ਦੁਨੀਆ ਦੇ ਸਭ ਤੋਂ ਵੱਡੇ ਧਾਰਮਿਕ ਅਤੇ ਮਾਨਵਤਾਵਾਦੀ ਸਮਾਗਮ ਮਹਾਕੁੰਭ ​​ਮੇਲੇ ਨੂੰ ਨਾ ਸਿਰਫ਼ ਜ਼ਮੀਨ ਤੋਂ ਸਗੋਂ ਪੁਲਾੜ ਤੋਂ ਵੀ ਕੈਪਚਰ ਕੀਤਾ ਜਾ ਰਿਹਾ ਹੈ। ਅੰਤਰਰਾਸ਼ਟਰੀ ਪੁਲਾੜ ਕੇਂਦਰ (ਆਈਐੱਸਐੱਸ) ਨੇ ਐਤਵਾਰ ਰਾਤ ਨੂੰ ਪੁਲਾੜ ਤੋਂ ਮਹਾਕੁੰਭ ​​ਦੀਆਂ ਸ਼ਾਨਦਾਰ ਤਸਵੀਰਾਂ ਖਿੱਚੀਆਂ ਹਨ। ਇਨ੍ਹਾਂ ਤਸਵੀਰਾਂ ਵਿੱਚ ਮਹਾਕੁੰਭ ​​ਮੇਲੇ ਦਾ ਇੱਕ ਅਦਭੁਤ ਦ੍ਰਿਸ਼ ਦੇਖਣ ਨੂੰ ਮਿਲਿਆ। ਇਸ ਵਿੱਚ, ਗੰਗਾ ਨਦੀ ਦੇ ਕੰਢੇ ਦੁਨੀਆ ਦਾ ਸਭ ਤੋਂ ਵੱਡਾ ਮਨੁੱਖੀ ਇਕੱਠ ਰੌਸ਼ਨੀ ਨਾਲ ਜਗਮਗਾ ਰਿਹਾ ਹੈ। ਇਨ੍ਹਾਂ ਤਸਵੀਰਾਂ ਨੂੰ ਆਈਐੱਸਐੱਸ ਤੋਂ ਪੁਲਾੜ ਯਾਤਰੀ ਡੌਨ ਪੇਟਿਟ ਨੇ ਸੋਸ਼ਲ ਮੀਡੀਆ ਪਲੈਟਫਾਰਮ 'ਐਕਸ' 'ਤੇ ਸਾਂਝਾ ਕੀਤਾ ਹੈ।

 ਤਸਵੀਰਾਂ ਵਿੱਚ, ਮਹਾਕੁੰਭ ​​ਮੇਲੇ ਦੀ ਸ਼ਾਨਦਾਰ ਰੋਸ਼ਨੀ ਅਤੇ ਵਿਸ਼ਾਲ ਮਾਨਵੀ ਭੀੜ ਨੇ ਗੰਗਾ ਨਦੀ ਦੇ ਕੰਢਿਆਂ ਨੂੰ ਇੱਕ ਵਿਲੱਖਣ ਦ੍ਰਿਸ਼ ਵਿੱਚ ਬਦਲ ਦਿੱਤਾ। ਪੁਲਾੜ ਤੋਂ ਲਈਆਂ ਗਈਆਂ ਇਹ ਤਸਵੀਰਾਂ ਧਰਤੀ ਉੱਤੇ ਇਸ ਧਾਰਮਿਕ ਸਮਾਗਮ ਦੀ ਸ਼ਾਨ ਨੂੰ ਦਰਸਾਉਂਦੀਆਂ ਹਨ।

 ਸ਼ਾਨਦਾਰ ਦ੍ਰਿਸ਼

ਮਹਾਕੁੰਭ ​​ਦੁਨੀਆ ਦਾ ਸਭ ਤੋਂ ਵੱਡਾ ਧਾਰਮਿਕ ਸਮਾਗਮ ਹੈ, ਜਿਸ ਵਿੱਚ ਲੱਖਾਂ ਸ਼ਰਧਾਲੂ ਗੰਗਾ ਨਦੀ ਵਿੱਚ ਡੁਬਕੀ ਲਗਾਉਂਦੇ ਹਨ ਅਤੇ ਆਤਮਿਕ ਸ਼ਾਂਤੀ ਪ੍ਰਾਪਤ ਕਰਦੇ ਹਨ। ਹੁਣ ਤੱਕ, 13 ਕਰੋੜ ਤੋਂ ਵੱਧ ਸ਼ਰਧਾਲੂ ਸੰਗਮ ਇਸ਼ਨਾਨ ਕਰਕੇ ਇਸ ਸੁਖਦ ਅਤੇ ਧਾਰਮਿਕ ਅਹਿਸਾਸ ਦਾ ਅਨੁਭਵ ਕਰ ਚੁੱਕੇ ਹਨ, ਜਦੋਂ ਕਿ ਇੱਥੋਂ ਆ ਰਹੀਆਂ ਤਸਵੀਰਾਂ ਦੇਖ ਕੇ ਪੂਰੀ ਦੁਨੀਆ ਹੈਰਾਨ ਹੈ। ਪੁਲਾੜ ਤੋਂ ਲਈਆਂ ਗਈਆਂ ਇਹ ਤਸਵੀਰਾਂ ਮਹਾਂਕੁੰਭ ​​ਵੱਲ ਪੂਰੀ ਦੁਨੀਆ ਦਾ ਧਿਆਨ ਖਿੱਚ ਰਹੀਆਂ ਹਨ। ਤਸਵੀਰਾਂ ਸਾਂਝੀਆਂ ਕਰਦੇ ਹੋਏ ਡੌਨ ਪੇਟਿਟ ਨੇ ਲਿਖਿਆ ਕਿ ਅੰਤਰਰਾਸ਼ਟਰੀ ਪੁਲਾੜ ਸਟੇਸ਼ਨ (ਆਈਐੱਸਐੱਸ) ਤੋਂ ਲਈਆਂ ਗਈਆਂ ਤਸਵੀਰਾਂ 2025 ਦੇ ਮਹਾਂਕੁੰਭ ​​ਮੇਲੇ ਦਾ ਇੱਕ ਸ਼ਾਨਦਾਰ ਦ੍ਰਿਸ਼ ਦਿਖਾਉਂਦੀਆਂ ਹਨ। ਗੰਗਾ ਨਦੀ ਦੇ ਕੰਢੇ ਦੁਨੀਆ ਦਾ ਸਭ ਤੋਂ ਵੱਡਾ ਮਨੁੱਖੀ ਇਕੱਠ ਰੌਸ਼ਨੀ ਨਾਲ ਜਗਮਗਾ ਰਿਹਾ ਸੀ।

ਡੋਨਾਲਡ ਰਾਏ ਪੇਟਿਟ ਨੇ ਸਾਂਝੀਆਂ ਕੀਤੀਆਂ ਤਸਵੀਰਾਂ

ਅਮਰੀਕੀ ਪੁਲਾੜ ਯਾਤਰੀ ਅਤੇ ਕੈਮੀਕਲ ਇੰਜੀਨੀਅਰ ਡੋਨਾਲਡ ਰਾਏ ਪੇਟਿਟ, ਜਿਨ੍ਹਾਂ ਨੂੰ ਪੁਲਾੜ ਵਿੱਚ ਖਗੋਲ ਵਿਗਿਆਨ ਅਤੇ ਨਵੀਨਤਾ ਵਿੱਚ ਉਸਦੇ ਕੰਮ ਲਈ ਮਸ਼ਹੂਰ ਹਨ, ਨੇ ਇਹ ਤਸਵੀਰਾਂ ਖਿੱਚੀਆਂ ਹਨ। ਪੇਟਿਟ "ਜ਼ੀਰੋ ਜੀ ਕੱਪ" ਦਾ ਖੋਜੀ ਵੀ ਹੈ, ਜੋ ਕਿ ਪੁਲਾੜ ਵਿੱਚ ਬਣਾਈ ਗਈ ਪਹਿਲੀ ਪੇਟੈਂਟ ਕੀਤੀ ਵਸਤੂ ਹੈ। ਪੇਟਿਟ ਪਿਛਲੇ 555 ਦਿਨਾਂ ਤੋਂ ਆਈਐੱਸਐੱਸ 'ਤੇ ਹਨ ਅਤੇ 69 ਸਾਲ ਦੀ ਉਮਰ ਵਿੱਚ, ਨਾਸਾ ਦੇ ਸਭ ਤੋਂ ਬਜ਼ੁਰਗ ਸਰਗਰਮ ਪੁਲਾੜ ਯਾਤਰੀ ਹਨ।

*****

ਏਡੀ/ਵੀਐੱਮ