthikna ia ka jingbteng bad ka jingsngew skhem.
3. Ym shym la pynkylla ia ki bai khajna, kaba la bteng ia ka jinglah batai lypa da ki nongsiew khajna.

La shim ia ka rukom treikam kaba lai bynta:

• • Ka jingweng ia ka jingkyllain ka rukom thoh ban kyntiew ia ka jingsuk ban pule.
  • Ka jingweng ia ki bynta bym iahap shuh bad kiba mih kajuh shi kajuh ban suk ban pyndonkam.
  • Ka jingpynbeit ia ki bynta ban suk ha ka jingpeit.

Ka rukom treikam kaba don ka jingiamir jingmut bad ka jingwad bniah

Ka Sorkar ka la pynthikna ia ka jingiamir jingmut bad kito kiba don bynta ha kane ka kam, ha kaba la iakren bad ki nongsiew khajna, ki kam khaii, ki kynhun kiba iadei bad kane ka kam, bad ki kynhun kiba la pyntbit ha ki kam bapher bapher. Na ki 20,976 tylli ki jingai jingmut ba la ioh online, la peit ia ki jingai jingmut ba iahap bad la kynthup lang ia ki, haba donkam. La don ki jingiamir jingmut bad kiba la tbit ha kane ka kam bad kito kiba la tbit ha ka kam khajna bad la peit ia ki rukom pynsuk na Australia bad UK ban ioh ia ki rukom treikam ba biang tam.

Ki jingmyntoi na ka jingpynsuk

Ki jingmyntoi

Kane ka jingpynkylla ka la pynduna bha ia ka jingheh kane ka Ain, ha kaba ka la long kaba kham ryntih bad kham suk ban pyndonkam. Ki jingpynduna ki long kumne harum:

Ki jingpynbha

• • Ka jingpynsuk ia ki kyntien, kaba la plié lad shuh shuh ban sngewthuh ia kane ka ain.
  • Ka jingpynbeit bad ki jingpynkylla, kaba pynduna ia ka jingphiah.
  • Ka jingweng ia ki bynta bym iahap shuh na ka bynta ka jingshai.
  • Ka jingpynbeit lyngba ki table bad ki formulae ban suk ban pule.
  • Ka jingpynneh ia ki nongrim ba la don lypa jong ka kam lum khajna, kaba pynthikna ia ka jingbteng bad kyntiew ia ka jinglah ban pyndonkam.

Ka Income-tax Bill, 2025 ka pyni ia ka jingkut jingmut jong ka Sorkar ban pynsuk ban trei ha ki kam khaii pateng bad ka jingpynbiang ia ka rukom lum khajna kaba shai bad kaba suk.

****