دنیا کا سب سے بڑا مذہبی اور انسانی اجتماع مہاکمبھ 2025 کو  نہ صرف زمین سے بلکہ خلا سے بھی قیدجا رہا ہے ۔ اتوار کی شب بین الاقوامی خلائی اسٹیشن (آئی ایس ایس) نے مہاکمبھ کی حیرت انگیز تصاویر کھینچیں ۔ یہ تصاویر اس تقریب کے مسحور کن منظر کو ظاہر کرتی ہیں ، جس میں دریائے گنگا کے کنارے دنیا کا سب سے بڑا انسانی اجتماع روشنیوں سے چمک رہا ہے ۔ خلاباز ڈان پیٹیٹ نے آئی ایس ایس سے لی گئی یہ تصاویر سوشل میڈیا پلیٹ فارم ‘ایکس’ پر شیئر کیں ۔

تصاویر مہا کمبھ میلے کی روشنی اور بڑے پیمانے پر انسانی ہجوم کی عظمت کو ظاہر کرتی ہیں، جو دریائے گنگا کے کنارے کو ایک منفرد منظرمیں تبدیل کرتی ہے۔ خلا میں لی گئی یہ تصاویر زمین پر اس مذہبی تقریب کے وسعت کو نمایاں کرتی ہیں۔

مہاکمبھ دنیا کی سب سے بڑی مذہبی تقریب ہے ، جہاں لاکھوں عقیدت مند روحانی سکون حاصل کرنے کے لیے دریائے گنگا میں ڈبکی لگاتے ہیں ۔ اب تک 13 کروڑ سے زیادہ عقیدت مند سنگم پر نہا کر اس خوشگوار اور مذہبی لمحے کا تجربہ کر چکے ہیں ۔ یہاں سےآنے والی تصاویر نے پوری دنیا کو حیران کر دیا ہے ۔ یہ خلائی تصاویر یقینی طور پر دنیا بھر کے لوگوں کی توجہ مہاکمبھ کی طرف مبذول کرائیں گی ۔ ڈان پیٹیٹ نے تصاویر شیئر کرتے ہوئے لکھا کہ 2025 کے مہا کمبھ میلے کا ناقابل یقین نظارہ بین الاقوامی خلائی اسٹیشن (آئی ایس ایس) سے لیا گیا ہے۔ دریائے گنگا کے کنارے دنیا کا سب سے بڑا انسانی اجتماع روشنی سے چمک  رہا تھا ۔

ڈونلڈ رائے پیٹیٹ

امریکی خلاباز اور کیمیائی انجینئر ڈونلڈ رائے پیٹیٹ ، فلکی فوٹوگرافی اور خلا میں اختراع میں اپنے کام کے لیے جانے جاتے ہیں ۔ پیٹیٹ خلا میں بنی پہلی پیٹنٹ شدہ چیز 'زیرو-جی کپ' کے موجد بھی ہیں ۔ وہ 69 سال کی عمر میں ناسا کے سب سے معمر فعال خلاباز ہیں ۔

*****

ش ح۔ش آ۔ خ م۔

U NO:5717