Ban pyndonkam ia ki lad bad ki bor saindur jong ki samla, ka Tnad kam Ialehkai ka la phaikhmat sha artylli ki jing thmu na ka bynta ka jingtei ia ki briew bad ka jingtei ia ka ri, kyntiew ia ka jinglong jong ki samla bad kynthup ia ki ha ki kam bapher bapher ba iadei bad ka jingtei ia ka ri lyngba ki kynhun jong ka bad ki skhim bapher bapher.

Ka National Service Scheme (NSS) ka don bynta ban kyntiew ia ka jinglong jong ki samla pule lyngba ka jingtrei mon sngewbha ha ka imlang sahlang. ‘Ka pule puthi lyngba ka jingai jingshakri’ kadei ka thong jong ka NSS.

Kumjuh ruh, ka Nehru Yuva Kendra Sangathan (NYKS) lyngba ki prokram bapher bapher jong ka bad ki kam ka ialeh ban poi sha ki samla ha ki jaka nongkyndong ban pynkup bor ia ki bad ka jingiadei ha ka imlang sahlang.

Shuh shuh, dang shen, la sdang ia ka lad kaba kynthup ia baroh- ka Mera Yuva Bharat (MY Bharat), ka kynhun laitluid hapoh ka Tnad kam ialehkai, kaba pyndonkam da ka teknoloji, na ka bynta ban kyntiew ia ki samla bad ka roi ka par kaba ialam da ki samla lyngba ka ‘Kartavya Bodh’ bad ‘Seva Bhaav’, ha ka Amrit Kaal.

La shna ia ka rynsan digital na ka bynta ka MY Bharat (https://www.mybharat.gov.in/) ha kaba ki samla ha kylleng ka ri ki lah ban kyntiew kyrteng hi na ka bynta ki kabu bapher bapher ba don ha ka rynsan. Ka jing thmu phygital (physical + digital) kalong ban pynkup bor ia ki samla ban long ki nongwanrah jingkylla ha ka imlang sahlang. Haduh mynta, palat 1.65 klur ki samla ki la kyntiew kyrteng ha ka rynsan MY Bharat.

Ban kyntiew ia ka thong na ka bynta ka India kaba la kiew shaphrang shuwa u snem 2047 hapdeng ki samla, la saindur ia ka prokram “Yuva Connect” da ka jing thmu ban kyntiew ka jingiashim bynta ki samla bad ka jinglong nongialam ha ka jingwanrah jingkylla ha ka roi ka par jong ka India. La pynlong ia ki prokram lyngba ki jingiamir jingmut halor ka jing thmu jong ka Viksit Bharat bad ki samla ha ki jaka pule ha kylleng ka ri. Ki samla ruh ki ioh lad ban iakren bad ki nongkren ba pawkhmat.

Lyngba kine ki prokram, la bun jur halor ki jingngeit kum ka jingsngew nong India, ka jingiadei ha ka imlang sahlang, ka jingtylli ka imlang sahlang, ka jingkyntiew ia ka bor treikam jong ki briew, ka jingshemphang bad ka jingpynkupbor, khnang ba ki samla pule kilong kiba la pynkhreh ban nohsynniang sha ka imlang sahlang jong ki. Kine ki jingiakren ym tangba ki kyntiew ia ka jingkiew shaphrang ki briew hynrei ka pynkhlain ruh ia ka jinglong jong ka ri hi baroh kawei.

Ia kane ka jingtip la ai da u Myntri Sorkar pdeng ba dei khmih ia ka Tnad kam ialehkai bad Labour & Employment, Dr. Mansukh Mandaviya ha ka jubab ba shu thoh ha Lok Sabha mynta ka sngi.

*****