وزیراعظم کا دفتر
وزیر اعظم 27 جنوری کو دہلی کے کری اپَّا پریڈ گراؤنڈ میں این سی سی پی ایم ریلی سے خطاب کریں گے
موضوع: ’یووا شکتی، وکست بھارت‘
Posted On:
26 JAN 2025 7:25PM by PIB Delhi
وزیر اعظم جناب نریندر مودی 27 جنوری 2025 کو دہلی کے کری اپَّا پریڈ گراؤنڈ میں شام تقریباً 4:30 بجے سالانہ این سی سی پی ایم ریلی سے خطاب کریں گے۔
اس سال یوم جمہوریہ کیمپ میں مجموعی طور پر 2361 این سی سی کیڈٹوں نے شرکت کی جن میں 917 کیڈٹس لڑکیاں بھی شامل تھیں، جو کہ اس تقریب میں شرکت کرنے والی لڑکیوں کے کیڈٹ کی سب سے بڑی تعداد ہے۔ پی ایم ریلی میں ان کیڈٹوں کی شرکت کے ساتھ ہی نئی دہلی میں مہینہ بھر جاری رہنے والا این سی سی یوم جمہوریہ کیمپ اختتام پذیر ہوگا۔ اس سال کی این سی سی پی ایم ریلی کا موضوع ’یووا شکتی، وکست بھارت‘ ہے۔
اس دن 800 سے زائد کیڈٹس کا ثقافتی پروگرام پیش کیا جائے گا جس میں تعمیر ملک کے تئیں این سی سی کے عزم کا اظہار کیا جائے گا۔ 18 دوست بیرونی ممالک کے 144 نوجوان کیڈٹس کی شرکت اس سال کی ریلی میں مزید جوش و جذبے کا اضافہ کرے گی۔
ملک بھر سے ، میرا یووا (ایم وائی) بھارت، وزارت تعلیم اور قبائلی امور کے 650 سے زیادہ رضاکاران بھی بطور مہمان خصوصی این سی سی پی ایم ریلی میں شرکت کریں گے۔
**********
(ش ح –ا ب ن)
U.No:5680
(Release ID: 2096528)
Visitor Counter : 18
Read this release in:
English
,
Marathi
,
Hindi
,
Manipuri
,
Bengali
,
Assamese
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam