ಕೈಗಾರಿಕೀಕರಣದ ಮಟ್ಟವು ರಾಜ್ಯಗಳಲ್ಲಿ ಬದಲಾಗುತ್ತದೆ, ಕೆಲವರು ತಮ್ಮ ಜನಸಂಖ್ಯೆಗೆ ಹೆಚ್ಚಿನ ಆದಾಯದ ಮಟ್ಟವನ್ನು ಸೃಷ್ಟಿಸಲು ತಮ್ಮ ಕೈಗಾರಿಕಾ ಕ್ಷೇತ್ರಗಳನ್ನು ಬಳಸಿಕೊಳ್ಳಲು ಉತ್ತಮ ಸ್ಥಾನದಲ್ಲಿದ್ದಾರೆ ಎಂದು ಕೇಂದ್ರ ಹಣಕಾಸು ಮತ್ತು ಕಾರ್ಪೊರೇಟ್ ವ್ಯವಹಾರಗಳ ಸಚಿವರಾದ ಶ್ರೀಮತಿ ನಿರ್ಮಲಾ ಸೀತಾರಾಮನ್ ಅವರು ಇಂದು ಸಂಸತ್ತಿನಲ್ಲಿ ಮಂಡಿಸಿದ ಆರ್ಥಿಕ ಸಮೀಕ್ಷೆ 2024-25 ಹೇಳುತ್ತದೆ. ಕೈಗಾರಿಕೀಕರಣದ ಪ್ರಮಾಣದಲ್ಲಿ ಸ್ಪಷ್ಟ ಮಾದರಿಗಳಿವೆ, ಗುಜರಾತ್, ಉತ್ತರಾಖಂಡ ಮತ್ತು ಹಿಮಾಚಲ ಪ್ರದೇಶದಂತಹ ಕೆಲವು ರಾಜ್ಯಗಳು ತಮ್ಮ ಜನರಿಗೆ ಸಮಂಜಸವಾದ ಮಟ್ಟದ ಆದಾಯವನ್ನು ಉತ್ಪಾದಿಸಲು ಕೈಗಾರಿಕಾ ವಲಯದ ಮೇಲಿನ ಹೆಚ್ಚಿನ ಮಟ್ಟದ ಅವಲಂಬನೆಯನ್ನು ನಗದೀಕರಿಸಲು ಸಾಧ್ಯವಾಗುತ್ತದೆ ಎಂದು ಸಮೀಕ್ಷೆ ಉಲ್ಲೇಖಿಸಿದೆ.

ಪಶ್ಚಿಮ ರಾಜ್ಯಗಳಾದ ಗುಜರಾತ್ ಮತ್ತು ಮಹಾರಾಷ್ಟ್ರ ಮತ್ತು ದಕ್ಷಿಣದ ರಾಜ್ಯಗಳಾದ ಕರ್ನಾಟಕ ಮತ್ತು ತಮಿಳುನಾಡು ಒಟ್ಟು ಕೈಗಾರಿಕಾ ಜಿಎಸ್ ವಿಎಯ ಶೇಕಡಾ 43 ರಷ್ಟನ್ನು ಹೊಂದಿವೆ ಎಂದು ಸಮೀಕ್ಷೆ ನಿರ್ದಿಷ್ಟಪಡಿಸುತ್ತದೆ. ಇದಕ್ಕೆ ವ್ಯತಿರಿಕ್ತವಾಗಿ, ಈಶಾನ್ಯದ ಆರು ರಾಜ್ಯಗಳು (ಸಿಕ್ಕಿಂ ಮತ್ತು ಅಸ್ಸಾಂ ಹೊರತುಪಡಿಸಿ) ಕೈಗಾರಿಕಾ ಜಿವಿಎಯ ಕೇವಲ 0.7 ಪ್ರತಿಶತವನ್ನು ಮಾತ್ರ ಹೊಂದಿವೆ ಎಂದು ಸಮೀಕ್ಷೆ ಉಲ್ಲೇಖಿಸಿದೆ. ಈಶಾನ್ಯದಂತಹ ವಿಶಿಷ್ಟ ಭೌಗೋಳಿಕತೆಗಳಿಗೆ ಸೂಕ್ತವಾದ ಕೈಗಾರಿಕಾ ಕಾರ್ಯತಂತ್ರಗಳ ಮೇಲೆ ಗಮನ ಹರಿಸುವ ಅವಶ್ಯಕತೆಯಿದೆ ಎಂದು ಸಮೀಕ್ಷೆ ಸೇರಿಸುತ್ತದೆ.

ಚಿತ್ರ 1: ಕೈಗಾರಿಕೀಕರಣದ ಮಟ್ಟದಲ್ಲಿ ವ್ಯಾಪಕ ಅಂತರ-ರಾಜ್ಯ ವ್ಯತ್ಯಾಸಗಳು

ಮೂಲಸೌಕರ್ಯ ಅಭಿವೃದ್ಧಿ, ನಗರೀಕರಣ ಮತ್ತು ರಿಯಲ್ ಎಸ್ಟೇಟ್ ಪ್ರವೃತ್ತಿಗಳೊಂದಿಗೆ ನಿಕಟ ಸಂಬಂಧ ಹೊಂದಿರುವ ನಿರ್ಮಾಣ ಚಟುವಟಿಕೆಯು ಅಂತರ-ರಾಜ್ಯ ವ್ಯತ್ಯಾಸಗಳನ್ನು ತೋರಿಸುತ್ತದೆ ಎಂದು ಸಮೀಕ್ಷೆ ಸೂಚಿಸುತ್ತದೆ. ಈ ಸನ್ನಿವೇಶದಲ್ಲಿ, ಕೇರಳವು ಇತರ ಅನೇಕ ರಾಜ್ಯಗಳಿಗಿಂತ ತುಲನಾತ್ಮಕವಾಗಿ ಕಡಿಮೆ ಕೈಗಾರಿಕಾ ಪ್ರದೇಶವಾಗಿದೆ ಆದರೆ ನಿರ್ಮಾಣ ಚಟುವಟಿಕೆಯಲ್ಲಿ ಇದು ಸಕಾರಾತ್ಮಕವಾಗಿದೆ, ನಿರ್ಮಾಣವು ಅದರ ಕೈಗಾರಿಕಾ ಜಿವಿಎಗೆ ಅರ್ಧದಷ್ಟು ಕೊಡುಗೆ ನೀಡುತ್ತದೆ.

ಚಿತ್ರ 2: ಕೈಗಾರಿಕಾ ಚಟುವಟಿಕೆಯ ಸಾಮಾನ್ಯ ಮಾದರಿಯಿಂದ ನಿರ್ಮಾಣ ಚಟುವಟಿಕೆಯ ಮಾದರಿ ಬದಲಾಗುತ್ತದೆ

ಒಟ್ಟು ಕೈಗಾರಿಕಾ ಉತ್ಪಾದನೆಗೆ ಗಣಿಗಾರಿಕೆ ವಲಯವು ಸುಮಾರು ಶೇ.8ರಷ್ಟು ಕೊಡುಗೆ ನೀಡುತ್ತದೆ ಎಂದು ಸಮೀಕ್ಷೆಯು ವಿಶ್ಲೇಷಿಸುತ್ತದೆ. ಅಸ್ಸಾಂ, ಛತ್ತೀಸ್ ಗಢ, ಗುಜರಾತ್, ಮಹಾರಾಷ್ಟ್ರ ಮತ್ತು ಒಡಿಶಾಗಳಲ್ಲಿ ಗಣಿಗಾರಿಕೆ ಚಟುವಟಿಕೆಯು ಹೆಚ್ಚು ಕೇಂದ್ರೀಕೃತವಾಗಿದೆ. ಇದು ಅಖಿಲ ರಾಜ್ಯ ಗಣಿಗಾರಿಕೆ ಜಿಎಸ್ ವಿಎಯ ಶೇ. 60 ರಷ್ಟಿದೆ. ವಿವಿಧ ಸಂಶೋಧನಾ ಪ್ರಬಂಧಗಳನ್ನು ಉಲ್ಲೇಖಿಸಿದ ಆರ್ಥಿಕ ಸಮೀಕ್ಷೆಯು, ಭಾರತೀಯ ರಾಜ್ಯಗಳಾದ್ಯಂತ ಆರ್ಥಿಕ ಬೆಳವಣಿಗೆಯ ಮಾದರಿಗಳನ್ನು ರೂಪಿಸುವಲ್ಲಿ ರಾಜ್ಯ ಮಟ್ಟದ ನೀತಿಗಳು ನಿರ್ಣಾಯಕ ಪಾತ್ರ ವಹಿಸುತ್ತವೆ ಎಂದು ಬಿಂಬಿಸುತ್ತದೆ. ನಿಯಂತ್ರಕ ಪರಿಸರ, ಮೂಲಸೌಕರ್ಯ ಅಭಿವೃದ್ಧಿ ಮತ್ತು ರಾಜ್ಯ ಮಟ್ಟದ ಸುಧಾರಣೆಗಳಂತಹ ಅಂಶಗಳು ಕೈಗಾರಿಕಾ ಬೆಳವಣಿಗೆಯ ಮಾದರಿಗಳ ಮೇಲೆ ಗಮನಾರ್ಹವಾಗಿ ಪ್ರಭಾವ ಬೀರುತ್ತವೆ ಎಂದು ತೋರಿಸಲಾಗಿದೆ ಎಂದು ಅದು ಒತ್ತಿಹೇಳುತ್ತದೆ.

ಕೆಲವು ಕೈಗಾರಿಕಾ ಅಥವಾ ಸೇವಾ ಕ್ಷೇತ್ರಗಳಲ್ಲಿ ಉತ್ತೇಜನವನ್ನು ಸಾಧಿಸಲು ರಾಜ್ಯಗಳು ಆದ್ಯತೆಯ ಆಧಾರದ ಮೇಲೆ ವ್ಯಾಪಾರ ಸುಧಾರಣೆಗಳತ್ತ ಗಮನ ಹರಿಸಬೇಕು ಎಂಬ ಅಂಶವನ್ನು ಸಮೀಕ್ಷೆಯು ಸೂಚಿಸುತ್ತದೆ. ವ್ಯವಹಾರಗಳು ಕಾರ್ಯಾಚರಣೆಯನ್ನು ಪ್ರಾರಂಭಿಸಲು ಮತ್ತು ಬೆಳೆಯಲು ರಾಜ್ಯಗಳು ಸುಲಭಗೊಳಿಸಬೇಕು ಎಂದು ಸಮೀಕ್ಷೆ ಪ್ರತಿಪಾದಿಸುತ್ತದೆ; ಆ ಮೂಲಕ, ಜೀವನ ಮಟ್ಟಗಳು ಮತ್ತು ತಲಾ ಆದಾಯಗಳ ತ್ವರಿತ ಸಂಯೋಜನೆಗೆ ಕಾರಣವಾಗುತ್ತದೆ.

*****