প্রধানমন্ত্রীগী লোইশঙ
প্রধান মন্ত্রী অমসুং ফ্রান্সকী রাস্ত্রপতিনা পুন্না মারসৈলেদা ভারতকী কন্সুলেত জেনেরেল শঙ্গাখ্রে
থাগৎখিবা:
12 FEB 2025 4:58PM by PIB Imphal
ঙসি প্রধান মন্ত্রী শ্রী নরেন্দ্র মোদী অমসুং ফ্রান্সকী রাস্ত্রপতি ইম্মান্যুএল মেক্রোন্না পুন্না মারসৈলেদা নৌনা হাংদোকপা ভারতকী কন্সুলেত জেনেরেল শঙ্গাখ্রে।
প্রধান মন্ত্রী অমসুং রাস্ত্রপতি মেক্রোন্না কন্সুলেত জেনেরেল শঙ্গাবা অসি ভারত অমসুং ফ্রান্সকী মরক্ত লৈনবা লৈবাক অনিগী মরীগী মশক থোকপা অমনি। শঙ্গাবাদা রাস্ত্রপতি মেক্রোন শরুক য়াবা অসি অখন্নবা অমনি অমসুং মসিদা প্রধান মন্ত্রীনা থাগৎপা ফোঙদোকখি। কন্সুলেত্ত লুচিংবা অনিমক থৌরম অদু শরুক য়াবা লাকখিবা ভারতমচাশিংনা তরাম্না ওকখি।
জুলাই ২০২৩ দা প্রধান মন্ত্রীগী ফ্রান্স খোঙচৎ মনুংদা মারসৈলেলদা কন্সুলেত জেনেরেল অমা হাংদোক্নবা লাউথোকখি। কন্সুলেত জেনেরেল অসিদা খা থংবা ফ্রান্সকী লমদম মরি হায়বদি- প্রোভেন্স অল্পস কোত অজুর, কোরসিকা, ওক্কিতানি অমসুং ঔভরনে-হোন-অল্পস কোনশিনগনি।
ফ্রান্সকী লমদম অসি ললোন-ইতিক, ইন্দস্ত্রি, ইনর্জি অমসুং অকে-অমৌগী লমকোয়ফমগী মফম অমনি অমসুং শেন-থুম, নাৎ অমসুং মীগা মীগা লৈনবা মরীশিংগী লমদা ভারতকা শিংথাবা য়াবা মরী লৈনরি। ফ্রান্সকী অনিশুবা মীশিং খ্বাইদগী য়াম্না তাবা সহরদা অনৌবা কন্সুলেত জেনেরেল অমা হাংদোকপা অসিনা ইন্দিয়া-ফ্রান্স স্ত্রাতেজিক পার্তনরশিপ মখা তানা মপাঙ্গল কনখৎহনগনি।
***
(রিলিজ আই.দি.: 2102403)
ভিজিতর কাউন্তর : 99
রিলিজ অসি মসিদা পাবীয়ু:
Odia
,
English
,
Urdu
,
Marathi
,
हिन्दी
,
Bengali
,
Assamese
,
Punjabi
,
Gujarati
,
Tamil
,
Telugu
,
Kannada
,
Malayalam