مرکزی وزیر خزانہ اور کارپوریٹ امور نے آج پارلیمنٹ میں مرکزی بجٹ 2025-26 پیش کیا ۔

ریگولیٹری اصلاحات

اپنی بجٹ تقریر میں مرکزی وزیر خزانہ نے کہا کہ حکومت اس بات کو یقینی بنانے کے لیے پرعزم ہے کہ ضوابط تکنیکی اختراعات اور عالمی پالیسی پیش رفت کے مطابق ہوں ۔ اصولوں اور اعتماد پر مبنی’ لائٹ ٹچ ریگولیٹری فریم ورک‘ پیداواریت اور روزگار کو فروغ دے گا ۔ اس فریم ورک کے ذریعے پرانے قوانین کے تحت بنائے گئے ضوابط کو اپ ڈیٹ کیا جائے گا ۔

اکیسویں صدی کے لیے موزوں اس جدید ، پائیدار ، عوام دوست اور اعتماد پر مبنی ریگولیٹری فریم ورک کو تیار کرنے کے لئے محترمہ  نرملا سیتا رمن نے چار مخصوص اقدامات تجویز کیے:

ریگولیٹری اصلاحات کے لیے اعلی سطحی کمیٹی

مرکزی وزیر خزانہ نے مزید کہا کہ تمام غیر مالیاتی شعبے کے ضوابط ، سرٹیفکیشن ، لائسنس اور اجازت ناموں کا جائزہ لینے کے لیے ریگولیٹری اصلاحات  کی خاطر ایک اعلی سطحی کمیٹی تشکیل دی جائے گی ۔ توقع ہے کہ کمیٹی ایک سال کے اندر اپنی سفارشات پیش کردے گی ۔ اس کا مقصد اعتماد پر مبنی اقتصادی حکمرانی کو مضبوط کرنا اور’کاروبار کرنے میں آسانی‘ کو بڑھانے کے لیے تبدیلی لانے والے اقدامات کرنا ہے ، خاص طور پر معائنہ اور تعمیل کے معاملات میں ۔ ریاستوں کو اس کوشش میں شامل ہونے کی ترغیب دی جائے گی ۔

ریاستوں کا سرمایہ کاری دوست اشاریہ

محترمہ  نرملا سیتا رمن نے مزید کہا کہ مسابقتی تعاون پر مبنی وفاقیت کے جذبے کو آگے بڑھانے کے لیے 2025 میں ریاستوں کا سرمایہ کاری دوست اشاریہ شروع کیا جائے گا ۔

ایف ایس ڈی سی میکانزم

مرکزی وزیر خزانہ نے کہا کہ مالیاتی استحکام اور ترقیاتی کونسل کے تحت موجودہ مالیاتی ضوابط اور ذیلی ہدایات کے اثرات کا جائزہ لینے کے لیے ایک طریقہ کار قائم کیا جائے گا ۔ یہ ان کی ردعمل اور مالیاتی شعبے کی ترقی کو بڑھانے کے لیے ایک فریم ورک بھی وضع کرے گا ۔

جن وشواس بل 2.0

محترمہ  نرملا سیتا رمن نے بتایا کہ حکومت اب مختلف قوانین میں 100 سے زیادہ دفعات کو غیر فوجداری بنانے کے لیے جن وشواس بل 2.0 لائے گی ۔ جن وشواس ایکٹ 2023 میں 180 سے زیادہ قانونی دفعات کو غیر فوجداری قرار دیا گیا تھا ۔

مرکزی وزیر خزانہ نے کہا کہ گزشتہ دس سالوں میں مالی اور غیر مالی سمیت کئی پہلوؤں میں ، ہماری حکومت نے ’کاروبار کرنے میں آسانی‘ کے لیے پختہ عزم کا مظاہرہ کیا ہے ۔

***

ش ح۔ م  م۔ ج

UNO-5907